2 SAMUƐLƐ 2:6 - WE NU GALE 1995

⁶ E kɔ NWA be tɛ mɛ 'bɔ dia zã 'da a hã nɛ, nɛ a lengge do nɛ fai. Mi tɛ mɛ 'bɔ, mi dɛ sɛ nɛ de wena, we kɛ nɛ dɛa nɛ mɛ ni.

2 SAMUƐLƐ 2:6 Iomraidhean Croise

2 SAMUƐLƐ 10:2

Davidi nɛa we zele ni, nɛ a tɔ̃ na: “Mi nɛ be dia zã hã Hanunɛ, be 'da Nahasi, ɔ nɛ kɛ baa a dɛa zi do mi ni.” Nɛ a tombo ombe Owi olo li a na wa nɛ, kɔ wa ɔ do Hanunɛ olo fio baa a. Owi olo li Davidi wa nɛa we hɔ ngɔ nùi 'da Oamoni i,

2 SAMUƐLƐ 15:20

Mɔ hɔa 'da mi gɛ 'do mɔ tɛ nyɛ̀lɛ̀ gɔ. Kɔ sɔɛ gɛ, mi ĩ̀ ti fala mi nɛ la dɛ tɛ nɛ ni gɔ, nɛ mɔ kɔ̃a we yɛnggɛ do mi nde? Ma a ni gɔ, mɔ sí do onya mɔ dɛ Yeruzalɛmɛ i. E kɔ NWA 'bana do mɔ, nɛ a be dia zã 'da a hã mɔ.”

2 SAMUƐLƐ 2:7

Kɔ nɛ tɛ dɛ̃ kili gɔ, nɛ kpãlã sila nɛ. Wele nɛ Saulo fia, nɛ owinɔ ngɔ nù Yuda wa a nɔ zu mi na, mi dungu nwa ngɔ wa.”

2 SAMUƐLƐ 9:3

Nɛ nwa Davidi aka 'bɔ na: “Wele kpo 'bànà mbe kɔ nu fɛlɛ Saulo na, mi dɛ de mɔ hã a, ɔ nɛ kɛ zã Gale kɔ̃a ni gɔ nde?” Nɛ Siba tɔ̃ hã a na: “Mbe be olo Yonatanɛ kpo 'bana. Nɛ nde nyanga a do bɔa nɛ kala do'do.”

2 SAMUƐLƐ 9:7

Nɛ Davidi tɔ̃ hã a na: “Mɔ tɛ dɛ̀ kili gɔ. Mi kɔ̃a we dɛ de mɔ hã mɔ, we lengge do baa mɔ Yonatanɛ. Mi nɛ gese nùnɔ vɛ̃ kɛ wele nɛ zi a mɔ́ yaa mɔ Saulo ni hã mɔ. Nɛ mi kɔ̃a 'bɔ na, mɔ nyɔngɔ sɛ mɔ nu mɛsa 'da mi fai.”

Zumanɔ 57:3

Mi sa mɔ hã mɔ Gale, kɛ mɔ nɛa ngɔ mɔ vɛ̃, nɛ mɔ dɛ mɛnɔ vɛ̃ hã mi ni.

Kulu Tɔa 34:6

'Do nɛ, nɛ a la do dati Mɔizɛ, nɛ a tɔ̃ na: “Mi a NWA, mi a Gale kɛ mi do mbɔkɔ li wena, mi a wi dia zã, do du sila, nɛ kɔa zã 'da mi ma la mɔ vɛ̃, mi élé dɛ olo nu mi gɔ.

GBA WENƆ 14:22

Mɔ dɛ́ mɔ do 'dã hã, nɛ nde mɔ yɔa wala do'do. Kɔ mɔ dɛ de mɔ, nɛ owinɔ wa kɔ sɛ gɛnɛ mɔ, nɛ wa e sɛ sila wa ngɔ mɔ.

MATIE 10:16

“Nɛ zélé! Mi tumba nɛ, nɛ nɛ ɔ sɛ nɛ obata kɛ wa lia sanga ogɔ̃̀ ni. Kɔ li nɛ sɔ̃́ nɛ́ li gɔ̃ ni, nɛ sila nɛ gɛ̃ ɔ nɛ sila gbakulĩ ni.

MATIE 5:44

Nɛ nde kɛ 'da mi, mi tɔ̃ hã nɛ na, nɛ kɔ̃́ gɛnɛ wi sɛnɛ nɛ, nɛ nɛ sámbálá Gale we wanɔ kɛ wa zɛlɛ tɛ nɛ ni,

MATIE 5:7

Yangga do owinɔ kɛ wa ĩ 'bako hã ongba wa ĩ ni, we kɛ Gale a ĩ sɛ 'bako hã wa.

Yozue 2:14

Nɛ owi miãnɔ ni wa gisa hã a na: “'Da fala kɛ Gale a hã sɛ nùi gɛ hã lɛ ni, nɛ lɛ be sɛ dia kɔ sila hã mɔ, nɛ́ kɛ ma wia ni. Kɔ mɔ tɛ tɔ̃̀ we tɛa 'da lɛ hã wele kpo gɔ. Lɛ kana tɛ lɛ na, fala kɛ lɛ dɛ̃ olo nu lɛ kɛ lɛ tɔ̃a ni gɔ, nɛ fio gbɛ́ lɛ!”

RUTI 1:8

nɛ Noemi tɔ̃ hã okondukanɔ 'da a na: “Benɔ 'daa, nɛ sí, wele do wele dɛ 'da naa a. E kɔ NWA be dia zã hã nɛ, ɔ nɛ kɛ nɛ bia zi hã mi, do wanɔ wa fia ni!