2 SAMUƐLƐ 5:3 - WE NU GALE 1995

³ Wa tɔ̃a ni do'do, nɛ okumu Israɛlɛ vɛ̃ wa tɛa tɛ Hebroni, nɛ Davidi gba tɔkɔ do wa dati NWA Gale. Nɛ wa a nɔ zu a, takɔ a hɔ nwa ngɔ nù Israɛlɛ.

2 SAMUƐLƐ 5:3 Iomraidhean Croise

2 SAMUƐLƐ 2:4

Ma hã Oyuda wa nɛa tɛ Hebroni, nɛ wa a nɔ zu Davidi na, a hɔ nwa ngɔ nù Yuda. Kɔ Davidi nɛa we zele na, Owi Yabɛsi tɛ ngɔ nù Galadɛ wa mi Saulo ni,

2 SAMUƐLƐ 2:7

Kɔ nɛ tɛ dɛ̃ kili gɔ, nɛ kpãlã sila nɛ. Wele nɛ Saulo fia, nɛ owinɔ ngɔ nù Yuda wa a nɔ zu mi na, mi dungu nwa ngɔ wa.”

2 SAMUƐLƐ 3:21

Nɛ Abnɛrɛ tɔ̃ hã Davidi na: “Aa nwa, mɔ kɔ̃, nɛ mi si, kɔ mi ngɛmɛ li obe Israɛlɛ vɛ̃ dɛ ti kɔ̃ mɔ. Wa gba sɛ tɔkɔ do mɔ, nɛ mɔ we sɛ we dɛ to nwa tɛ ngɔ nùi gɛ vɛ̃, ɔ nɛ kɛ mɔ kɔ̃a ni.” Davidi hã wala hã Abnɛrɛ na a si, nɛ a si do dia nɛ.

1 Onwanɔ 1:34

Kɔ nɛ hɔ i mɔ, nɛ mɔ, nganga Sadɔkɛ, do mɔ Natanɛ, wi gba olo nu Gale, nɛ a sɛ nɔ zu Salɔmɔ, we be na, a hɔa nwa ngɔ Israɛlɛ. Nɛ dama sɛ mɔtũlũ, nɛ nɛ he mɔ na: ‘Nwa 'da lɛ, wi a mɔ, Salɔmɔ!’

2 Onwanɔ 11:17

'Do nɛ, nɛ Yoyada dɛa na, nwa do owinɔ 'da a, wa gba tɔkɔ do NWA Gale, takɔ wa hɔ owinɔ 'da a fai. Nɛ a dɛa zi 'bɔ na, nwa gba tɔkɔ do owinɔ 'da a.

1 Sakonɔ 11:1

'Do nɛ, nɛ obe Israɛlɛ vɛ̃ wa nɛa, nɛ wa kpa Davidi tɛ Hebroni, nɛ wa tɔ̃ hã a na: “Lɛ gɛ a kili tɛ mɔ ngboo.

1 Sakonɔ 11:3

Wa tɔ̃a ni do'do, nɛ okumu Israɛlɛ vɛ̃ wa wele we do Davidi dɛ Hebroni ni, nɛ a gba tɔkɔ do wa dati NWA Gale. Nɛ wa a nɔ zu a, takɔ a hɔ nwa ngɔ nù Israɛlɛ, kpasaa ɔ nɛ kɛ NWA Gale tɔ̃a zi do wala 'da Samuɛlɛ, wi gba olo nu a ni.

1 Sakonɔ 28:4

Nɛ nde NWA Gale 'da lɛ obe Israɛlɛ saka mi sanga nu fɛlɛ kula 'da baa mi, takɔ mi do obe zã mi, lɛ dungu nwa ngɔ nù Israɛlɛ fai. Zi dati, nɛ a saka nu kpala Yuda na, nwa hɔ kɔ nɛ. Nɛ dɛ kɔ nu kpala Yuda ni, a saka nu fɛlɛ kula 'da baa mi. Nɛ dɛ kɔ nɛ ni, ma dia tɛ NWA ngboo na, a saka mi dɛ sanga wa ni do nwa ngɔ obe Israɛlɛ vɛ̃.

2 Sakonɔ 23:16

'Do nɛ, nɛ Yoyada dɛa na, nwa Yoasi do owinɔ 'da a, wa gba tɔkɔ ngbala wa do NWA Gale, takɔ wa hɔ owinɔ 'da a fai.

Kulu Tɔa 3:16

Kɔ di ngangga ni, mɔ nɛ́, hã mɔ mbá li okumu Israɛlɛ, nɛ mɔ tɔ̃ hã wa na: ‘NWA Gale kɛ oyaa nɛ wa dɔnggɔ zɛ́ a, Gale 'da Abrahama, Izaka do Yakɔbɔ, a bia tɛ̃ a hã mi. Nɛ a tɔ̃a hã mi na, ɛ zɔa tɛlɛ tɛ ngamɛ kɛ nɛ do ma tɛ ngɔ nù Ezipeto gɛ.

Yozue 10:36

'Do ki ni, nɛ Yozue do obe Israɛlɛ wa kulu ngɔ Egloni, nɛ wa kũ gbaa tɛ Hebroni, nɛ wa bi ma.

Owi kpe dati 11:11

Nɛ Yɛfte si fala nɛ kpo do okumunɔ, nɛ obe Israɛlɛ wa e a do gã wi ngɔ wa, do wi kpe 'bɔ dati wa li bolo. Wa hɔa Mispa, nɛ Yɛfte tɔ̃ wenɔ kɛ wa 'dafa zi ma do okumunɔ ni hã owinɔ dɛ dati NWA.

1 SAMUƐLƐ 11:15

Wa vɛ̃ wa kulu ngɔ, nɛ wa nɛ tɛ Gilgalɛ i. Wa hɔa tɛ fala dɔnggɔ Gale tɛ di ni, nɛ wa tɔ̃ 'bɔ mbé nɛ na, Saulo a nwa ngɔ lo. 'Do nɛ, nɛ wa gbɛa osa'de hã NWA Gale, we be dɛa na. Nɛ Saulo, do obe Israɛlɛ vɛ̃ wa dɛa zi gã ɛngga we be yangga 'da wa.

1 SAMUƐLƐ 16:13

Samuɛlɛ ba daka nɔɛ, nɛ a a ma dɛ zu Davidi dɛ gbali onya a ni. A nɛa we a nɔɛ zu a, nɛ Hi Wi 'da nwa lia kɔ Davidi, nɛ yolo dɛ di ni, NWA zi do a fala nɛ kpo. Nɛ 'do nɛ, nɛ Samuɛlɛ kpula tɛ̃ ɛ dɛ Rama i.

1 SAMUƐLƐ 23:18

Yonatanɛ do Davidi, wa ba 'bɔ 'bia do zu li NWA. 'Do nɛ, nɛ Yonatanɛ si dɛ 'da a i, nɛ Davidi 'bana dɛ kɔ le Horka ni.