2 SAMUƐLƐ 2:1 - WE NU GALE 1995

¹ 'Do mɛnɔ ni, nɛ Davidi aka NWA na: “Ma wia na mi nɛ, kɔ mi dungu kɔ mbe le kpo tɛ ngɔ nù Yuda nde?” Nɛ NWA gese hã a na: “Mi kɔ̃a, mɔ nɛ́.” Nɛ Davidi aka 'bɔ a na: “Mi nɛ tɛ le ki nge nde?” Nɛ NWA gese na: “Tɛ Hebroni.”

2 SAMUƐLƐ 2:1 Iomraidhean Croise

Ndo Nyanga Dɛ Mɔ 13:18

Abrama kulu ngɔ, nɛ a la, nɛ a zĩ otɔa tandenɔ 'da a dɛ ti ote sɛnɛnɔ 'da Mamre, dɔ̃ɔ do le Hebroni, nɛ a dɛ gbagala do ta dɛ di ni we dɔ do sa'de hã NWA.

Ndo Nyanga Dɛ Mɔ 32:2

Yakɔbɔ kulu ngɔ, nɛ a ma ngɔ si nɛ, nɛ oanzɛnɔ 'da Gale wa gɔnɔ dati a.

2 SAMUƐLƐ 15:7

Ma la 'do nɛ sabɛlɛ nalɛ, nɛ ngba soe kpo, nɛ Absalɔmɛ tɔ̃ hã nwa Davidi na: “Mɔ hã wala hã mi, kɔ mi nɛ Hebroni, we dɛ mbuli mi kpua zi hã nwa ni.

2 SAMUƐLƐ 2:11

Davidi dɛa zi to nwa 'da a ngɔ nù Yuda, tɛ Hebroni we sabɛlɛ sambo do zɛkɛ gazɛlɛ.

2 SAMUƐLƐ 5:19

Davidi nɛa we zɔ ni, nɛ a aka nwa na: “Mi wia we bi Ofilisti nde? Mɔ dɛ sɛ na, mi nɛ ngɔ wa nde?” Nɛ nwa gese na: “Mɔ nɛ́, hã mɔ bi wa. Mi e sɛ wa dɛ kɔ̃ mɔ.”

2 SAMUƐLƐ 5:23

Davidi aka 'bɔ NWA mbé nɛ, nɛ NWA gese hã a na: “Mɔ tɛ bì wa dɛ dɛ gɔ. Mɔ nɛ́, kɔ mɔ yolo do 'do wa i, nɛ mɔ hala wa hala. Nɛ mɔ hɔ dɛ 'da wa do mbee kulu zamɔ ote mikokulie.

1 Onwanɔ 2:11

A dungu nwa ngɔ obe Israɛlɛ 'bu sabɛlɛ nalɛ. A ɔa tɛ Hebroni sabɛlɛ sambo, nɛ a ɔ tɛ Yeruzalɛmɛ, sabɛlɛ 'bu nɛ talɛ ngɔ nɛ talɛ.

1 Sakonɔ 29:7

we hã mɔ dɛa to we tɔa Tɛmpɛlo 'da Gale. Wa hã otɔnɛ mɔ mbali kama do 'bu nɛ sambo, nɛ gbãlã mɔ mbali koto 'bu, do tɔnɛ fɛ̃a mɔ bolo la ngɔ kama talɛ, nɛ tɔnɛ tũ mɔ bolo dɔ̃ɔ do kama gazɛlɛ, nɛ tɔnɛ mɔ bolo la ngɔ koto talɛ.

2 Sakonɔ 11:10

Sora, Ayaloni do Hebroni.

Zumanɔ 143:8

Titole kpo kpo, nɛ mɔ bé kɔ̃a zã 'da mɔ hã mi, we kɛ mi gbini zã mi do mɔ. Mɔ bé li wala mi wia we ba ma ni hã mi, we kɛ mi siki li mi dɛ 'da mɔ.

Zumanɔ 27:4

Mɛ kɛ mi aka kɔ̃ NWA, mɛ tati a mɔ kpo iko, nɛ mɛ ni, mi do hɛ̃lɛ̃ we kpa ma. Mi kɔ̃a na, 'da fala fai, mi ɔ kɔ Tɛmpɛloe 'da NWA, nɛ mi dɛ yangga dia zã 'da a, nɛ mi yambala linggamɛ 'da a.

EZEKIƐLƐ 36:37

NWA Gale tɔ̃a na: “Mi la sɛ 'bɔ obe Israɛlɛ na, wa ala nu wa hã mi, nɛ mi zele sɛ wa. Nɛ mi dɛ sɛ na, wa dɛlɛ ɔ nɛ onadalamɔ kɔ ba'de ni.

Tɔlɔ Mɔ 13:22

Wa lia ngɔ nùi do li gba zɔ́ Negɛvɛ, nɛ wa hɔ Hebroni, fala onu fɛlɛ Ahimanɛ, Sekai do Talmai wa ɔ do ma ni. Wa a obe zã du wi, li a a Anakɛ. (Wa dɛa zi le Hebroni sabɛlɛ sambo dati kɛ na, wa dɛ le Soanɛ tɛ ngɔ nù Ezipeto ni.)

Tɔlɔ Mɔ 27:21

A dɛ sɛ toe 'da a ti nganga Elazarɛ, kɛ a aka sɛ linggamɛ 'da mi do wala 'da omɛnɔ kɛ ma santo ni. Yozue do obe Israɛlɛ vɛ̃, wa dɛ sɛ mbulanɔ 'da Elazarɛ 'da falanɔ vɛ̃.”

Yozue 15:13

NWA Gale ba zi nu ɛ hã Yozue na, a hã mbe nù Yuda hã Kalɛbɛ, be 'da Yɛfune. Na mɛ ni, Yozue hã le Hebroni hã a. Wi ndua zi dɛ le Hebroni wi a Arba, yaa Oanakɛ.

Owi kpe dati 1:1

'Do kɛ Yozue fia ni, nɛ obe Israɛlɛ wa aka nwa na, a saka nu kpala winɔ sanga wa, kɛ wa kulu sɛ ngɔ dati, nɛ wa nɛ we bi Okanana ni.

1 SAMUƐLƐ 10:22

Nɛ wa aka nwa na: “A tɛa i nga tɛa nde?” Nɛ NWA gese hã wa na: “Nɛ nɛ́, nɛ kpa sɛ a sanga otolenɔ. A usu tɛ a dɛ kɔ nɛ ni.”

1 SAMUƐLƐ 23:2

Davidi nɛa we zele ní, nɛ a aka NWA na, ɛ wia we nɛ we bi Ofilisti nde? Nɛ NWA gese hã a na: “Mɔ nɛ́ kɔ mɔ bi wa, sɛ a mɔ kpasa owinɔ kɔ le Keila de.”

1 SAMUƐLƐ 23:4

Na mɛ ni, nɛ Davidi aka 'bɔ NWA mbé nɛ, nɛ a gese hã a na: “Mɔ kúlú ngɔ, kɔ mɔ nɛ kɔ le Keila i. Mi 'dɔlɔ sɛ Ofilisti hã mɔ.”