2 SAMUƐLƐ 12:9 - WE NU GALE 1995

⁹ Kɔ gulu kɛ mɔ zɔa ombulanɔ 'da mi li mɔ yala, nɛ mɔ dɛ mɔ kɛ ma dè tɛ mi gɔ ni we ge nde? Mɔ gbɛa Uri, be Hiti. Mɔ ba wala hã Oamoni na, wa gbɛ a li bolo. 'Do nɛ, nɛ mɔ ba kɛnɛ a do wuke 'da mɔ.

2 SAMUƐLƐ 12:9 Iomraidhean Croise

2 SAMUƐLƐ 11:4

Davidi tumba owi to na, wa sa mɔ hã a, kɔ a tɛ. A tɛa, nɛ Davidi ɔ do a. 'Do nɛ, nɛ a si. (Ĩ na, a yula zi tɛ zɔ zɛkɛ, kɔ a fɔlɔ tɛ̃ a olo nɛ.)

2 SAMUƐLƐ 12:10

Kɔ mɔ zɔ́, yolo do sɔɛ gɛ, nga fio zɔlɔ sɛ kɔ nu fɛlɛ mɔ gɔ, we duzu kɛ mɔ mɔmɔ mi, nɛ mɔ ba kɛnɛ Uri do wuke 'da mɔ.

2 SAMUƐLƐ 16:7

nɛ a fɔmbɔ a, nɛ a he mɔ na: “Fó tɛ mɔ, fó tɛ mɔ, yia wi, wi gbɛ wi!

1 Onwanɔ 15:5

Mba gɔ, Davidi dɛa zi mɔ kɛ ma dia tɛ NWA, nɛ a bɛ zi mbe we nu a fala kpo gɔ, fo tati nɛ a we 'da Uri, wi Hiti.

1 Onwanɔ 21:19

Mɔ hɔ i mɔ, nɛ mɔ tɔ̃ hã a na, mi NWA, mi tɔ̃a na, a gbɛa wele do'do, nɛ a dolo 'bɔ zu mɔ olo a nde? Nɛ nde a ĩ na, otolo wa la'da sɛ tɛ mɛ 'bɔ tɔkɔ tɛ̃ a dɛ kpo fala wa la'da do kɛ 'da Nabɔtɛ ni.”

2 Sakonɔ 33:6

Nɛ dɛ ngɔ ki ni, nɛ a gbɛ 'bɔ bulu benɔ 'da a, nɛ a hã wa do dɔnggamɔ hã ogale bɛlɛnɔ tɛ kɔ gbangɔlɔ̃ Hinɔmɛ. Nɛ a dɛ 'bɔ osɔ̃ kpi do kpi, nɛ a aka owinɔ kɛ wa wele we do bɔzɔnɔ ni. A dɛa zi 'dã mɔ dɛ dati dɛa fai, nɛ ma 'danga tɛ NWA, nɛ ma nɔ̃lɔ̃ zã a.

Zumanɔ 51:14

Mɔ kpásá mi, nɛ mɔ gese yangga hã mi. Mɔ dɛ́ na, mi hɔ wi dɛ olo nu mɔ.

Zumanɔ 51:16

Aa Gale, mɔ a wi kpasa mi, mɔ tɛ là mi hã wa gbɛ mi gɔ, Mɔ kpásá mi, nɛ mi be sɛ gbãlã we 'da mɔ do yangga.

Zumanɔ 51:4

Mɔ fɔlɔ ndi 'dã mɛnɔ mi dɛa ni, nɛ mɔ fó ma vɛ̃, takɔ mi hɔ sa wi li mɔ.

Zumanɔ 90:8

Mɔ ia 'dã mɛnɔ 'da lɛ dɛ dati mɔ, nɛ mɔ kpo ùsù tɛ̃ ɛ li mɔ gɔ.

GBA WENƆ 14:2

Wi kɛ a yɛnggɛ do bɔlɔ nɛ ni, a dɛ kili NWA. Nɛ nde wele kɛ a yɛnggɛ tɛ dɛ 'dã mɔ ni, a zɔ NWA yala iko.

Ezai 5:24

We duzu ma, nyɛa we ma te sɛ tɛ wa, nɛ ma bɛlɛ wa ɔ nɛ zɔ̃ ni, nɛ wa ngutu sɛ vɛ̃. Wa ɔ sɛ nɛ te, kɛ liã nɛ mbulu, nɛ do nɛ ala, nɛ ma dɛa bũ ni. We kɛ wa dɛ̃ mbula 'da NWA ngɔ mɔ nyanga nza vɛ̃ gɔ, wa bɛ̃a we nu Gale santo 'da Oisraɛlɛ.

Yeremi 18:10

Nɛ nde fala kɛ nu kɔnggɔ winɔ ni wa zèlè nu mi gɔ, hã wa dɛ̃ mɔ kɛ mi kɔ̃a ni gɔ, nɛ mi kpolo sɛ linggamɔ dɛ dia mɛ, kɛ mi kɔ̃a zi we dɛ hã wa ni do'do.

AMƆSI 2:4

Nɛ zélé we NWA tɔ̃a gɛ: “Oyuda wa tɛ dɛ 'dã mɔ 'do ngbɛ ɛ do 'do ngbɛ ɛ. Ma kɛ mi 'bili ia, mi kpóló sɛ 'bɔ nu mi gɔ. Mi nɛ gese olo 'dã mɛnɔ 'da wa hã wa. Wa bɛ̃a mbula 'da mi NWA, nɛ wa dɛ̀ olo nu mi gɔ. Wa yɔa, nɛ wa dɔnggɔ 'bɔ kpo kpo ogale bɛlɛnɔ, kɛ oyaa wa wa dɔnggɔ zɛ́ wa ni.

1 SAMUƐLƐ 15:19

Kɔ gulu kɛ mɔ dɛ̃ olo nu a gɔ we ge nde? Gulu kɛ mɔ kala odia mɛnɔ 'da wa, nɛ mɔ dɛ mɔ kɛ ma dɛ̀ yangga tɛ Gale gɔ ni we ge nde?”

1 SAMUƐLƐ 15:23

Ĩ na, bɛ̃ we nu NWA wia kɔ̃ do 'dã mɔ dɛ sɔ̃. Nɛ 'dã mɔ wali wia kɔ̃ do 'dã mɔ sambala sɛa te. Kɔ ɔ nɛ kɛ mɔ bɛ̃a we nu NWA ni, a bɛ̃a tɛ mɛ 'bɔ gɛnɛ mɔ ia. Mɔ sɛ 'bɔ mbé nɛ a nwa ngɔ owinɔ 'da a gɔ.”

1 SAMUƐLƐ 15:26

Nɛ Samuɛlɛ gese na: “Mi bɛ̃a! Mi nɛ́ sɛ do mɔ gɔ. Kɔ ɔ nɛ kɛ mɔ bɛ̃a we nu NWA ni, a bɛ̃a tɛ mɛ 'bɔ gɛnɛ mɔ ia. Mɔ sɛ 'bɔ a nwa ngɔ obe Israɛlɛ gɔ.”