2 SAMUƐLƐ 2:5 - WE NU GALE 1995

⁵ nɛ a tombo Owi tonɔ 'da a we tɔ̃ hã wa na: “E kɔ NWA wele nu a tɛ nɛ, tɛ kɛ nɛ mi nwa 'da nɛ Saulo, nɛ nɛ bia kɔ̃a zã 'da nɛ hã a ni.

2 SAMUƐLƐ 2:5 Iomraidhean Croise

Ndo Nyanga Dɛ Mɔ 14:19

nɛ a wele nu a tɛ̃ a, nɛ a tɔ̃ na: “Gale kɛ a nɛa ngɔ mɔ vɛ̃, kɛ a dɛa li nza do nù, a wélé nu a tɛ mɔ.

Ndo Nyanga Dɛ Mɔ 14:22

Nɛ Abrama gese hã a na: “Mi kala kɔ̃ mi dɛ ngɔ we zonggo tɛ mi dati NWA Gale, kɛ a nɛa ngɔ mɔ vɛ̃, nɛ a dɛa li nza do nù ni na,

2 SAMUƐLƐ 15:20

Mɔ hɔa 'da mi gɛ 'do mɔ tɛ nyɛ̀lɛ̀ gɔ. Kɔ sɔɛ gɛ, mi ĩ̀ ti fala mi nɛ la dɛ tɛ nɛ ni gɔ, nɛ mɔ kɔ̃a we yɛnggɛ do mi nde? Ma a ni gɔ, mɔ sí do onya mɔ dɛ Yeruzalɛmɛ i. E kɔ NWA 'bana do mɔ, nɛ a be dia zã 'da a hã mɔ.”

2 SAMUƐLƐ 21:12

Nɛ a nɛ we kala gbãlã Saulo, do kɛ 'da be 'da a Yonatanɛ tɛ 'da Oyabɛsi, tɛ ngɔ nù Galadɛ. Mba gɔ, 'da fala Ofilisti wa nɛa zi ngɔ Saulo li bole tɛ Gilboa i ni, nɛ wa gãlã zi wɔlɔ a do kɛ 'da Yonatanɛ tɛ li fanda le Bɛtɛ-Seanɛ. Nɛ Oyabɛsi wa tɛa, nɛ wa zũ wɔlɔnɔ ni, nɛ wa si nɛ.

Zumanɔ 115:15

E kɔ NWA, wele kɛ a dɛa li nza do nùi gɛ ni, a wele nu a tɛ nɛ.

Yozue 2:14

Nɛ owi miãnɔ ni wa gisa hã a na: “'Da fala kɛ Gale a hã sɛ nùi gɛ hã lɛ ni, nɛ lɛ be sɛ dia kɔ sila hã mɔ, nɛ́ kɛ ma wia ni. Kɔ mɔ tɛ tɔ̃̀ we tɛa 'da lɛ hã wele kpo gɔ. Lɛ kana tɛ lɛ na, fala kɛ lɛ dɛ̃ olo nu lɛ kɛ lɛ tɔ̃a ni gɔ, nɛ fio gbɛ́ lɛ!”

Owi kpe dati 21:8

Nɛ wa ma ngɔ aka dɛ ngbala wa we ĩ na, wi sanga obe Israɛlɛ kɛ a nɛ̀ zi tɛ mba li ngba wi dati NWA tɛ Mispa i gɔ ni a wio nde? Nɛ wa kpa na, winɔ vɛ̃ kɔ le Yabɛsi kɛ ma ngɔ nù Galadɛ ni, wa nɛ̀ zi gɔ.

RUTI 1:8

nɛ Noemi tɔ̃ hã okondukanɔ 'da a na: “Benɔ 'daa, nɛ sí, wele do wele dɛ 'da naa a. E kɔ NWA be dia zã hã nɛ, ɔ nɛ kɛ nɛ bia zi hã mi, do wanɔ wa fia ni!

RUTI 2:20

Noemi nɛa we zele ni, nɛ a he mɔ do yangga na: “NWA Gale 'bana be kɔ̃a zã 'da a hã owinɔ vɛ̃, owanɔ wa 'bana nza, do wanɔ wa fia ia ni! E kɔ a wele nu a tɛ Buzɛ.” Nɛ Noemi tɔ̃ 'bɔ na: “Buzɛ a wi na tɛ lɛ ngboo, a kɔ winɔ kɛ ma wia na, wa fɔmɔ lɛ ni.”

RUTI 3:10

Nɛ Buzɛ tɔ̃ hã a na: “Be 'daa, e kɔ NWA wele nu a tɛ mɔ. Mɛ mɔ dɛa sɔɛ gɛ, ma be dia sila 'da mɔ dɛ 'da nu fɛlɛ kula 'da wili mɔ, nɛ ma nɛa 'bɔ ngɔ kɛ mɔ tɛ dɛ do kɛfɛ mɔ ni. Mɔ wia sɔ we fa wi wili kɔ be zagbãlãnɔ, wele kɛ a a wi kpamɔ tabi wi sã, takɔ mɔ ba a do wili mɔ, nɛ nde mɔ dɛ̃ ma gɔ.

1 SAMUƐLƐ 11:1

Olo nɛ la zɛkɛ kpo, nɛ Nahasi, nwa ngɔ Oamoni nɛa do osodanɔ 'da a, nɛ wa linggi le Yabɛsi tɛ ngɔ 'bili tɛ nù Galadɛ. Owi Yabɛsi wa nɛa we zɔ ni, nɛ wa tɔ̃ hã nwa Nahasi na: “Mɔ kɔ̃, nɛ mɔ dɛ na do lɛ, nɛ lɛ kɔ̃ sɛ gɛnɛ mɔ na, mɔ ɔ nwa ngɔ lɛ.”

1 SAMUƐLƐ 11:9

Wa mba ngba wa do'do, nɛ wa tombo owi tonɔ wa yula Yabɛsi i ni na, wa si, kɔ wa tɔ̃ hã owinɔ kɔ le ni vɛ̃ na: “Bindɛ, dati kɛ na wese hɔ gbogbo zu wi ni, nɛ nde nɛ kpasa ia.” Owi tonɔ wa si, nɛ wa tɔ̃ toe ni hã owinɔ kɔ le Yabɛsi. Wa nɛa we zele toe ni, nɛ wa dɛ yangga wena.

1 SAMUƐLƐ 15:13

Nɛ Samuɛlɛ nɛa 'bɔ 'do a tɛ Gilgalɛ i. Saulo nɛa we zɔ a, nɛ a na: “Samuɛlɛ, e kɔ nwa wele nu a tɛ mɔ! Mi dɛa olo nu NWA.”

1 SAMUƐLƐ 23:21

Nɛ Saulo tɔ̃ hã wa na: “E ko NWA wele nu a tɛ nɛ, we kɛ nɛ dɛ mi de wena.

1 SAMUƐLƐ 24:19

Mɔ bia kɔ̃a zã 'da mɔ hã mi sɔɛ gɛ, we kɛ nwa ia mi dɛ kɔ̃ mɔ, nɛ mɔ gbɛ̀ mi gɔ.