2 SAMUƐLƐ 4:8 - WE NU GALE 1995

⁸ Wa hɔa do zu Isɛbalɛ tɛ Hebroni i, nɛ wa hã ma hã Davidi, nɛ wa tɔ̃ hã a na: “Aa nwa, mɔ zɔ zu Isɛbalɛ, be 'da wi sɛnɛ mɔ Saulo, kɛ a kɔ̃a zi we gbɛ mɔ ni, ma kɛ. Kɔ̃ tũi gɛ, nwa bili nu gbã 'dã mɛ kɛ Saulo do onu fɛlɛ a, wa kɔ̃a zi we dɛ do mɔ ni hã wa.”

2 SAMUƐLƐ 4:8 Iomraidhean Croise

2 SAMUƐLƐ 18:19

'Do nɛ, nɛ Ahimasi, be 'da Sadɔkɛ, tɔ̃ hã Yoabɛ na: “Mɔ bá wala hã mi, kɔ mi yu 'da nwa Davidi i, we tɔ̃ sako kɛ nwa kpasa do a ti kɔ̃ Owi sɛnɛ a ni hã a.”

2 SAMUƐLƐ 18:31

Do 'da fala ni, nɛ wi Etiopi ni hɔ, nɛ a tɔ̃ hã nwa na: “Aa nwa, mi tɛa do dia sako hã mɔ: NWA kpasa mɔ sɔɛ gɛ, nɛ a dɛa na, mɔ nɛ ngɔ owi sɛnɛ mɔ vɛ̃.”

2 SAMUƐLƐ 2:8

Gã nwa ngɔ sodanɔ 'da Saulo, kɛ li a a Abnɛrɛ, be 'da Nɛrɛ, a kulu ngɔ do Isɛbalɛ, be 'da Saulo, nɛ wa nɛ tɛ kɔ le Mahanaimɛ.

2 SAMUƐLƐ 22:48

Gale dɛa na, mi bili gbã hã owi sɛnɛ mi, nɛ a ia Owele ti mbula 'da mi.

Zumanɔ 71:24

Nɛ mi tɔ̃ sɛ lɛnggɛ bɔlɔ zu dɛa mɛ 'da mɔ tũ kpo kpo, mba gɔ, mɔ hã sape wena hã owinɔ kɛ wa fa zi we zɛlɛ tɛ mi ni.

MATIE 2:20

nɛ a tɔ̃ hã Yozɛfu na: “Mɔ kúlú ngɔ, kɔ mɔ bá be do naa a, hã nɛ kpóló tɛ nɛ dɛ Israɛlɛ i. Mba gɔ, winɔ wa fa zi we gbɛ a ni, wa fia ia.”

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

USU MƐNƆ 6:10

Kɔ wa tɛ he mɔ do nga gɛlɛ na: “Aa Nwa, mɔ a santo, nɛ mɔ tɔ̃ fai a gbãlã we. Mɔ nɛ 'bɔ gbaa we 'bili we 'da winɔ nù gɛ, nɛ mɔ hã etumbu hã wa do kɛ wa gbɛa zi lɛ ni soe ki nge nde?”

1 SAMUƐLƐ 18:11

Nɛ a tɔ̃ do kɔ sila a na, ɛ nɛ to a, hã ɛ nda'da a do tɛ dɛlɛ tɔa. Nɛ a da sɛlɛ fala bɔa, nɛ Davidi gulu ma vɛ̃.

1 SAMUƐLƐ 19:1

Saulo tɔ̃a 'da we kɛ a fa we gbɛ Davidi ni hã be 'da a Yonatanɛ, do ogã wi ngɔ sodanɔ 'da a. Nɛ nde Yonatanɛ kɔ̃a gɛnɛ Davidi wena,

1 SAMUƐLƐ 19:15

Nɛ winɔ ni wa si, nɛ wa tɔ̃ nu nɛ hã Saulo, nɛ a gese 'bɔ mbé wa fala bɔa na, wa nɛ kɔ wa zɔ Davidi. A ba nu a hã wa na: “Nɛ bá a ngɔ mbɛto zɛlɛ 'da a tɛ do a hã mi, kɔ mi gbɛ a.”

1 SAMUƐLƐ 20:1

Davidi yula tɛ Nayɔtɛ, dɔ̃ɔ do Rama, nɛ a nɛ we kpa ngba a do Yonatanɛ, be 'da Saulo. A kpa a, nɛ a aka a na, 'dã mɛ ngboo ɛ dɛa do baa a, kɔ a fa we gbɛ ɛ ni a ge nde?

1 SAMUƐLƐ 23:15

Davidi zɔa na, Saulo fa we gbɛ ɛ ni, nɛ a 'bana de kɔ le Horka, tɛ li gba zɔ̃ Zifɛ.

1 SAMUƐLƐ 24:4

Saulo la do kɛ zã ngboe 'da obatanɔ, kɛ ma kɔlɔ do li wala ni, nɛ a zɔ gã ta, nɛ a le kɔ nɛ we nɛ nza. Ĩ na, Davidi do owinɔ 'da a, wa usu tɛ wa dɛ kpo kɔ ta ni do kɔlɔ 'du.

1 SAMUƐLƐ 25:29

Wele fa we bi mɔ na a gbɛ mɔ, nɛ nde NWA Gale 'da mɔ a fɔmɔ sɛ mɔ kɔ nɛ vɛ̃, ɔ nɛ kɛ wele fɔmɔ do gã kpamɔ ni. Nɛ a da sɛ Owi sɛnɛ mɔ nyɛlɛ, ɔ nɛ kɛ wele e ta kɔ lasi, nɛ a da ma nyɛlɛ ni.