2 SAMUƐLƐ 12:1 - WE NU GALE 1995

¹ 'Do nɛ, nɛ NWA tumba wi gba olo nu a, Natanɛ, tɛ 'da Davidi i. Natanɛ hɔa i mɔ, nɛ a le dɛ 'da Davidi, nɛ a tɔ̃ gba wia we gɛ hã a na: “Mbe Owele bɔa wa zi kɔ mbe le kpo. Mbe kpo a wi kpamɔ, nɛ mbee nɛ a wi sã.

2 SAMUƐLƐ 12:1 Iomraidhean Croise

2 SAMUƐLƐ 11:25

Nɛ nwa Davidi gese hã wi toe ni na: “Mɔ nɛ́ hã mɔ ngándá sila Yoabɛ, nɛ mɔ tɔ̃ hã a na, a tɛ bà we bole ni dɛ li sila a 'danga wena gɔ. Kɔ bolo fai, nɛ nde fio zɔ́lɔ́ gɔ. Mɔ tɔ̃ sɛ 'bɔ hã a na, a bí le ni nganda, nɛ a 'danga ma.”

2 SAMUƐLƐ 12:2

Wele kɛ a a wi kpamɛ ni, a zi do ogili ngɔmbɔ do obata.

2 SAMUƐLƐ 14:14

Mbe tũ kpo, nɛ lɛ vɛ̃ lɛ fe sɛ. Lɛ ɔ nɛ lì kɛ wa a nù, nɛ nde wa wè tɛ so 'bɔ ma gɔ ni. Nɛ nde we duzu Gale, mɛ kɛ a 'dafa hã Absalɔmɛ gɛ a ni gɔ. Linggamɛ 'da a na, Absalɔmɛ tɛ 'bànà dɛ kɔlɔ 'duli i gɔ.

2 SAMUƐLƐ 7:17

Natanɛ nɛa, nɛ a gba nu wenɔ NWA tɔ̃a hã a ni vɛ̃ hã Davidi.

1 Onwanɔ 1:8

Nɛ nde nganga Sadɔkɛ, do Bɛnaya, be 'da Yoyada, do Natanɛ, wi gba olo nu Gale, do Simei, do Rei, do osodanɔ kɛ wa fɔmɔ Davidi ngboo ni, wa kɔ̃̀ zi gulu we 'da Adonia gɔ.

1 Onwanɔ 13:1

Nɛ NWA Gale ba nu ɛ hã wi gba olo nu a kpo tɛ ngɔ nu Yuda na, a nɛ tɛ kɔ le Betɛlɛ. Nɛ wi gba olo nu Gale ni nɛa, kɔ a hɔa i mɔ, nɛ a kpa Yeroboamɛ tɛ dɔ sa'de ngɔ gbagala we dɔnggɔ do Gale.

1 Onwanɔ 18:1

Olo nɛ la nyɛlɛ wena, kolo tɛ́ 'bɔ gɔ gbaa, kɔ ma nɛa we hɔ kɔ talɛ sabɛlɛ ngangga ni, nɛ NWA tɔ̃ hã Elia na: “Mɔ nɛ́ tɛ 'da nwa Akabɛ, we kɛ mi nɛ fi kolo dɛ ngɔ nùi gɛ.”

1 Onwanɔ 21:18

“Mɔ nɛ́ 'da nwa Akabɛ tɛ Samaria i. Mɔ kpa sɛ a tɛ kɔ fɔ vinɔ olo Nabɔtɛ, kɛ a nɛa we ba ma do mɔ́ a ni.

1 Onwanɔ 4:5

Azaria, be 'da Natanɛ zi a gã wi ngɔ owi fɔmɔ lenɔ. Zabudɛ, be 'da Natanɛ zi a nganga, nɛ a 'bɔ a yali ngba nwa, wi poe a.

2 Onwanɔ 1:3

Nɛ anzɛ 'da nwa nɛa, nɛ a tɔ̃ hã Elia, wi Tisbe na: “Mɔ nɛ́ hã mɔ kpa Owi nɛ tonɔ 'da nwa tɛ Samaria, nɛ mɔ tɔ̃ hã wa na: ‘Gulu kɛ nɛ nɛ we aka Bala-Zɛbubɛ, gale kɔ le Ekroni we ge nde? Ní a nɛ lengge na, fo Gale ngɔ nù Israɛlɛ gɛ bina nde?’

1 Sakonɔ 29:29

Wa kɔma lɛnggɛ ngɔ nwa Davidi yolo do kuti nɛ gbaa we hɔ ndɔti nɛ kɔ 'bukunɔ kɛ li ma a: “Dɛa tonɔ 'da Samuɛlɛ, wi zɔ mɔ” do “Dɛa tonɔ 'da Natanɛ, wi gba olo nu Gale” do “Dɛa tonɔ 'da Gadɛ, wi gba olo nu Gale.”

Ezai 39:3

'Do nɛ, nɛ Ezai, wi gba olo nu Gale nɛa 'da nwa Ezekiasi 'di, nɛ a aka a na: “Owinɔ gɛ wa yula do nde? Nɛ wa tɔ̃a hã mɔ na ge nde?” Nɛ Ezekiasi gisa na: “Wa yula gbaa tɛ ngɔ nù Babilonia, ma nyɛlɛ wena.”