2 SAMUƐLƐ 4:4 - WE NU GALE 1995

⁴ Mbe be yaa Saulo zi boe, li a a Mɛfibalɛ, be 'da Yonatanɛ. Nɛ nyanga Mɛfibalɛ do bɔa nɛ 'danga zi 'danga. Do 'da fala wa gbɛa Saulo do Yonatanɛ ni, nɛ nde Mɛfibalɛ do sabɛlɛ mɔlɔ. Nɛ 'da fala to fie 'da wa hɔa zi tɛ Yizreɛlɛ i ni, nɛ wuko kɛ a dala a ni, kɔ̃a zi we ba a we yu do a. A kɔa Mɛfibalɛ do gbɛnga tɛ, nɛ Mɛfibalɛ zɔlɔ kɔ̃ a, nɛ a te, nɛ nyanga a 'danga.

2 SAMUƐLƐ 4:4 Iomraidhean Croise

2 SAMUƐLƐ 21:7

Nɛ Davidi usu Mɛfibalɛ, be 'da Yonatanɛ, kɛ a 'bɔ a be yaa Saulo ni, we duzu mbuli wa kpua zi sanga ngba wa do Yonatanɛ do zu li NWA ni.

2 SAMUƐLƐ 9:13

Yolo dɛ di ni, nɛ Mɛfibalɛ kɛ nyanga a kala zi bɔa nɛ ni, a kulu dɛ Yeruzalɛmɛ i, sɛ a a wia we nɛ we nyɔngɔ mɔ do nwa Davidi fala nɛ kpo fai de.

2 SAMUƐLƐ 9:3

Nɛ nwa Davidi aka 'bɔ na: “Wele kpo 'bànà mbe kɔ nu fɛlɛ Saulo na, mi dɛ de mɔ hã a, ɔ nɛ kɛ zã Gale kɔ̃a ni gɔ nde?” Nɛ Siba tɔ̃ hã a na: “Mbe be olo Yonatanɛ kpo 'bana. Nɛ nde nyanga a do bɔa nɛ kala do'do.”

2 SAMUƐLƐ 9:6

Nɛ Mɛfibalɛ nɛa we hɔ 'da nwa Davidi, nɛ a gu li a nu dati a. Nɛ Davidi aka na: “Wi a mɔ Mɛfibalɛ nde?” Nɛ a gese na: “Ĩi nwa, wi a mi.”

1 Onwanɔ 11:17

Nɛ nde 'da fala ni, Hadadɛ 'bana zi do be zagbãlã, nɛ wa kulu ngɔ do ombe wi Edɔmɛ, kɛ wa zi a owi tonɔ 'da baa a ni, nɛ wa yu dɛ ngɔ nù Ezipeto, nɛ wa fè gɔ.

1 Sakonɔ 8:34

Nɛ Yonatanɛ kua zi Mɛribalɛ, nɛ Mɛribalɛ ko Mika.

1 Sakonɔ 9:40

Nɛ Yonatanɛ kua Mɛribalɛ, nɛ Mɛribalɛ ko Mika.

1 SAMUƐLƐ 29:1

Ofilisti wa ngɛmɛ li osodanɔ 'da wa vɛ̃ dɛ kɔ le Afɛkɛ. Nɛ nde obe Israɛlɛ wa 'dafa fala ɔi 'da wa tɛ nu be waya, dɔ̃ɔ do le Yizreɛlɛ.

1 SAMUƐLƐ 29:11

Davidi zila ní, nɛ fala sa 'do nɛ do titole belee, nɛ a kulu ngɔ do owinɔ 'da a, nɛ wa si dɛ ngɔ nù 'da Ofilisti i. Nɛ Ofilisti wa la kɛ 'da wa dɛ Yizreɛlɛ.