2 SAMUƐLƐ 5:9 - WE NU GALE 1995

⁹ Davidi nɛa, nɛ a kulu dɛ kɔ gba ngboe ni, nɛ a e li ma na: “Gba Ngbo nwa 'da Davidi.” 'Do nɛ, nɛ a tɔ̃a, nɛ wa dɛ 'bɔ ombe gele gba'da kɛ zã gba ngboe ni, yolo tɛ Milo, we hɔ tɛ fala a ɔ nɛ ni.

2 SAMUƐLƐ 5:9 Iomraidhean Croise

2 SAMUƐLƐ 5:7

(Nɛ nde gɛnɛ kɔ na mɛ ni, nɛ Davidi ba gba ngbo Sioni. Sɔɛ gɛ, wa sa li gba ngboe ni na: “Gba Ngbo nwa 'da Davidi.”)

2 SAMUƐLƐ 5:8

Do ngba soe ni, nɛ Davidi tɔ̃a na: “Fala kɛ wele kɔ̃ we nɛ ngɔ Oyebuzi, nɛ ma wia na, a la do wala lì kɛ wa zã do ti nù, nɛ ma hɔ dɛ gbogbo le ni, sɛ nɛ a kpa sɛ wa de. Mi sɛnɛ owi mbi kunɔ do Owi lɔa linɔ ni wena.” (Gulu nɛ hã wa tɔ̃ na: “Owi lɔa li do Owi mbi ku, wa wè tɛ le kɔ tɔa 'da NWA gɔ.”)

2 SAMUƐLƐ 6:10

Nɛ a kɔ̃̀ zi we si do ma dɛ nu tɔa kɔ Gba Ngbo nwa 'da a tɛ Yeruzalɛmɛ i gɔ. Nɛ a ia ma kɔ tɔa 'da Obɛdɛ-Edɔmɛ, wi Gatɛ.

1 Onwanɔ 2:10

Davidi fia, nɛ wa mi a tɛ kɔ ngboe 'da a tɛ Yeruzalɛmɛ. Lì ngboe ni a: Gba Ngbo nwa 'da Davidi.

1 Onwanɔ 9:15

Nwa Salɔmɔ kala zi Owi dɛ kolofe, nɛ wa dɛ tɔa Tɛmpɛloe, do tɔa nwa 'da a. Nɛ wa kpe gbangɔlɛ̃, nɛ ma hɔ li fanda, nɛ wa sa li nɛ na Milo. Nɛ wa zĩ 'bɔ ongbo nu le Yeruzalɛmɛ dɛ olo nɛ. Nɛ wa 'dafa ole Hasɔrɛ, Megido do Gezɛrɛ.

1 Onwanɔ 9:24

'Do kɛ be zɔnga be 'da nwa ngɔ nù Ezipeto yula kɔ Gba Ngbo Nwa 'da Davidi, nɛ a kulu dɛ kɔ tɔa nwa wa dɛa hã a ni, nɛ nwa Salɔmɔ kpia gbangɔlɛ̃, nɛ a dɛ do li fanda Milo.

2 Onwanɔ 12:20

Tala mɛnɔ vɛ̃ kɛ Yoasi dɛa ni, wa kɔma ma kɔ 'buki li nɛ a: “Dɛa tonɔ 'da onwa ngɔ nù Yuda.”

2 Onwanɔ 12:21

Ombe gã wi ngɔ sodanɔ 'da Yoasi wa ba zã zu a, nɛ mbe Owele bɔa sanga wa ni, Yozabadɛ, be 'da Simeatɛ, do Yɛhɔzabadɛ, be 'da Sɔmɛrɛ, wa gbɛa zi Yoasi tɛ kɔ le Bɛtɛ-Milo, nɛ wa mi a ngɔ mabi'donggo 'da nu fɛlɛ a tɛ kɔ Gba Ngbo nwa 'da Davidi. A fia do'do, nɛ be 'da a Amasia dungu nwa olo a.

1 Sakonɔ 11:8

'Do nɛ, nɛ a ba nu a, nɛ wa yolo tɛ fala wa sa li nɛ na Milo ni, nɛ wa dɛ ogba'da kɛ zã gba ngboe ni zĩ takpa. Nɛ Yoabɛ 'dafa tala le dɛ olo nɛ.

2 Sakonɔ 32:5

Ezekiasi kpãlã sila ɛ, nɛ a zi 'bɔ gba ngbo nu le tɛ falanɔ kɛ ma gbini zi ni, nɛ a gbala 'da ogba'danɔ dɛ ngɔ. Nɛ a zĩ 'bɔ mbé gba ngbo 'do ki ni. Nɛ a 'dafa 'bɔ 'da gbongbo Milo, kɛ ma kɔ Gba Ngbo nwa 'da Davidi ni. Nɛ a ba nu a na, wa dɛ osɛlɛ do Ongele dɛlɛ wena.

NEHEMIE 3:15

Salumɛ, be 'da Kɔlɛ-Hoze hã a dɛa nu ngbo 'De dɛ olo nɛ. Salumɛ zi a nwa ngɔ 'bili tɛ nù Mispa. A dɛa ma dɛ olo nɛ, kɔ a kila zu nɛ do'do, nɛ a a ote gbangganɔ, do ogbangganɔ, do omɔ kã do ma dɛ olo nɛ. A 'dafa 'bɔ ngbo kɛ si 'biti ndɔ Siloe. Ndɔɛ ni zi do sanga be fɔɛ 'da nwa, do ngalangala ma zĩlĩ dɛ tɛ Gba Ngbo nwa 'da Davidi ni.

Zumanɔ 122:3

Wa dɛa le Yeruzalɛmɛ de wena, gba ngbo zĩ ma takpa.

Ezai 29:1

Aa nɛ, owi Yeruzalɛmɛ, le 'da nɛ zi a gbagala 'da Gale, kɔ ma 'danga do'do. Ma zi a le kɛ nwa Davidi ɔa kɔ nɛ, kɔ ma 'danga. Nɛ e sɛ mbé sabɛlɛ kpo ngɔ kɛ gɛ, nɛ nɛ dungu sɛ ɛngga kɔ nɛ.

Owi kpe dati 9:20

Hã ni gɔ, nɛ e kɔ nyɛa we hɔ kɔ Abimelɛkɛ nɛ ma bɛlɛ nɛ, owi Sikɛmɛ do Bɛtɛ-Milo vɛ̃! Nɛ e kɔ we hɔ kɔ nɛ, Owi Sikɛmɛ do Bɛtɛ-Milo, nɛ ma bɛlɛ tɛ mɛ 'bɔ Abimelɛkɛ!”

Owi kpe dati 9:6

Nɛ 'do ki ni, nɛ okumu le Sikɛmɛ do owinɔ kɔ le Bɛtɛ-Milo vɛ̃, wa mba li ngba wa, nɛ wa nɛ ti te sɛnɛ tɛ Sikɛmɛ, kɛ ma kɛ zã gã ta kɛ wa zĩ ma ni. Nɛ wa e Abimelɛkɛ do wi kpe dati wa dɛ di ni.