2 SAMUƐLƐ 10:4 - WE NU GALE 1995

⁴ Hanunɛ nɛa we zele ní, nɛ a ba nu a na, wa kala owi olo li Davidi. Wa kala wa, nɛ wa kɛlɛ nzɛlɛ wa vɛ̃, nɛ wa 'bili nu tulu tɛ wa dɛ ti ka go'do wa, nɛ wa gese wa na, wa si.

2 SAMUƐLƐ 10:4 Iomraidhean Croise

2 SAMUƐLƐ 10:5

Davidi zila we nɛ, nɛ a tombo Owele dati Owi olo li a, kɛ wa kpa zi gã sape ni. Wa kpa wa, nɛ wa tɔ̃ toe 'da a hã wa na, wa 'bana dɛ Yeriko ni gbaa na, nzɛlɛ wa dulu dɛ olo nɛ, sɛ nɛ wa ĩ ti si nɛ de.

Ezai 15:2

Owi kɔ le Diboni wa kũ dɛ ngɔ kala 'di, tɛ fala wa dɔnggɔ do gale 'da wa ni. Wa nɛa 'di mɔ we he kɔ̃a. Nɛ owi kɔ le Nebo do Mɛdɛba, wa ga zuma 'bako. Wa kɛlɛ zu wa do nzɛlɛ wa vɛ̃.

Ezai 20:4

Nwa ngɔ nù Asiri a kala sɛ Oezipeto do ngbá, nɛ a kala sɛ 'bɔ Oetiopi, obe zagbãlãnɔ do okpasa winɔ, nɛ a si do wa. Na mɛ ni, Oezipeto do Oetiopi wa yɛnggɛ sɛ tɛ mɛ 'bɔ do kũlĩ tɛ wa, do wila nyanga wa, nɛ mɛ sɛ a sape wena we Oezipeto.

Yeremi 41:5

Nɛ Owele 'bu wa ngbɛ'dɛ'dɛ, wa yula kɔ le Sikɛmɛ, do Silo, do Samaria we nɛ tɛ Yeruzalɛmɛ. Owinɔ ni wa kɛlɛ zi nzɛlɛ wa, nɛ wa he'de ɛ̃a tulu, nɛ wa 'bili tɛ wa do dani bɔ̃ liɔ̃ we be na, wa dungu gɛla. Wa kala zi okpalɛ, do fũ yɔmbɔ, nɛ wa nɛ do ma we dɔnggɔ do Gale tɛ kɔ Tɛmpɛloe 'da a tɛ Yeruzalɛmɛ i. Wa nɛa, nɛ wa kɔlɔ do Mispa,

Levitɛnɔ 19:27

'Da fala kɛ nɛ dungu gɛla nde, nɛ nɛ tɛ kɛ̀lɛ̀ ti zu nɛ girr gɔ. Nɛ tɛ kɛ̀lɛ̀ mbee nzɛlɛ nɛ gɔ, nɛ nɛ tɛ gbà mɔ tɛ nɛ we dɛ 'bako gɔ, nɛ nɛ tɛ gɔnɔ dã tɛ nɛ gɔ.