2 SAMUƐLƐ 7:16 - WE NU GALE 1995

¹⁶ Obe zã mɔ wa dungu sɛ nwa olo mɔ fai, nɛ to nwa ma 'bana sɛ kɔ nu fɛlɛ mɔ fai.”

2 SAMUƐLƐ 7:16 Iomraidhean Croise

Ndo Nyanga Dɛ Mɔ 49:10

Nu kpala mɔ ma dɛ sɛ to nwa fai. Dɔndɔlɔ nwa yú sɛ tɛ̃ ɛ kɔ̃ be zã mɔ gɔ, gbaa na owinɔ wa tɛ do mɔ we dɔnggɔ do a, nɛ wa dɛ mbulanɔ 'da a.

2 SAMUƐLƐ 22:51

NWA Gale dɛa gba mɔ we gbaka mi Davidi do obe zã mi. A saka lɛ, nɛ a be dia zã hã lɛ, nɛ a e lɛ do nwa fai.

2 SAMUƐLƐ 7:13

Nɛ a hã a dɛ sɛ tɔa Tɛmpɛlo hã mi. Nɛ mi hã, sɛ ngawi hã a na, dɛa to nwa 'da a 'bana fai.

2 SAMUƐLƐ 7:17

Natanɛ nɛa, nɛ a gba nu wenɔ NWA tɔ̃a hã a ni vɛ̃ hã Davidi.

1 Onwanɔ 2:4

Nɛ NWA a dɛ sɛ mbuli, kɛ a kpua zi hã mi nɛ̀ Mba gɔ, a tɔ̃a zi na, fala kɛ obe zã mi wa dɛ olo nu ɛ ɔ nɛ kɛ ɛ kɔ̃a ni, kɔ wa dɛ to hã ɛ do sila wa vɛ̃, nɛ wele kpo kɔ wa, a dungu sɛ nwa ngɔ obe Israɛlɛ 'da fala fai.”

1 Onwanɔ 9:5

Mɔ dɛ ni, nɛ mi dɛ sɛ mbuli mi kpua zi hã baa mɔ Davidi na, 'da fala fai, nɛ mbe kpo kɔ obe zã a, a dungu sɛ nwa ngɔ obe Israɛlɛ ni. “

2 Onwanɔ 19:34

Mi zɔ sɛ mɔ tɛ le Yeruzalɛmɛ, nɛ mi kpasa sɛ Owi kɔ nɛ, we be dɔ̃lɔ̃ li 'da mi, do we lengge Davidi, wi toe 'da mi.”

2 Onwanɔ 8:19

Gɛnɛ kɔ ní, nɛ nde NWA kɔ̃̀ zi we kumu obe Yuda gɔ. Mba gɔ, a kpua zi mbulu hã wi dɛa toe 'da a Davidi na, obe zã a wa dungu sɛ nwa fai.

2 Sakonɔ 6:16

Kɔ mi aka mɔ, NWA Gale 'da lɛ obe Israɛlɛ na, mɔ dɛ́ tɛ mɛ 'bɔ olo mbuli kɛ mɔ kpua zi hã baa mi Davidi, wi toe 'da mɔ ni. Mɔ tɔ̃a zi hã a na: ‘Fala kɛ oyaa mɔ wa dɛ mbulanɔ 'da mi, ɔ nɛ kɛ mɔ dɛa zi ni, nɛ 'da fala fai, mbe kpo kɔ wa a dungu sɛ nwa ngɔ obe Israɛlɛ dɛ olo mɔ.’

YƆBƆ 36:7

Gale bɛ̃́ gɛnɛ Owi bɔlɔ zunɔ gɔ. A hã dɔ̃lɔ̃ li hã wa ɔ nɛ onwa ni, nɛ a kɔ̃ na, owinɔ wa dɔnggɔ wa.

Zumanɔ 45:6

E kɔ otɔa nu kpilinɔ 'da mɔ, ma ndɔlɔ li sila owi sɛnɛ mɔ, nɛ wa ala nù ti nyanga mɔ.

Zumanɔ 72:5

E kɔ nwa 'bana nza fai, ɔ nɛ kɛ zɛkɛ do wese to do ma fai ni.

