2 SAMUƐLƐ 1:2 - WE NU GALE 1995

² Nɛ do talɛ tũi, nɛ mbe wele kpo yolo tɛ fala ɔi 'da Saulo i, nɛ a hɔ. A hi'da ɛ̃a tulu, nɛ a a bũ zu a we be na, a dungu gɛla. A nɛa we kɔlɔ do Davidi, nɛ a bili gbaa nɛ zu a to nù, we dɔnggɔ a.

2 SAMUƐLƐ 1:2 Iomraidhean Croise

Ndo Nyanga Dɛ Mɔ 22:4

Wa nɛa ni gbaa 'do tũ bɔa, nɛ kɔ̃ tũ kɛ talɛ, nɛ Abrahama ka mɔ, nɛ a zɔ kala ni ndũu.

Ndo Nyanga Dɛ Mɔ 37:29

Do 'da fala ni, nɛ nde Rubɛnɛ zi bina. A nɛa we hɔ nɛ, nɛ a nɛ nu kɔ̃ i, kɔ a nɛ ka mɔ, nɛ nde Yozɛfu kɔ kɔ gɛ bina. Nɛ 'bako ba a wena, nɛ a ɛ̃ tulu tɛ̃ a.

Ndo Nyanga Dɛ Mɔ 37:34

A nɛa we tɔ̃ ni do'do, nɛ a ɛ̃ tulu tɛ̃ a, nɛ a hi'da tulu gɛla, nɛ a hia kɔ̃a be 'da a 'do nɛ nyɛlɛ wena.

Ndo Nyanga Dɛ Mɔ 43:28

Nɛ wa gese hã a na: “Ĩi, baa lɛ wi dɛa toe 'da mɔ a vɛ̃ a dia.” Nɛ wa gu 'bɔ nù ti a mbé nɛ.

2 SAMUƐLƐ 1:3

Nɛ Davidi aka a na: “Mɔ yula do nde?” Nɛ a gese na: “Mi yula tɛ fala ɔi 'da osoda Israɛlɛ.”

2 SAMUƐLƐ 13:19

A ɛ̃a tulu tɛ̃ a, nɛ a so bũ dɛ zu a we be na, a do 'bako. Nɛ a gu kɔ̃ a li a, nɛ a la, nɛ a tɛ zɛ nu a.

2 SAMUƐLƐ 14:4

Wuke ni nɛa, nɛ a kpa nwa, nɛ a gu li a nù dɛ dati a ni, nɛ a na: “Aa nwa, mɔ gbáká mi!”

2 SAMUƐLƐ 15:32

Ĩ na, do 'da fala Davidi hɔa gbogbo zu kala i, tɛ fala wa dɔnggɔ do Gale ni, nɛ Husai, be Arkɛ gɔnɔ dati a. Wa nɛa we kpa ngba wa, nɛ nde Husai ɛ̃a gã tulu tɛ̃ a ni, nɛ a a bũ zu a we be na, a do 'bako.

2 SAMUƐLƐ 24:20

'Da fala ni, nɛ nde Arvana zi ngɔ kala ni, nɛ a ka mɔ, nɛ a zɔ nwa Davidi do owi olo li a, nɛ nde wa tɛ dɛ 'da a nga. Nɛ a gɔnɔ dati wa, nɛ a gu li a nù dati Davidi,

2 SAMUƐLƐ 4:10

Wi tɔ̃a zi to fie 'da Saulo ni lingga zi na, ɛ tɛa do dia sako hã mi. Nɛ nde mi ba a, nɛ mi 'bili gɛlɛ a tɛ Siklagɛ. Tɛlɛ tɛ kɛ mi si zi do olo dia sakoe 'da a gɛ a ni.

ƐSTƐRƐ 4:16

“Mɔ sí, nɛ mɔ mba li obe Yudanɔ kɔ Suzɛ gɛ vɛ̃, nɛ nɛ tɛ nyɔngɔ mɔ gɔ, nɛ nɛ wélé nu nɛ tɛ mi na, dɔ mi fé gɔ. 'Do wese talɛ do tũ talɛ, nɛ tɛ 'bè tɛ nyɔngɔ mɔ gɔ, nɛ nɛ tɛ nɔ 'bɔ mbamba lì gɔ. Mi ta 'bɔ do owuko dɛa tonɔ 'da mi, lɛ dɛ sɛ ní. Olo nɛ, nɛ mi gbini sɛ mbula, nɛ mi nɛ sɛ dati nwa. Fala kɛ ma we na mi fe nde, nɛ mi fe sɛ.”

ƐSTƐRƐ 5:1

'Do kɛ Ɛstɛrɛ bɛ̃a nyɔngɔ mɛ tũi talɛ ni, nɛ a he'de tulu nwa 'da a. Nɛ a nɛ, nɛ a le kɔ ngbo kɛ gbogbo tɔa, kɛ ma dɛ dati otɔa ɔinɔ 'da nwa ni. A nɛa we le 'di mɔ, nɛ nde nwa zi dɛ kɔ tɔa 'da a ni, a dungu nù ngɔ kpongbo nwa 'da a, nɛ a ka mɔ dɛ nu tɔa nga.

