2 SAMUƐLƐ 13:3 - WE NU GALE 1995

³ Nɛ nde Amnoni zi do mbe yali ngba a kpo, wi a Yonadabɛ, li a sɔ̃ wena. A a be 'da Sama, nɛ a 'bɔ a yamba Davidi.

2 SAMUƐLƐ 13:3 Iomraidhean Croise

Ndo Nyanga Dɛ Mɔ 3:1

Zɛ dati, gɔ nɛa ngɔ osa'denɔ vɛ kɛ NWA Gale dɛa wa zamɔ gɛ ni do 'dã hã. Nɛ mbe 'da fala kpo, nɛ gɔ aka wuke na: “Gale bɛ̃a na, nɛ tɛ nyɔ̀ngɔ̀ wala tenɔ kɔ fɔ gɛ gɔ gbãlã we nde?”

Ndo Nyanga Dɛ Mɔ 38:1

'Da fala ni, nɛ Yuda kulu ngɔ, nɛ a e onya a dɛ di ni, nɛ a la si kɔ le kpo li nɛ a Adulamɛ. Nɛ a ɔ 'da mbe wi wili kpo li a a Hira.

Ndo Nyanga Dɛ Mɔ 38:20

Yuda tumba yali ngba a Hira do be bata kɛ a tɔ́a zi we nɛ ni na, a hã ma hã wuke ni, nɛ a kala sɛ mɛnɔ kɛ ɛ ia zi ma do tikɔɛ hã a ni si do ma. Yali ngba a ni nɛa, nɛ a kpà wuke gɔ.

2 SAMUƐLƐ 13:2

Zu Amnoni vĩ, nɛ a wè tɛ kunu sila a we boko nya a gɔ, gbaa nɛ zɛlɛ ba a. Mba gɔ, a zi na, ɛ wé sɛ we kɔlɔ do a gɔ, tua kɛ a tɛ ĩ̀ ti wili gɔ.

2 SAMUƐLƐ 13:32

Nɛ Yonadabɛ, be 'da Sama, kɛ a a yamba Davidi ni tɔ̃ hã a na: “Aa nwa, mɔ tɛ lènggè na, wa gbɛa benɔ 'da mɔ vɛ gɔ, wi fia kpo a Amnoni iko. Absalɔmɛ kana zi tɛ ɛ we gbɛ a do 'da fala a wɛla zi boko nya a Tamarɛ, nɛ a ɔ do a ni.

2 SAMUƐLƐ 13:4

Nɛ Yonadabɛ aka Amnoni na: “Be 'da nwa, gulu kɛ do titole kpo kpo, nɛ mɔ dungu ɔ nɛ mɔ do zɛlɛ ni we ge nde? Mɔ wè do tɔ̃ gulu nɛ hã mi gɔ nde?” Nɛ Amnoni gese hã a na: “Mi kɔ̃ gɛnɛ Tamarɛ, boko nya zagbãlã nya mi Absalɔmɛ wena.”

2 SAMUƐLƐ 14:2

Nɛ a sa mɔ hã mbe wuko hã zã tɛ kɔ le Tekoa, nɛ a tɔ̃ hã a na: “Mɔ dɛ́ ɔ nɛ mɔ dungu gɛla ni, nɛ mɔ he'de tulu gɛla. Mɔ tɛ fɛlɛ nɔ yɔmbɔ tɛ mɔ gɔ. Nɛ mɔ dɛ́ tɛ mɔ ɔ nɛ wuko kɛ a dungu 'bako olo fio wi 'da a 'do nɛ nyɛlɛ wena ni.

2 SAMUƐLƐ 21:21

Nɛ a dã obe Israɛlɛ, nɛ mbe nya Davidi li a a Yonatanɛ, be 'da Sama gbɛa a.

1 Sakonɔ 2:13

Yɛse kua zi obulu be sambo. Li wa vɛ̃ yolo ngɔ kuti be gbaa we hɔ ngɔ tala be ma kɛ: Eliabɛ, Abinadabɛ, Sama,

1 Sakonɔ 27:32

Yonatanɛ, yamba Davidi, zi a wi tɔ̃ mbula hã a. A a wi ĩ ti mbɛti, nɛ a zi do hã zã wena. Yehiɛlɛ, be 'da mbe wi Hakmoni, a a wi be mɔ hã obenɔ 'da nwa.