Zumanɔ 89:4

Gale na: “Mi kpua mbulu hã wi mi saka a ni, mi kpua mbulu hã Davidi, wi toe 'da mi na,

Ezai 9:6

Gale tombo a na, a e dungu fio ngɔ nù nga fai, nɛ dɛa to nwa 'da a ma gã dɛ dati. A dungu sɛ ngɔ kpongbo nwa 'da Davidi, nɛ a dɛ to nwa ngɔ nùi 'da a, takɔ ma nganda, nɛ ma ɔ fai. Ngangga gɛ, a dɛ sɛ toe 'da a do bɔlɔ zu, do wala olo nɛ ngboo, nɛ ma 'bana sɛ fai. Nɛ zɔ́, mɛnɔ kɛ NWA ngɔ mɔ nyanga nza vɛ̃, a do hɛ̃lɛ̃ we dɛ ma gɛ a ni.

Ezai 9:7

NWA gɔnɔ we 'da Owi ngɔ nù Israɛlɛ, a fi obe zã Yakɔbɔ li ngbangga.

Yeremi 17:25

Fala kɛ nɛ zele we nu mi, nɛ Onwanɔ kɛ wa dungu olo Davidi ni, wa 'bana sɛ tɛ la do nu ngbo le ni dɛ kɔ ngilingilinɔ, do ngɔ mbalatanɔ 'da wa, fala nɛ kpo do owi olo li wa, do owinɔ ngɔ nù Yuda, do Owi kɔ le Yeruzalɛmɛ. Nɛ Owele wa 'bana sɛ kɔ le Yeruzalɛmɛ fai.

Yeremi 33:17

Mi NWA, mi kpua mbulu na, 'da fala fai, be zã Davidi kpo a dungu sɛ nwa ngɔ obe Israɛlɛ.

EZEKIƐLƐ 37:25

Wa ɔ sɛ ngɔ nùi kɛ mi hã zi ma hã wi toe 'da mi Yakɔbɔ, nɛ okpasa yaa wa wa ɔa zi ngɔ nɛ ni. Nɛ wa ɔ sɛ dɛ di ni fai. Nɛ obenɔ 'da wa, do obe zã wa wa ɔ sɛ 'bɔ dɛ di ni. Nɛ wi to mɔ́ mi kpo ɔ nɛ Davidi ni, a sɛ a nwa ngɔ wa fai.

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

DANIƐLƐ 7:14

Wa hã ngawi do dɔ̃lɔ̃ li hã a, nɛ wa ia a do nwa, takɔ onu kɔnggɔnɔ vɛ̃, do nu fɛlɛ kulanɔ vɛ̃, do lɛnggɛnɔ vɛ̃, wa dɛ to hã a. To nwa 'da a, ma ɔ sɛ fai, ma sɛ do ndɔti nɛ bina. Nɛ le nwa 'da a, ma 'dángá sɛ gɔ.

MATIE 16:18

Kɔ mi tɔ̃ hã mɔ na, ɔ nɛ kɛ li mɔ a Petro, nɛ gulu Petro na ta ni, mi dɛ sɛ Eklezia 'da mi dɛ ngɔ ta ni. Nɛ nde fio ngboo ni wé sɛ tɛ 'danga ma gɔ.

YOANƐ 12:34

Nɛ gba gili winɔ wa gisa hã a na: “Lɛ yambala kɔ 'buku mbula 'da lɛ na, Mɛsiya fé sɛ fio gɔ, a ɔ sɛ fai. Kɔ gulu kɛ mɔ tɔ̃a na, wa ba sɛ Be 'da Wele dɛ ngɔ ni we ge nde? Be 'da Wele ni a wio nde?”

OHEBRE 1:8

Nɛ nde a tɔ̃a hã Be 'da a na: “Aa Gale, kpongbo nwa 'da mɔ ma 'bana sɛ kɔ sabɛlɛ do sabɛlɛ. Mɔ dɛ to nwa 'da mɔ do bɔlɔ nɛ ngboo.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

1 SAMUƐLƐ 25:28

Nɛ mɔ kɔ̃, nɛ mɔ ele 'dã mɛ 'da mi. Mba gɔ, mi ĩ ngboo na, NWA a hã sɛ dɛa to nwa hã nu fɛlɛ mɔ fai, we kɛ mɔ bi bolo hã a. Nɛ kɔ dungu 'da mɔ vɛ̃, wa kpá sɛ 'dã mɔ kpo kɔ mɔ gɔ.