2 SAMUƐLƐ 4:5 - WE NU GALE 1995

⁵ Rekabɛ do Baana, wa nɛa 'da Isɛbalɛ i. Nɛ wa hɔ i mɔ do 'da fala tua wese ngboo, nɛ nde Isɛbalɛ ɔa nù.

2 SAMUƐLƐ 4:5 Iomraidhean Croise

2 SAMUƐLƐ 11:2

Mbe gɛ̃a wese kpo, 'do kɛ Davidi kpia tɛ̃ a, kɔ a kulu ngɔ ni, nɛ a kũ dɛ zu tɔa nwa i, takɔ a ngbala mbe nyanga a dɛ di ni. A hɔa ngɔ mɔ, nɛ a zɔ mbe wuko tɛ fɔlɔ tɛ̃ a, nɛ nde a de zi zɔnga wena.

2 SAMUƐLƐ 2:8

Gã nwa ngɔ sodanɔ 'da Saulo, kɛ li a a Abnɛrɛ, be 'da Nɛrɛ, a kulu ngɔ do Isɛbalɛ, be 'da Saulo, nɛ wa nɛ tɛ kɔ le Mahanaimɛ.

2 SAMUƐLƐ 4:2

Isɛbalɛ zi do ogã wi bɔa, kɛ wa ngɔ gili onga soda bolonɔ ni. Li wa a Baana do Rekabɛ. Wa zi a obenɔ 'da Rimoni, wi nu fɛlɛ Bɛnzamɛ tɛ kɔ le Bɛerɔtɛ. (Bɛerɔtɛ hɔa zi mbe le ngɔ nù Bɛnzamɛ,

1 Onwanɔ 16:9

Do 'da fala ni, nɛ nde Zimri zi a gã wi ngɔ kpo mbee bɔa 'da osodanɔ kɛ wa bi bole do ngilingilinɔ ni. Nɛ a ba zã zu Ela we fo a tɛ to nwa do'do. Nɛ mbe ngba soe kpo, nɛ nwa Ela nɛa 'da Arsa, mbe gã wi kɔ tɔa 'da nwa dɛ kpo Tirsa ni. A hɔa i mɔ, nɛ wa nɔ dɔ̃, nɛ ma ba wa.

2 Sakonɔ 24:25

'Do kɛ osoda Siri wa nɛa ngɔ Oyuda ni, nɛ wa si, nɛ wa la Yoasi do gã dani tɛ̃ a. Nɛ ogã wi ngɔ osoda bɔa wa nɛa we zɔ na mɛ ni, nɛ wa ba zã zu Yoasi. Nɛ wa nɛ, nɛ wa gbɛ a dɛ ngɔ mɔ ɔi 'da a ni we bili nu gbã fio be 'da nganga Yoyada. Wa gbɛa a, nɛ wa mi a kɔ Gba Ngbo nwa 'da Davidi, nɛ nde wa mì a kɔ zunu 'da Onwanɔ gɔ.

2 Sakonɔ 25:27

Do ngba soe kɛ nwa Amasia bɛ̃a gɛnɛ NWA Gale ni, nɛ ombe winɔ tɛ Yeruzalɛmɛ wa ma ngɔ ba zã zu a, nɛ a zele we nɛ, nɛ a yu dɛ kɔ le Lakisi. Nɛ wa tombo Owele 'do a, nɛ wa ba a, nɛ wa gbɛ a dɛ Lakisi ni.

2 Sakonɔ 33:24

Ogã wi ngɔ sodanɔ 'da a wa ba zã zu a, nɛ wa gbɛ a dɛ kɔ tɔa nwa 'da a ni.