2 SAMUƐLƐ 7:2 - WE NU GALE 1995

² Mbe ngba soe kpo, nɛ Davidi tɔ̃ hã Natanɛ, wi gba olo nu Gale na: “Mi ɔ kɔ tɔa kɛ wa dɛa ma do te sɛdrɛ, nɛ Sanduku Gba Tɔkɛ 'da Gale ɔ kɛ 'dɛ ɛ ti tɔa tande iko. Kɔ mɔ lengge na ge nde?”

2 SAMUƐLƐ 7:2 Iomraidhean Croise

2 SAMUƐLƐ 11:11

Nɛ Uri gese na: “Aa nwa, Sanduku Gba Tɔkɛ 'da NWA Gale, do osoda Israɛlɛ do Yuda wa ɔ dɛ ti tɔa tande iko. Nɛ Yoabɛ do ogã wi ngɔ sodanɔ 'da mɔ, wa ɔ dɛ nù gɛ dɛ zã wɔkɔsɔnɔ. Nɛ mi si dɛ nu tɔa 'da mi, we nyɔngɔ mɔ, do nɔ dɔ̃ do mba ngɔ te do kɛnɛ mi nde? Mi kana tɛ mi hã mɔ na, mi dɛ̃ sɛ mɔ ɔ ni fala kpo gɔ.”

2 SAMUƐLƐ 12:1

'Do nɛ, nɛ NWA tumba wi gba olo nu a, Natanɛ, tɛ 'da Davidi i. Natanɛ hɔa i mɔ, nɛ a le dɛ 'da Davidi, nɛ a tɔ̃ gba wia we gɛ hã a na: “Mbe Owele bɔa wa zi kɔ mbe le kpo. Mbe kpo a wi kpamɔ, nɛ mbee nɛ a wi sã.

2 SAMUƐLƐ 5:11

Hiramɛ, nwa kɔ le Tirɛ tumba Owele hã Davidi, nɛ a tombo do te sɛdrɛ, do Owi sɛ te do Owi sɛ ta na, wa dɛ gã tɔa hã Davidi.

2 SAMUƐLƐ 6:17

Wa nɛa do Sanduki, nɛ wa e ma tɛ fala wa 'dafa kɔ tɔa tande Davidi zĩ we duzu Sanduki ni. 'Do nɛ, nɛ Davidi dɔa osa'de we dɔnggɔ do nwa, kɛ a do nganda vɛ̃, nɛ a gbɛa 'bɔ mbee nɛ we be dɛa na.

2 SAMUƐLƐ 7:17

Natanɛ nɛa, nɛ a gba nu wenɔ NWA tɔ̃a hã a ni vɛ̃ hã Davidi.

1 Onwanɔ 1:22

Baseba 'bana zi tɛ wele we do nwa, nɛ Natanɛ, wi gba olo nu Gale le kɔ tɔa 'da nwa.

1 Onwanɔ 1:8

Nɛ nde nganga Sadɔkɛ, do Bɛnaya, be 'da Yoyada, do Natanɛ, wi gba olo nu Gale, do Simei, do Rei, do osodanɔ kɛ wa fɔmɔ Davidi ngboo ni, wa kɔ̃̀ zi gulu we 'da Adonia gɔ.

1 Onwanɔ 4:5

Azaria, be 'da Natanɛ zi a gã wi ngɔ owi fɔmɔ lenɔ. Zabudɛ, be 'da Natanɛ zi a nganga, nɛ a 'bɔ a yali ngba nwa, wi poe a.

1 Onwanɔ 8:17

Salɔmɔ tɔ̃a 'bɔ na: “ĩ na, baa mi Davidi zi do linggamɔ dɛ tɔa Tɛmpɛlo hã NWA Gale 'da lɛ obe Israɛlɛ boe.

1 Sakonɔ 14:1

Hiramɛ, nwa kɔ le Tirɛ tumba Owele hã Davidi, nɛ a tombo do te sɛdrɛ, do owi sɛ te do Owi sɛ ta na, wa dɛ gã tɔa hã Davidi.

1 Sakonɔ 16:1

Wa lia do Sanduki 'da Gale kɔ tɔa tande, kɛ Davidi zĩ zi ma we duzu nɛ ni, nɛ wa e ma dɛ gbogbo nɛ. 'Do nɛ, nɛ wa gbɛ sa'de, nɛ wa dɔ we dɔnggɔ do Gale, nɛ wa gbɛ mbe 'bɔ we be dɛa na.

