2 SAMUƐLƐ 2:9 - WE NU GALE 1995

⁹ Wa hɔa i mɔ, nɛ Abnɛrɛ e Isɛbalɛ do nwa ngɔ o'bili tɛ nùnɔ gɛ: Galadɛ, Asɛrɛ, Yizreɛlɛ, Efraimɛ do Bɛnzamɛ. Ma kɔ̃a tɔ̃ na, a ia a do nwa ngɔ nù Israɛlɛ vɛ̃.

2 SAMUƐLƐ 2:9 Iomraidhean Croise

Ndo Nyanga Dɛ Mɔ 30:13

Nɛ Lea na: “Kɛ gɛ a dia 'dɔkɔlɔ! Di dɔ ni owukonɔ wa tɔ̃ sɛ na, mi a wi yangga.” Nɛ a e li a na Asɛrɛ.

2 SAMUƐLƐ 2:10

Isɛbalɛ zi do 'bu sabɛlɛ nalɛ do 'da fala a hɔa nwa ngɔ nù Israɛlɛ ni. Nɛ a dɛa to nwa sabɛlɛ bɔa. Do 'da fala ni, nɛ nde tati a nu kpala Yuda hã wa kɔ̃a zi gɛnɛ Davidi na, a dungu nwa ngɔ wa.

2 SAMUƐLƐ 3:6

Ɔ nɛ kɛ 'do bole sanga nu fɛlɛ Saulo do owinɔ 'da Davidi nyɛlɛ zi nyɛla fai ni, nɛ owinɔ wa yolo 'do Saulo ni, wa zele zi nu Abnɛrɛ dɛ dati zila fai.

1 Sakonɔ 12:29

Nɛ mbe be zagbãlã li a a Sadɔkɛ, kɛ a a nga soda ni, a tɛa do ogã wi kɔ nu fɛlɛ kula 'da a 'bu wa bɔa ngɔ wa bɔa.

1 Sakonɔ 12:30

Nɛ kɔ nu kpala Bɛnzamɛ, kɛ wa 'bɔ a kpo nu kpala Saulo ni, wa zi a owi wili koto talɛ, ĩ na, ngɔ gili wa wena, wa zi a ã Owi tonɔ 'da Saulo.

Zumanɔ 108:8

Gale a kɔ Tɛmpɛloe 'da a kɛ ma santo, nɛ a tɔ̃a na: “Mi nɛ sɛ ngɔ Owi sɛnɛ mi, nɛ mi kala sɛ le Sikɛmɛ do gbangɔlɔ̃ Sukɔtɛ, nɛ mi gɔnɔ sanga nɛ dɛ kɔ̃ owinɔ 'da mi.

Yozue 16:5

Nùi kɛ nu kpala Efraimɛ kpa zi ni, li ngbala nɛ ndua zi tɛ le Atrɔtɛ-Adarɛ, nɛ ma la si 'biti gba wese, nɛ ma nɛ gbaa tɛ le Bɛtɛ-Horoni kɛ ngɔ kala.

Yozue 17:1

Yozue ba 'bɔ nù hã nu kpala Manase. Manase zi a kuti bulu be 'da Yozɛfu, nɛ nde kuti bulu be 'da Manase kɛ li a a Makirɛ, baa Galadɛ, a kpa zi nù ia. A a nga wi bolo, nɛ a kpa nù Galadɛ do nù Basanɛ, kɛ tɛ Yɔrdanɛ si 'biti gba wese.

Yozue 18:11

Kuti nùi kɛ wa ba do wala to zeke ni zi a mɔ́ nu kpala Bɛnzamɛ. Yozue ba nùi hã wa dɛ sanga tɛ ngba nu kpala Yuda do obe zã Yozɛfu.

Yozue 18:20

Li ngbala nùi kɛ si 'biti gba wese, mɛ a lì Yɔrdanɛ. Ki ni a ngbala nùi kɛ Yozue ba zi hã nu kpala Bɛnzamɛ gɛ a ni.

Yozue 19:18

Lenɔ ngɔ nùi 'da wa ma kɛ: Yizreɛk, Kɛsulɔtɛ, Sunɛmɛ,

Yozue 22:9

Onu kpala Rubɛnɛ do Gadɛ, do mbee nu kpala Manase kɛ si 'biti gba wese, wa la tala obe Israɛlɛ dɛ le Silo, tɛ ngɔ nù Kanana ni, nɛ wa le wala, nɛ wa si dɛ ngɔ nù Galadɛ. Galadɛ mɛ a nùi kɛ Mɔizɛ ba zi hã wa, ɔ nɛ kɛ NWA Gale tɔ̃a nɛ hã a ni.

Owi kpe dati 1:32

Gulu nɛ hã Oasɛrɛ wa dɛa tɔa do Okanana, we kɛ wa wè zi we ndaka wa gɔ.

1 SAMUƐLƐ 29:1

Ofilisti wa ngɛmɛ li osodanɔ 'da wa vɛ̃ dɛ kɔ le Afɛkɛ. Nɛ nde obe Israɛlɛ wa 'dafa fala ɔi 'da wa tɛ nu be waya, dɔ̃ɔ do le Yizreɛlɛ.