2 SAMUƐLƐ 18:3 - WE NU GALE 1995

³ Nɛ nde osodanɔ wa gisa hã Davidi na: “Ma wè na mɔ nɛ bole do lɛ gɔ. Mba gɔ, fala kɛ lɛ yu li bole, nɛ nde Owi sɛnɛ lɛ wa lénggé sɛ do lɛ gɔ. Gɛnɛ kɔ wa gbɛ ombe sanga lɛ, hã tala lɛ 'bana dɛ gbogbo, nɛ wa zɔ sɛ ma yala iko. Nɛ nde mɔ zu mɔ kpo gɛ, mɔ wia kɔ̃ do osoda ɔ nɛ lɛ gɛ koto 'bu. Ni a mɔ 'báná dɛ le nga, sɛ a mɔ wia sɛ we tombo Owele we gala lɛ de.”

2 SAMUƐLƐ 18:3 Iomraidhean Croise

2 SAMUƐLƐ 10:11

Nɛ Yoabɛ tɔ̃ hã nya a na: “Fala kɛ osoda Siri wa nganda nɛ ngɔ mi nde, nɛ mɔ tɛ we gala mi. Kɔ ni gɔ, hã Oamoni wa nganda nɛ ngɔ mɔ, nɛ mi nɛ sɛ we gala mɔ.

2 SAMUƐLƐ 17:2

Mi gbanga sɛ a do 'da fala a mbɔkɔ, nɛ linggamɔ zu a ma vĩ do'do ni. Nɛ kili ma ba sɛ a, nɛ winɔ 'da a vɛ̃ wa yu sɛ. Na mɛ ni, nɛ mi gbɛ sɛ a zu a kpo,

2 SAMUƐLƐ 21:17

Nɛ nde Abisai, be 'da Sɛruya, tɛa we gala Davidi, nɛ a gbɛ wi Filisti ni. Ma hã osodanɔ wa tɔ̃a hã Davidi na, a tɛ nɛ 'bɔ do lo li bole gɔ, da dɛ kɔ a fé, kɔ to nwa olo a ni, ma mbiti ngɔ nù Israɛlɛ gɔ.

1 Onwanɔ 22:31

Ĩ na, nwa ngɔ nù Siri sa zi mɔ hã ogã wi kũ ongilingili bolonɔ 'da a 'bu wa talɛ ngɔ wa bɔa, nɛ a ba nu a hã wa na, wa tɛ bì do ogele sodanɔ, tabi do ogã wi ngɔ soda Israɛlɛ gɔ. Nɛ nde wa bi tati a do nwa ngɔ nù Israɛlɛ.

ALA NU 4:20

Wa ba nwa 'da lɛ kɛ Gale saka a ni, nɛ wa si do a kɔlɔ 'duli. Ĩ na, dungu nza 'da lɛ dɛ tambala kɔ̃ a, nɛ lɛ lengge zi we 'da a na: “A a wi kɛ a gala sɛ lɛ na, lɛ kpasa sanga ogele winɔ.”

ZAKARIA 13:7

NWA ngɔ mɔ nyanga nza vɛ̃ tɔ̃a na: “Aa du kɔya, mɔ sí ngɔ, nɛ mɔ gbɛ́ wi fɔmɔ batanɔ kɛ a dɛ toe do mi ni. Mɔ gbɛ́ a, nɛ obatanɔ wa pɛsɛ sɛ ndɛ̃ ndɛ̃. “Mi NWA, mi bi sɛ owinɔ 'da mi,

1 SAMUƐLƐ 18:7

Nɛ wa ga zuma na: “Saulo gbɛa owi sɛnɛ lɛ koto kpo, nɛ Davidi gbɛa wa koto 'bu.”