2 SAMUƐLƐ 11:1 - WE NU GALE 1995

¹ Zɔlɔ ngangga 'do nɛ ni, do 'da fala Onwanɔ wa nɛ do bole fai ni, nɛ nwa Davidi sa mɔ hã Yoabɛ na, a kpe dati osoda Israɛlɛ do ogã wi ngɔ wa, kɔ wa nɛ we bi Oamoni. Wa nɛa, nɛ wa bi wa, nɛ wa gbɛ wa fai, nɛ wa linggi 'bɔ gã le 'da wa Raba. Nɛ nde Davidi 'bana kɛ 'da ɛ dɛ tɛ Yeruzalɛmɛ i.

2 SAMUƐLƐ 11:1 Iomraidhean Croise

2 SAMUƐLƐ 10:14

Osoda Amoni wa nɛa we zɔ kɛ osoda Siri wa yu ni, nɛ wa yu tɛ mɛ 'bɔ dati Abisai, nɛ wa si. Nɛ Yoabɛ la fala bi osoda Amoni, nɛ a si dɛ Yeruzalɛmɛ i.

1 Onwanɔ 20:22

Bole ia do'do, nɛ wi gba olo nu Gale tɛ, nɛ a kpa nwa ngɔ nù Israɛlɛ, nɛ a tɔ̃ hã a na: “Mɔ ɔ́ do kpã sila, nɛ mɔ lénggé mɛ mɔ nɛ dɛ ma ni de wena, we kɛ sabɛlɛ tɛ gɛ, do kpo ngba soe gɛ, nɛ nwa ngɔ nù Siri a kpolo sɛ tɛ̃ a we bi mɔ.”

1 Onwanɔ 20:26

Kɔ ma hɔa tɛ sabɛlɛ 'do nɛ ni, do kpo kpo ngba soe zi ni, nɛ a ngɛmɛ li osoda Siri vɛ̃, nɛ a nɛ do wa gbaa tɛ le Afɛkɛ, we bi obe Israɛlɛ.

1 Sakonɔ 20:1

Zɔlɔ ngangga 'do nɛ ni, do 'da fala kɛ Onwanɔ wa nɛ do bole fai ni, nɛ Yoabɛ kpia dati sodanɔ, nɛ wa nɛ we bi nù 'da Oamoni. Wa nɛa, nɛ wa bi wa, nɛ wa 'danga nùi 'da wa, nɛ wa linggi 'bɔ gã le 'da wa Raba. Nɛ nde Davidi 'bana kɛ 'da ɛ dɛ Yeruzalɛmɛ i. 'Da fala kɛ Yoabɛ ba le Raba, hã a nɛa we 'danga ma do'do,

2 Sakonɔ 36:10

Do zɔlɔ ngangga, nɛ nwa Nabukɔdɔnɔzɔrɛ ba a, nɛ a kala 'bɔ omɔ olo gã golenɔ kɔ tɔa Tɛmpɛloe 'da NWA, nɛ a si do a, mba do mɛnɔ ni dɛ ngɔ nù Babilonia i. Nɛ a saka Sedekiasi, wi na 'da Yoakinɛ na, a dungu nwa ngɔ nù Yuda tɛ Yeruzalɛmɛ.

Zumanɔ 60:9

Nù Galadɛ do Manase a mɔ mi, nɛ nù Efraimɛ, mɛ a ndasa 'da mi, nɛ dɔndɔlɔ nwa 'da mi, mɛ a nù Yuda.

WI LENGGE WE 3:8

Ngba soe kɔ̃ gɛnɛ ngba wi boe, nɛ ngba soe sɛnɛ ngba wi boe, ngba soe bi bolo boe, nɛ ngba soe kpa dungu fio boe.

Yeremi 49:2

Nɛ nde mbe ngba soe kpo, nɛ mi nwa, mi dɛ sɛ na, owinɔ kɔ le Raba, kɛ mɛ a gã le 'da Oamoni ni, wa zele giti hiamɔ bolo kɔ le 'da wa. Nɛ gã le ni ma kifi sɛ bili tɔa, nɛ olenɔ kɛ zã nɛ ni, ma bɛlɛ sɛ vɛ̃. Nɛ obe Israɛlɛ wa kala sɛ 'bɔ lenɔ 'da wa dɛ olo nɛ.

Yeremi 49:3

“Mi NWA, mi tɔ̃a na, aa nɛ, Owi kɔ le Hɛsɛboni, nɛ gá zuma 'bako! We kɛ le Ai ma 'danga do'do! Nɛ nɛ, owukonɔ kɔ le kɛ zã Raba ni, nɛ hé'dé tulu gɛla, nɛ nɛ yɛ́nggɛ́ do kɔ ngbonɔ 'da nɛ, nɛ nɛ gá zuma ala nu. We kɛ wa ba sɛ gale 'da nɛ Milkɔmɛ, fala nɛ kpo do onganganɔ, do okumunɔ 'da a, nɛ wa la do wa kɔlɔ 'duli.

EZEKIƐLƐ 21:20

Owinɔ 'da mi wa zɔa ní, nɛ sila wa ma 'bɔa, nɛ wa bɛmbɛ we te nɛ. Mi ia kɔya gbɛ wi tɛ nu tɔa kpo kpo, ma nyɛ nɛ́ nyɛa li kolo ni, nɛ ma 'bɔ we gbɛ wi iko.

AMƆSI 1:14

We duzu ma, mi tombo sɛ nyɛa we, nɛ ma bɛlɛ le 'da wa Raba, do odia tɔanɔ 'da wa vɛ̃. Do 'da fala ni, ohiamɔ bolo ma wele sɛ ɔ nɛ giti gba bũ kamba ni.

ZAKARIA 14:3

'Do nɛ, nɛ nwa a tɛ sɛ we bi ogele winɔ ni, ɔ nɛ kɛ a dɛ tɛ bolonɔ kɛ ma la zi fai ni.

Mbulanɔ 3:11

(Nwa Ɔgɛ tɛ Basanɛ zi a tala ngɔ go'do Orɛfa kɛ a 'bana nza. Mɔ hɔ tɛ Raba, gã le 'da Oamoni, nɛ mɔ zɔ sanduki kɛ wa mi zi do a ni. Wa dɛa ma do ta, nɛ 'da du nɛ nɛa ngɔ mɛtrɛ nalɛ, nɛ 'da dɔ nɛ ma dɔ̃ɔ do mɛtrɛ bɔa.)

1 SAMUƐLƐ 18:30

Do 'da fala ni, osoda Filisti wa bi zi osoda Israɛlɛ wena. Nɛ nde kɔ bolonɔ ni kpo kpo, ngawi 'da Davidi nɛa zi ngɔ tala ogã wi ngɔ sodanɔ 'da Saulo vɛ̃. Nɛ a kpa zi gã dɔ̃lɔ̃ li wena we duzu ma.