2 SAMUƐLƐ 3:9 - WE NU GALE 1995

^9-10 Yolo do sɔɛ gɛ, mi nɛ si 'do Davidi. NWA kpua mbulu hã a na, a ba sɛ to nwa kɔ̃ Saulo do obe zã a, nɛ a e sɛ a do nwa ngɔ nù Israɛlɛ do Yuda vɛ̃, yolo ndɔti nùi we hɔ Sɔkpɔ nɛ. Kɔ mi tɔ̃ hã mɔ na, mi gala sɛ Davidi na, mbuli kɛ NWA kpua hã a ni, ma dɛ tɛ̃ ɛ gbãlã we. Mi dɛ̀ ni gɔ, nɛ NWA a gbɛ mi.”

2 SAMUƐLƐ 3:9 Iomraidhean Croise

2 SAMUƐLƐ 19:13

Nɛ a onya a, Owi nanɔ 'da a ngboo. Kɔ nɛ tɛ ɔ̃ do ngɔ go'do winɔ we tɔ̃ na, a kpolo tɛ̃ a gɔ.”

2 SAMUƐLƐ 19:14

'Do nɛ, nɛ Davidi tombo 'bɔ wa 'da Amasa, we tɔ̃ hã a na: “Mɔ a wi na 'da mi ngboo. Mi e sɛ mɔ do nwa ngɔ osodanɔ 'da mi olo Yoabɛ. Fala kɛ mi dɛ̀ gɔ, nɛ Gale gbɛ mi.”

2 SAMUƐLƐ 3:35

'Do nɛ, nɛ wa tɛa do nyɔngɔmɔ hã nwa Davidi, nɛ nde wese 'bana. Nɛ Davidi kana tɛ̃ ɛ na, e kɔ Gale gbɛ ɛ, fala kɛ ɛ nyɔngɔ be 'bulu nyɔngɔmɔ, dati kɛ na wese gɛ̃ ni.

1 Onwanɔ 19:2

Kɔ Yezabɛlɛ nɛa we zele ni, nɛ a tombo wele we mbese Elia na: “Mi kana tɛ mi na, fala kɛ bindɛ do sa gɛ, hã mi gbɛ mɔ, ɔ nɛ kɛ mɔ gbɛa do Owi gba olo nu galenɔ 'da mi ni gɔ, nɛ ogalenɔ wa gbɛ mi.”

1 Onwanɔ 2:23

Nɛ Salɔmɔ zonggo tɛ̃ ɛ do zu li NWA na: “Do tɛlɛ tɛ aka we kɛ Adonia aka gɛ, fala kɛ mi gbɛ̀ a gɔ, nɛ Gale gbɛ́ mi!

1 Sakonɔ 12:23

Nɛ tũ kpo kpo, Owele wa tɛa zi, nɛ wa mba do Davidi we gbaka a. Nɛ osodanɔ 'da a wa dɛlɛ zi la li ngele.

RUTI 1:17

Fala mɔ nɛ fe nɛ ni, nɛ mi fe sɛ tɛ mɛ 'bɔ, nɛ wa mi mi dɛ di ni. Mi zonggo tɛ mi na, tati a fio a nɛ gɔnɔ sɛ sanga lɛ do mɔ. Kɔ ni gɔ, nɛ Gale fɔmbɔ mi.”

1 SAMUƐLƐ 14:44

Nɛ Saulo tɔ̃ hã a na: “E kɔ NWA gbɛ mi, fala kɛ mɔ fè gɔ ni.”

1 SAMUƐLƐ 15:28

Nɛ Samuɛlɛ tɔ̃ hã a na: “Ɔ nɛ kɛ mɔ ɛ̃a tulu tɛ mi, nɛ ma fua ni, NWA fua tɛ mɛ 'bɔ to nwa kɔ̃ mɔ sɔɛ gɛ ia. A ba ma hã mbé wele kɛ dɛa to tɛ̃ a dia la mɔ ni.

1 SAMUƐLƐ 25:22

E kɔ Gale gbɛ mi, fala kɛ dati a bindɛ do titole, mi la wele kpo kɔ nu fɛlɛ kula 'da Nabalɛ do tunu li a ni.”

1 SAMUƐLƐ 28:17

A dɛa gɛ a olo kɛ mi tɔ̃a zi hã mɔ ni. A ba to nwa kɔ̃ mɔ we hã ma hã Davidi.

1 SAMUƐLƐ 3:17

Nɛ Heli aka a na: “NWA tɔ̃a hã mɔ na ge nde? Mɔ tɛ ùsù we kpo do mi gɔ. Fala kɛ mɔ usu we do mi, nɛ Gale hã nga etumbu hã mɔ.”