2 SAMUƐLƐ 14:3 - WE NU GALE 1995

³ Mɔ nɛ sɛ, nɛ mɔ kpa nwa Davidi, nɛ mɔ tɔ̃ wenɔ mi nɛ tɔ̃ hã mɔ gɛ hã a.” Nɛ Yoabɛ tɔ̃a we ma wia sɛ na a tɔ̃ ni hã a.

2 SAMUƐLƐ 14:3 Iomraidhean Croise

2 SAMUƐLƐ 14:19

Nɛ Davidi aka a na: “Wi tɔ̃a hã mɔ na, mɔ dɛ mɛ gɛ vɛ̃ wi a Yoabɛ gɔ nde?” Nɛ a gese na: “Aa nwa, mi kana tɛ mi na, mɔ tɔ̃a gbãlã we ngboo. Wi a wi toe 'da mɔ Yoabɛ, hã a tɔ̃a wenɔ gɛ vɛ̃ dɛ nu mi na, mi tɔ̃ sɛ ma.

2 SAMUƐLƐ 14:4

Wuke ni nɛa, nɛ a kpa nwa, nɛ a gu li a nù dɛ dati a ni, nɛ a na: “Aa nwa, mɔ gbáká mi!”

Ɛsdrasi 8:17

Nɛ mi ba nu mi hã wa na, wa nɛ 'da Ido, wi fɔmɔ le Kasifia, nɛ wa aka a, fala nɛ kpo do ongba a, kɛ wa dɛ to tɛ fala dɔnggɔ do Gale di ni ni na, wa tombo Owele hã lɛ we dɛ to kɔ Tɛmpɛloe 'da Gale 'da lɛ.

Kulu Tɔa 4:15

Mɔ wélé we do a, nɛ mɔ tɔ̃ wenɔ kɛ mɔ kɔ̃a na a tɔ̃ ni hã a. Nɛ mi, mi sɛ do nɛ bɔa nɛ kɔ wenɔ nɛ tɔ̃ sɛ ma ni. Nɛ mi be sɛ mɛnɔ na, nɛ dɛ ma ni hã nɛ.

Ezai 51:16

Mi a mi dɛa li nza, nɛ mi 'bɔ a mi zĩ nyanga nùi. Aa nɛ, owi Yeruzalɛmɛ, nɛ a owi dɛa tonɔ 'da mi. Mi gu kɔ̃ mi zu nɛ, nɛ mi fɔmɔ nɛ.”

Ezai 59:21

Mi gba sɛ tɔkɔ do nɛ, nɛ mi tombo sɛ Hi Wi 'da mi dɛ ngɔ nɛ. Mi be sɛ mbulanɔ 'da mi hã nɛ, nɛ ma 'bana sɛ do mɔ́ nɛ fai. Nɛ dɔnggɔ sɛ ma, nɛ nɛ be sɛ 'bɔ ma hã obenɔ 'da nɛ, do obe zã wa kɔ sabɛlɛ do sabɛlɛ. Mi bá sɛ ma kɔ̃ nɛ gɔ. Mi NWA, mi tɔ̃a ni.”

Yeremi 1:9

'Do nɛ, nɛ NWA ɛfɛ kɔ̃ a, nɛ a tamba nu mi, nɛ a na: “Mi ia wenɔ 'da mi dɛ nu mɔ, takɔ mɔ tɔ̃ sɛ ma hã wa.

Tɔlɔ Mɔ 23:5

Nɛ NWA Gale tɔ́a we ma wia na Balamɛ wele ni, nɛ a ba nu a hã Balamɛ na, a kpolo tɛ̃ a dɛ 'da Balakɛ i.

Mbulanɔ 18:18

Mi tombo sɛ wi gba olo nu mi ɔ nɛ mɔ gɛ hã wa. Nɛ a sɛ a be le 'da nɛ ngboo. Mi tɔ̃ sɛ we kɛ ma wia na a wele ni hã a, nɛ a tɔ̃ sɛ wenɔ vɛ̃ kɛ mi ba nu mi na, wa dɛ ni.