2 SAMUƐLƐ 4:11 - WE NU GALE 1995

¹¹ Nɛ nde kɛ 'da nɛ ma nganda sɛ nɛ ngɔ kɛ 'da wi ni. We kɛ nɛ lia kɔ tɔa 'da wele kɛ a dɛ̃ 'dã mɔ gɔ, nɛ nɛ gbɛ a dɛ ngɔ mɔ ɔi 'da a ni. We duzu nɛ, ma hã mi nɛ gbɛ nɛ ngɔ nù gɛ do'do, we si olo 'dã mɛ nɛ dɛa ni.”

2 SAMUƐLƐ 4:11 Iomraidhean Croise

Ndo Nyanga Dɛ Mɔ 4:11

Kɔ yolo do sɔɛ gɛ, nùi ma nɔmɔ tɔkɔ tɛ nya mɔ kɛ mɔ gbɛa a ni, ma kana nu ɛ tɛ mɔ.

Ndo Nyanga Dɛ Mɔ 6:13

nɛ a tɔ̃ hã Nowe na: “Mi kana tɛ mi na, mi gbɛ sɛ owinɔ ngɔ nù gɛ vɛ. Mba gɔ, wa a wa yulu o'dã dɛa mɔ ngɔ nù gɛ, kɔ mi kɔ̃a we kumu wa vɛ.

Ndo Nyanga Dɛ Mɔ 7:23

Na mɛ ni, nɛ NWA kumu mɛnɔ vɛ kɛ ma zi ngɔ nù gɛ ni, yolo ngɔ wele gbaa we hɔ ngɔ ogã sa'denɔ do obe wanɔ, do onɔɛnɔ. Tati a Nowe do owinɔ kɛ a zi do wa fala nɛ kpo kɔ masua ni, wa fè gɔ.

2 SAMUƐLƐ 16:8

NWA Gale dɛa na, tɔkɔ tɛ onu fɛlɛ Saulo vɛ̃ kɛ mɔ gbɛa wa ni, ma te dɛ ngɔ mɔ. Mɔ zũ to nwa 'da Saulo, ma kɛ NWA ba ma kɔ̃ mɔ, kɔ a hã ma hã be 'da mɔ Absalɔmɛ ni. Kɔ di dɔ̃ ni, mɔ kɔ 'bako, we kɛ mɔ a wi gbɛ wi.”

2 SAMUƐLƐ 3:27

Abnɛrɛ nɛa we hɔ nu ngba le Hebroni nga, nɛ Yoabɛ sa mɔ hã a dɛ gele fala, ɔ nɛ kɛ a nɛ ba zã zu we do a ni. Wa hɔa i mɔ, nɛ a dumu zã a do du kɔya 'da a, nɛ a gbɛ a olo kɛ a gbɛa zi tɛ mɛ 'bɔ nya a Asaɛlɛ ni.

2 SAMUƐLƐ 3:39

Sɔɛ gɛ, gɛnɛ kɔ mi a nwa, nɛ nde mi mbɔkɔ wena. Nɛ obenɔ 'da Sɛruya ni, sila wa nganda la mi. Nɛ nde e kɔ NWA Gale do tɛ̃ a, a hã etumbu hã wa olo 'dã mɛ wa dɛa ni.”

1 Onwanɔ 2:32

E kɔ nwa si olo ku'da 'dã mɛ 'da a hã a wele nɛ. Mba gɔ, a gbɛa zi owinɔ ni, nɛ nde baa mi Davidi ĩ̀ zi mɔ kpo gɔ. Yoabɛ gbɛa zi owinɔ kɛ wa nɛa ngɔ a do bɔlɔ zu. Wi zi a Abnɛrɛ, gã wi ngɔ osoda Israɛlɛ, do Amasa, gã wi ngɔ osoda Yuda.

Zumanɔ 109:15

E kɔ 'dã mɛnɔ 'da wa vɛ̃ 'bana dɛ li NWA, nɛ a dɛ na, ta zu wele ele ngɔ wa fai.

Zumanɔ 9:12

Nɛ gá zuma hã NWA, kɛ kpongbo nwa 'da a tɛ kɔ le Sioni ni. Nɛ nɛ tɔ̃ lɛnggɛ gba mɛnɔ a dɛa ni, hã nu kɔnggɔnɔ vɛ̃ wa zele ma.

Kulu Tɔa 21:12

“Fala kɛ wele zɛ ngba a, hã a gbɛ a, nɛ ma wia na, wa gbɛ tɛ mɛ 'bɔ wi kɛ a gbɛa ngba ɛ ni.

Kulu Tɔa 9:15

Fala kɛ mi kɔ̃ sɔ we ɛfɛ kɔ̃ mi na, zɛlɛmɔ gbɛ a do owinɔ 'da a vɛ̃, nɛ nde wa fia sɔ li nùi gɛ ia.

GBA WENƆ 2:22

Nɛ nde o'dã winɔ kɛ wa bɛ̃a gɛnɛ Gale ni, a ndaka sɛ wa ngɔ nɛ do'do.

GBA WENƆ 25:26

Wi bɔlɔ zu kɛ a nda'ba tɛ̃ a do 'dã wi ni, a ɔ nɛ dia zu lì, tabi kɔ̃ lì kɛ ma dɛa gbutu do'do ni.

Yeremi 10:11

Aa nɛ, obe Israɛlɛ, nɛ tɔ̃́ hã ogele winɔ na, mbe tũ kpo, nɛ NWA Gale a bisi sɛ ogalenɔ kɛ wa a wa dɛ̀ li nza do nùi gɛ gɔ ni, nɛ wele zɔ́ sɛ 'bɔ olo wa ngɔ nù gɛ gɔ.

HABAKUKƐ 1:12

Aa NWA, gbaa mɔ zi belee, mɔ fai a NWA. Mɔ a Gale 'da mi, mɔ a santo, nɛ mɔ fé fio gɔ. NWA Gale 'da mi, mɔ a wi amba zu mi. Mɔ saka Obabilɔnɛ, nɛ mɔ hã ngawi hã wa na, wa hã etumbu hã lɛ, ɔ nɛ kɛ mɔ 'bili ni.

HABAKUKƐ 1:4

Fo wi zele mbula bina, nɛ fo 'bɔ wi gɔnɔ we do bɔlɔ nɛ bina. Wa gbɛ gbãlã we hã o'dã winɔ, nɛ wa 'bili wenɔ vɛ̃ do bɛlɛ.

1 YOANƐ 3:12

nɛ lɛ tɛ ɔ̀ nɛ Kaina, kɛ a zi a be 'da Satana, nɛ a gbɛa hɔ dɛ 'do a ni gɔ. A gbɛa nya a we ge nde? A gbɛa a we kɛ dɛa mɔ tɛ̃ a dè gɔ, nɛ dɛa mɔ tɛ nya a zi a dia.