Zumanɔ 66:3

Nɛ tɔ̃́ hã Gale na: “Mɛnɔ kɛ mɔ dɛ ni, mɛ a oɔngbamɔ. Mɔ do ngawi la li ngele. Gɛnɛ kɔ owi sɛnɛ mɔ, kɔ wa hɔ dati mɔ, nɛ wa dɛ kili, nɛ wa bili zu wa nu.

EZEKIƐLƐ 27:30

Wa zɔa le 'da nɛ, nɛ wa he kɔ̃a nɛ, nɛ wa kimili tɛ wa do zã bũ, nɛ wa so fumbɛlɛ dɛ zu wa.

OZE 6:2

Ma 'bana di tũ bɔa, talɛ, nɛ a tɛ sɛ we ba lɛ dɛ ngɔ, nɛ lɛ sɛ dɛ kɛ zã a.

YƆƐLƐ 2:13

Nɛ kífí sila nɛ ngboo, nɛ nɛ tɛ ɛ̃ tati a tulu tɛ nɛ iko gɔ.” Nɛ kpóló tɛ nɛ dɛ 'da NWA Gale 'da nɛ, we kɛ a a wi dia zã, nɛ a do mbɔkɔ li wena. A a wi du sila, nɛ kɔ̃a zã 'da a la mɔ vɛ̃. A kpolo linggamɛ 'da a ngɔ etumbui a kɔ̃a sɔ we hã hã nɛ ni dɔ̃ iko.

MATIE 12:40

Ɔ nɛ kɛ Yonasi ɔa zi kɔ zã gã kɔyɛ tũ talɛ ni, mi Be 'da Wele, mi ɔ sɛ ti zunu tũ talɛ.

MATIE 16:21

Yolo do 'da fala ni, nɛ Yezu ma ngɔ tɔ̃ hã owi yambala mɛnɔ 'da a dɛ nza na: “Ma wia na, mi nɛ Yeruzalɛmɛ i. Mi hɔ i mɔ, nɛ okumunɔ, do onwa nganganɔ, do owi be mbulanɔ wa hã sɛ zɛlɛ tɛ hã mi wena, nɛ wa gbɛ sɛ mi. Kɔ ma hɔ tɛ talɛ tũi, nɛ mi za'da sɛ nza kɔ fio.”

Yozue 7:6

Nɛ Yozue do okumu Israɛlɛ wa ɛ̃a tulu tɛ wa do 'bako. Nɛ wa ndɔ bũ zu wa, nɛ wa te nzɛlɛ dɛ dati Sanduku Gba Tɔkɛ 'da NWA. Nɛ wa ɔa dɛ di ni gbaa gɛ̃a wese.

USU MƐNƆ 3:9

Kɔ nɛ zɔ́ mɛnɔ mi nɛ dɛ sɛ do gili winɔ 'da Satana, kɛ wa 'bili bɛlɛ, nɛ wa tɔ̃ na, lo a Oyuda, nɛ nde wa a Yuda gɔ ni. Mi ngbɔkɔ sɛ wa na, wa nɛ 'da nɛ i, nɛ wa gu gba zugolo dati nɛ, nɛ wa ĩ sɛ na, mi kɔ̃a gɛnɛ nɛ.

1 SAMUƐLƐ 20:41

A nɛa we la nɛ, nɛ Davidi yolo fala a usu nɛ ni, tɛ si ba gɔtɔ do ta ni, nɛ a hɔ dɛ 'da Yonatanɛ. A gu li a nù dati Yonatanɛ fala talɛ, nɛ wa 'be ngba wa dɛ tɛ wa, nɛ wa he wena. Nɛ nde Davidi hia 'bɔ nɛa ngɔ Yonatanɛ.

1 SAMUƐLƐ 25:23

'Da fala Abigailɛ zɔa Davidi, nɛ a zĩlĩ ngɔ punda 'da a do gbɛngɛ tɛ. Nɛ a gu li a nù

1 SAMUƐLƐ 4:12

Do kpo tũi ni, nɛ mbe wi wili kpo, kɔ nu kpala Bɛnzamɛ yu bole, nɛ a hɔ tɛ Silo i do yu. A ɛ̃a tulu tɛ̃ a, nɛ a so bũ dɛ zu a we be na, ɛ do gã 'bako.

1 SAMUƐLƐ 4:16

Wi wili ni hɔa, nɛ a tɔ̃ hã Heli na: “Mi yu bole, nɛ mi yula sɔ i mɔ do yu gbaa, ma mi hɔa nɛ dɛ gɛ.” Nɛ Heli aka a na: “Be 'daa, ma la i mɔ nɛ nde?”