ƐSTƐRƐ 5:10

Nɛ a kunu sila a, nɛ a si. A nɛa we hɔ nu tɔa 'da a 'di, nɛ a sa mɔ hã ongba a, do kɛnɛ a Zerɛkɛ.

ƐSTƐRƐ 5:14

Ongba Hamanɛ mba do kɛnɛ a, wa nɛa we zele ni, nɛ wa tɔ̃ hã a na: “Mɔ 'dafa te, kɛ du nɛ mɛtrɛ 'bu nɛ bɔa ngɔ nɛ mɔlɔ ni, hã bindɛ do titole, nɛ mɔ aka nwa, nɛ mɔ gãlã Mardose nu nɛ, nɛ a fe. Olo nɛ, nɛ sila mɔ ma gɛ̃ sɛ, nɛ mɔ kpe sɛ do nwa do yangga, we nɛ tɛ gbalimɛ 'da kɛnɛ a 'di.” We 'da wa dia tɛ Hamanɛ, nɛ a dɛa du te we gãlã do Mardose, we gbɛ a.

ƐSTƐRƐ 6:13

A nɛa we hɔ nu tɔa 'da a 'di, nɛ a tɔ̃a we mɛ ma dɛa a ni hã kɛnɛ a Zerɛkɛ, do ongba a wi mbo nu a. Nɛ wa gese hã a na: “Mardose, kɛ mɔ ndua kpa sape dati a ia gɛ, a a be Yuda gɔ nde? Ma ɔ ni gbãlã we, nɛ nde mɔ wé sɛ we nɛ ngɔ a gɔ, nɛ mɔ kpa sɛ sape dati a pii.”

GBA WENƆ 19:6

Owele wena wa kɔ̃a we tɛmbɛlɛ gã wi, nɛ Owele vɛ̃ wa kɔ̃a we ba 'bia do wi dɛ gbɛla.

Yeremi 4:22

NWA tɔ̃a na: “Owinɔ 'da mi, wa a oyɔnda wi, we kɛ wa ĩ̀ ti mi gɔ. Wa a obe kɛ wa zɔlɔ hã zã, nɛ wa ĩ̀ ti mɔ gɔ. Mɛ wa ĩ ti nɛ a dɛ 'dã mɔ iko. Nɛ nde we dɛ dia mɔ, wa ĩ̀ ti mɔ kpo kɔ nɛ gɔ.”

1 KORINTƐ 3:19

Mba gɔ, hã zã 'da owinɔ ngɔ nù gɛ mɛ a mɔ bɔ li Gale. Wa kɔma kɔ 'Buki 'da Gale na: “Bili 'da Gale kala Owi hã zãnɔ do wala 'dã hã zã 'da wa wele nɛ.”

ZAKE 3:15

Hã zã ki ni, ma yòlò 'da Gale gɔ, mɛ a hã zã ngɔ nù gɛ, ma yolo kɔ wele, nɛ mɛ a hã zã mɔ́ Satana.

Owi kpe dati 14:20

Nɛ wa ba wuke 'da Samsoni, nɛ wa hã a hã mbe be zagbãlã kɔ wanɔ 'bu wa talɛ ni, wele kɛ a zɔ zi mɔ tɛ mɔ dɔɛ ni, nɛ a ba a do kɛnɛ a.

1 SAMUƐLƐ 16:11

Nɛ Samuɛlɛ aka 'bɔ na: “Obulu benɔ 'da mɔ vɛ̃ hã wa hɔa dati mi ia ni nde?” Nɛ Yɛse gese na: “Tala bulu be nɛ 'bana kpo, nɛ nde a zɔ mɔ tɛ obatanɔ.” Nɛ Samuɛlɛ na: “Mɔ tómbó 'do a, kɔ a tɛ. A hɔ́ gɔ, nɛ nde lɛ hã́ sɛ dɔnggamɛ gɔ.”

1 SAMUƐLƐ 16:9

Yɛse tili Sama, nɛ Samuɛlɛ na: “NWA sàkà 'bɔ wele kɛ gɛ gɔ.”