2 SAMUƐLƐ 11:2 - WE NU GALE 1995

² Mbe gɛ̃a wese kpo, 'do kɛ Davidi kpia tɛ̃ a, kɔ a kulu ngɔ ni, nɛ a kũ dɛ zu tɔa nwa i, takɔ a ngbala mbe nyanga a dɛ di ni. A hɔa ngɔ mɔ, nɛ a zɔ mbe wuko tɛ fɔlɔ tɛ̃ a, nɛ nde a de zi zɔnga wena.

2 SAMUƐLƐ 11:2 Iomraidhean Croise

Ndo Nyanga Dɛ Mɔ 12:11

Wa hɔa li ngbala nùi we le dɛ Ezipeto i, nɛ Abrama tɔ̃ hã wuke 'da a Sarai na: “Mɔ zɔ́, mi ĩ na mɔ de zɔnga wena.

Ndo Nyanga Dɛ Mɔ 3:6

Nɛ wuke soko wala te ni, nɛ nde ma de li a wena. Nɛ a zɔ 'bɔ na, ma wia tɛ ɛfɛ nu wi wena, nɛ a kpa wɔ nyɔngɔ ma, takɔ a kpa hã zã. A 'bi wala te, nɛ a nyɔngɔ, nɛ a hã mbe hã wili a kɛ wa zi do a ni, nɛ a nyɔngɔ tɛ mɛ 'bɔ.

Ndo Nyanga Dɛ Mɔ 34:2

Nɛ Sikɛmɛ, zagbãlã be 'da Hamɔrɛ kɛ a zi a nwa 'da Ohivi dɛ di ni ni, a zɔ a, nɛ a ba a, nɛ a wɛlɛ a, nɛ a ɔ do a.

Ndo Nyanga Dɛ Mɔ 39:6

Ma kɛ Potifarɛ la mɛnɔ 'da ɛ vɛ̃ dɛ kɔ̃ Yozɛfu, nɛ a lénggé zi 'bɔ do mɔ kpo gɔ. Mɔ kpo kɛ na, a là dɛ kɔ a gɔ ni, mɛ a nyɔngɔmɛ 'da a iko. Yozɛfu de zi zagbãlã wena.

Ndo Nyanga Dɛ Mɔ 6:2

Owinɔ kɛ wa ɔ li nza ngɔ i ni, wa zɔa na oboko benɔ ni wa de zɔnga wena, nɛ wa fa wa we kala wa do wuko.

2 SAMUƐLƐ 13:1

Nɛ zɔ́ mɛ ma la 'do nɛ gɛ. Absalɔmɛ, be 'da Davidi zi do 'bundu be zɔnga nya a kɛ a de zi zɔnga wena, li a Tamarɛ. Nɛ Amnoni, mbee be 'da Davidi, kpa wɔ a.

2 SAMUƐLƐ 14:27

Absalɔmɛ kua zi obulu be talɛ, nɛ boko be kpo. Li boko be ni a Tamarɛ, nɛ a de zi zɔnga wena.

2 SAMUƐLƐ 4:5

Rekabɛ do Baana, wa nɛa 'da Isɛbalɛ i. Nɛ wa hɔ i mɔ do 'da fala tua wese ngboo, nɛ nde Isɛbalɛ ɔa nù.

YƆBƆ 31:1

Mi 'bili zi do kɔ sila mi nganda wena na, mi tɛ bà wɔ tɛ be zɔnga dɛ kɔ sila mi gɔ.

Zumanɔ 119:37

Mɔ fá na, mi tɛ è linggamɛ 'da mi ngɔ mɔ yala gɔ, nɛ mi dɛ mɔ tɛ mi nɛ́ kɛ zã mɔ kɔ̃a ni.

GBA WENƆ 19:15

Mɔ sulu wena, nɛ mɔ zulu sɛ yala. Mɔ dungu iko, nɛ mɔ ɔ sɛ wɔ.

GBA WENƆ 31:30

Ɛ̃fɛ̃ lɛnggɛ ma ɔlɔ wi iko, nɛ dia ndala tɛ wi 'báná fai gɔ. Wa dɔnggɔ tati a wuko kɛ a ba tɛ̃ a dɛ nù dati NWA Gale ni.

