2 SAMUƐLƐ 4:6 - WE NU GALE 1995

^6-7 Wa lia kɔ tɔa i, ɔ nɛ wa tɛa do kpalɛ ni. Nɛ wa kpa Isɛbalɛ, nɛ nde a ɔa nù dɛ ngɔ mɔ ɔi 'da a, tɛ kɔ usu tɔa 'da a i. Wa kɔlɔ do a, nɛ wa dumu zã a do du kɔya 'da wa, nɛ wa gbɛa a. 'Do nɛ, nɛ wa 'bili gɛlɛ a, nɛ wa yu do zu a. Nɛ wa la si li wala gbangɔlɔ̃ lì Yɔrdanɛ. Nɛ wa nɛa do tũi gbaa nɛ fala sa wa dɛ ngɔ gɛ.

2 SAMUƐLƐ 4:6 Iomraidhean Croise

2 SAMUƐLƐ 2:23

Nɛ nde Asaɛlɛ kɔ̃̀ we la fala ndi 'do a gɔ. Ma hã Abnɛrɛ siki tɛ̃ ɛ, nɛ a dumu zã Asaɛlɛ do zu sɛlɛ 'da a, nɛ ma za'da do 'do a. Nɛ a to go'do a do nù, nɛ a fe. Nɛ winɔ vɛ̃ kɛ wa hɔ fala kɛ a tia nɛ ni, nɛ wa yolo nù dɛ di ni.

2 SAMUƐLƐ 20:10

Amasa lènggè zi do du kɔya Yoabɛ 'bia do gale kɔ̃ ɛ ni gɔ. Yoabɛ ba du kɔya ni, nɛ a dumu do zã a. Nɛ kala zã Amasa ma tingbi dɛ nù, nɛ a fe do ti, nɛ Yoabɛ è 'bɔ mbe dani tɛ̃ a gɔ. 'Do nɛ, nɛ Yoabɛ do nya a Abisai, wa ndo 'bɔ ndi 'do Seba.

2 SAMUƐLƐ 3:27

Abnɛrɛ nɛa we hɔ nu ngba le Hebroni nga, nɛ Yoabɛ sa mɔ hã a dɛ gele fala, ɔ nɛ kɛ a nɛ ba zã zu we do a ni. Wa hɔa i mɔ, nɛ a dumu zã a do du kɔya 'da a, nɛ a gbɛ a olo kɛ a gbɛa zi tɛ mɛ 'bɔ nya a Asaɛlɛ ni.

2 SAMUƐLƐ 4:2

Isɛbalɛ zi do ogã wi bɔa, kɛ wa ngɔ gili onga soda bolonɔ ni. Li wa a Baana do Rekabɛ. Wa zi a obenɔ 'da Rimoni, wi nu fɛlɛ Bɛnzamɛ tɛ kɔ le Bɛerɔtɛ. (Bɛerɔtɛ hɔa zi mbe le ngɔ nù Bɛnzamɛ,

Owi kpe dati 3:26

'Da fala kɛ Owi dɛa tonɔ wa tɛ 'bɔ 'do nu tɔa 'da nwa i ni, nɛ nde Ehudɛ yu sɔ, kɔ 'do a nyɛlɛ ia. A la fala wa ia do kpikima kɛ wa dɛa ma do ta ni, nɛ a yu dɛ tɛ Seira.