1 Sakonɔ 22:7

A tɔ̃a hã a na: “Be 'daa, mi zi do linggamɔ we dɛ tɔa Tɛmpɛlo hã NWA Gale 'da mi.

1 Sakonɔ 29:29

Wa kɔma lɛnggɛ ngɔ nwa Davidi yolo do kuti nɛ gbaa we hɔ ndɔti nɛ kɔ 'bukunɔ kɛ li ma a: “Dɛa tonɔ 'da Samuɛlɛ, wi zɔ mɔ” do “Dɛa tonɔ 'da Natanɛ, wi gba olo nu Gale” do “Dɛa tonɔ 'da Gadɛ, wi gba olo nu Gale.”

2 Sakonɔ 1:4

Nɛ nde do 'da fala ni, Sanduku Gba Tɔkɛ 'da Gale zi a tɛ Yeruzalɛmɛ. Davidi ba zi ma tɛ kɔ le Kiriatɛ-Yearimɛ, nɛ a si do ma dɛ Yeruzalɛmɛ, nɛ a e ma dɛ ti tɔa Tande kɛ a 'dafa we ma ni.

2 Sakonɔ 29:25

Nɛ 'do ki ni, nɛ Ezekiasi mba li olevitɛnɔ do onganganɔ we dɔnggɔ NWA Gale do zuma dɛ li fanda tɔa Tɛmpɛloe. Olevitɛnɔ wa zi do mbala mɔ bolo kɛ wa zɛ ma do ngbɛ ɛ ni, do obe kundu, do ogã kundu kɔ̃ wa ɔ nɛ mbula kɛ Davidi, mba do Gadɛ do Natanɛ, Owi gba olo nu Gale hã Davidi wa ia zi ni. Ĩ na, wi a NWA Gale, hã a ba zi nu a na mɛ ni, do wala 'da Owi gba olo nu a. Olevitɛnɔ wa yolo do omɔ ga Zumanɔ 'da wa, kɛ nwa Davidi dɛa zi ma ni, nɛ nganganɔ wa yolo dɛ kɛ zã olevitɛnɔ ni do mɔtũlũnɔ.

2 Sakonɔ 9:29

Tala mɛnɔ vɛ̃ kɛ Salɔmɔ dɛa ni, wa kɔma ma kɔ o'bukunɔ kɛ li nɛ a: “Dɛa Toe 'da Natanɛ, wi gba olo nu Gale” do “Wenɔ 'da Ahia, wi Silo, wi gba olo nu Gale” do “Wenɔ 'da Yedo, wi zɔ gulu mɔ.” Nɛ talɛ 'buki ni, ma tɔ̃a 'bɔ lɛnggɛ 'da Yeroboamɛ, nwa ngɔ nù Israɛlɛ kɛ a a be 'da Nɛbatɛ ni.

Zumanɔ 132:2

Mɔ lénggé mbuli kɛ a kpua zi hã mɔ nwa Gale ngawi 'da Yakɔbɔ ni. A zonggo zi tɛ̃ a na:

Zumanɔ 132:5

gbaa na mi 'dafa fala hã NWA, nɛ mi dɛ tɔa hã a Gale ngawi 'da Yakɔbɔ sɛ nɛ de.”

Kulu Tɔa 40:21

Nɛ wa ba ma, nɛ wa e kɔ tɔa Tande 'di, nɛ wa 'bili fala ni do ku'bu na, ma kele Sanduki. Wa dɛa ɔ nɛ kɛ NWA tɔ̃a zi hã Mɔizɛ ni.

AZE 1:4

Ĩ na, nɛ ɔ kɔ osaka tɔa, nɛ nde Tɛmpɛloe 'da mi, ma tia do'do, nɛ nɛ zɔ ma li nɛ na, ma de wena nde?

YOANƐ 2:17

Kɔ a nɛa we tɔ̃ ní, nɛ ta zu owi yambala mɛnɔ 'da a gba ngɔ we kɔ 'Buki 'da Gale kɛ ma tɔ̃a na: “Aa Gale, kɔ̃a zã kɛ mi kɔ̃a do Tɛmpɛloe 'da mɔ ni, ma dɔ sila mi ɔ nɛ we ni.”

Owi Nɛ Tonɔ 7:46

Nɛ Gale kɛ a 'bɔ a Gale 'da Yakɔbɔ ni, a wila nu a tɛ Davidi, nɛ Davidi aka a na, ɛ dɛ tɔa ɔi hã a.