GBA WENƆ 6:25

Mɔ tɛ kɔ̃̀ na, dia zɔnga mɔ wuko, tabi ka mɔ ɔlɔ wi 'da a, ma vĩ́ zu mɔ gɔ.

GBA WENƆ 7:8

A la do li be wala, nɛ a kɔlɔ do tɔa 'da mbe wuko kpo.

Yeremi 19:13

Mi dɛ sɛ na, tɔanɔ kɔ le Yeruzalɛmɛ, do tɔanɔ 'da onwa ngɔ nù Yuda, ma hɔ mɔ ndi li mi. We duzu kɛ owinɔ ni wa dɔa zi yɔmbɔ nu dinɔ 'da wa we dɔnggɔ do osɔla. Nɛ wa hã zi 'bɔ dɔ̃ do dɔnggamɔ hã ogele galenɔ dɛ di ni.”

MATIE 10:27

Wenɔ vɛ̃ kɛ mi tɔ̃ hã nɛ do ti tũ nɛ ni, nɛ bé ma dɛ wila fala, nɛ wenɔ kɛ wa fɔ̃lɔ̃ dɛ zala nɛ ni, nɛ sá do mbila li fanda nza nga.

MATIE 24:17

Wele kɛ a dungu ngɔ tɔa i ni, dɔ a zĩ́lĩ́ we kala tolenɔ kɔ tɔa 'da a, sɛ nɛ a yu de gɔ.

MATIE 5:28

Nɛ nde kɛ 'da mi, mi tɔ̃ hã nɛ na, wi wili kɛ a soko kɛnɛ ngba a, kɔ a ba wɔ tɛ̃ a, nɛ nde a ɔa do wuke ni do kɔ sila a ia.

Owi Nɛ Tonɔ 10:9

Fala nɛa we sa nɛ, nɛ nde wa a li wala, nɛ wa kɔla we hɔ Yope ia. Kɔ ma hɔa midi, nɛ Petro kũ dɛ fala wa 'dafa ngɔ tɔa i ni, we sambala Gale.

Mbulanɔ 22:8

“Fala kɛ nɛ dɛ mbé tɔa, kɔ nɛ dɛ fala dungi do zu tɔa i, nɛ nɛ dɛ sɛ be ngbo dɛ tɛ nɛ. Nɛ dɛ sɛ na mɛ ni na, da dɛ kɔ wele te nù, hã a fe, kɔ wa é we zu nɛ gɔ.

Mbulanɔ 5:21

“ ‘Mɔ tɛ è sila mɔ ngɔ mɔ mɔ ngba mɔ gɔ. Mɔ tɛ è sila mɔ ngɔ kɛnɛ a, nùi 'da a, tɔa 'da a, owi tonɔ 'da a, ngɔmbɔ, punda, tabi gele mɔ mɔ a kpo gɔ.’

1 PETRO 4:7

Mɛnɔ kɔlɔ fala sɔkpɔ nɛ vɛ̃ ia. We duzu ki ni, nɛ ɔ́ do gbisa zu, do sɔ̃a li, takɔ nɛ sambala Gale do dia nɛ.

1 YOANƐ 2:16

Mba gɔ, omɛnɔ nù gɛ vɛ́ kɛ owinɔ wa dɛ wɔ tɛ nɛ, tabi wa zɔ ma, nɛ wa 'bã ma, tabi kpamɛnɔ nù gɛ kɛ wa dɛ wali nɛ ni, mɛnɔ ni vɛ̃ ma yòlò 'da Baa lɛ Gale gɔ, nɛ nde ma yula dɛ ngɔ nù gɛ iko.

1 SAMUƐLƐ 9:25

Wa yula ngɔ kala tɛ fala dɔnggɔ do Gale, kɔ wa nɛ zĩlĩ dɛ kɔ le nga ni, nɛ Samuɛlɛ do Saulo wa kũ dɛ ngɔ tɔa i, nɛ wa tɔ̃ lɛnggɛ.