2 SAMUƐLƐ 2:16 - WE NU GALE 1995

¹⁶ Sodanɔ ni kpo kpo wa 'bia zu ngba wa do wi sɛnɛ wa, nɛ wa zĩ du kɔya 'da wa dɛ zã ngba wa do 'da li kɔ̃, nɛ wa ala, nɛ wa fe vɛ̃ fala nɛ kpo. Ma hã wa ia li fala wa bi do bole tɛ Gabaoni ni na: “Li Fanda Kɔya.”

2 SAMUƐLƐ 2:16 Iomraidhean Croise

2 SAMUƐLƐ 2:14

Nɛ Abnɛrɛ tɔ̃ hã Yoabɛ na: “Mɔ kɔ̃, nɛ lɛ saka obe zagbãlã sanga sodanɔ 'da lɛ do mɔ, kɔ wa bi bolo bɔa do bɔa, sɛ nɛ lɛ ĩ ti wanɔ wa nganda nɛa ngɔ ngba wa ni de.” Nɛ Yoabɛ kɔ̃a.

2 SAMUƐLƐ 2:15

Ma hã osodanɔ wa tili dɛ li ngba wa. Wa a osoda 'bu ngɔ wa bɔa kɔ nu kpala Bɛnzamɛ, kɛ wa olo li Isɛbalɛ, nɛ osoda 'bu ngɔ wa bɔa tɛ mɛ 'bɔ kɔ wanɔ 'da Davidi ni.

2 SAMUƐLƐ 2:17

Do kpo soe ni, nɛ bole fele zi wena. Nɛ owinɔ 'da Davidi wa nɛa ngɔ Abnɛrɛ do owinɔ 'da a.

2 SAMUƐLƐ 2:26

Abnɛrɛ hia mɔ hã Yoabɛ na: “Lɛ nɛ bi bole bi fai na, lɛ kumu ngba lɛ vɛ̃ nde? Mɔ ĩ̀ na Sɔkpɔ nɛ vɛ̃ wia tɛ ɔ do 'bako wena ni gɔ nde? Lɛ a onya nɛ. Mɔ nɛ ba nu mɔ hã winɔ 'da mɔ na, wa la fala ndi 'do lɛ soe ki nge nde?”

1 Onwanɔ 20:20

nɛ wele do wele ma ngɔ gbɛ soda Siri kɛ a tɛ dɛ ngu'du a ni. Kɔ osoda Siri wa zɔa ni, nɛ wa ma ngɔ yu nɛ, nɛ osoda Israɛlɛ wa ndaka 'do wa. Nɛ Bɛnɛ-Hadadɛ nɛa we zɔ ni, nɛ a kũ mbalata 'da a, nɛ a yu fala nɛ kpo do ombe soda kũ mbalatanɔ.

Owi Nɛ Tonɔ 1:19

Nɛ owinɔ tɛ Yeruzalɛmɛ vɛ̃ wa zila sako nɛ, nɛ wa e li fɔɛ ni do lɛnggɛ nu wa na: “Hakɛldama,” gulu nɛ na: “Fɔ tɔkɔ.”)

Yozue 19:25

Nùi 'da wa mba zi lenɔ gɛ: Hɛlkatɛ, Hali, Betɛnɛ, Akɛsafɛ,