2 SAMUƐLƐ 1:10 - WE NU GALE 1995

¹⁰ Mi nɛa, nɛ mi gbɛ a, we kɛ mi ĩ na, a kpásá sɛ 'bɔ olo kɛ bole nɛa ngɔ a ni gɔ. 'Do nɛ, nɛ mi kala ndasa nwa do mɔ nu kɔ̃ wi, kɛ a hi'da ni, ma a mi tɛa nɛ hã mɔ gɛ!”

2 SAMUƐLƐ 1:10 Iomraidhean Croise

2 SAMUƐLƐ 1:9

Nɛ a sa mɔ hã mi na, mi tɛ, kɔ mi gbɛ ɛ, we kɛ gɛnɛ kɔ ɛ 'bana ɔmɔ nɛ, nɛ nde ɛ kɔlɔ do fio ia.

2 SAMUƐLƐ 12:30

Nɛ a ba ndasa nwa zu kpikima Milkɔmɛ, gale 'da Oamoni ni. Ndasa ni, wa dɛa zi ma do mɔ mbali, dĩ nɛ kilo 'bu nɛ talɛ, nɛ ma zi do ta olo gã gole tɛ nɛ. Nɛ wa ba ma, nɛ wa gu zu Davidi. Nɛ wa kala 'bɔ odia mɔ kɔ le ni wena.

2 Onwanɔ 11:12

'Do ki ni, nɛ Yoyada nɛa, nɛ a kpa Yoasi, nɛ wa hɔ do a, nɛ a gu ndasa nwa zu a, nɛ a hã 'buku mbulanɔ hã a. A dɛa na mɛ ni do'do, nɛ a a nɔ zu a, nɛ a e a do nwa. Nɛ owinɔ vɛ̃ wa ma ngɔ zɛ kɔ̃ wa, nɛ wa he mɔ na: “E kɔ nwa 'bana nza fai!”

ALA NU 5:16

Dĩ 'da lɛ fua tɛ̃ ɛ zu lɛ do'do. Lɛ dɛa 'dã mɔ, nɛ lɛ kpa 'bako olo nɛ.

MATIE 7:2

We kɛ Gale a 'bili sɛ we 'da nɛ kpasaa ɔ nɛ kɛ nɛ 'bili do wenɔ 'da ngba nɛ ni. Mɛ nɛ we do mɔ hã ngba nɛ ni, Gale a we sɛ tɛ mɛ 'bɔ do mɔ hã nɛ.

Owi kpe dati 1:7

Adoni-Bezɛkɛ zɔa na mɛ ni, nɛ a he mɔ na: “Owinɔ 'da mi wa kala zi onwa 'bu wa sambo, nɛ wa 'bili gba 'biti zu kɔ wa, do gba 'biti zu nyanga wa. Nɛ Onwanɔ ni wa dɔlɔ zi be 'bulu nyɔngɔmɛnɔ kɛ ma te dɛ ti mɛsa 'da mi ni, nɛ wa nyɔngɔ. Kɔ Gale si olo 'dã mɛ kɛ mi dɛa zi ni hã mi.” Nɛ Oyuda wa la do a dɛ Yeruzalɛmɛ, nɛ a fe dɛ i mɔ.

Owi kpe dati 9:54

Nɛ Abimelɛkɛ sa mɔ hã be zagbãlã kɛ a 'be mɔ bi bole 'da a ni, nɛ a ba nu a hã a na: “Mɔ bá du kɔya 'da mɔ, hã mɔ dala do 'da mi, da dɛ kɔ owinɔ wa tɔ̃ sɛ na, mɛ a wuko hã a gbɛa mi gɔ.” Nɛ be zagbãlã ni ba du kɔya, nɛ a dumu Abimelɛkɛ, nɛ a gbɛ a.

1 SAMUƐLƐ 22:18

Saulo zɔa ni, nɛ a tɔ̃ hã Dɔɛgɛ, wi ngɔ nù Edɔmɛ na: “Mɔ nɛ́, kɔ mɔ gbɛ́ onganganɔ gɛ.” Nɛ Dɔɛgɛ nɛa, nɛ a gbɛ onganganɔ. Do kpo soe ni, a gbɛa owinɔ kɛ wa wia we he'de tulu nganga ni 'bu wa ngbɛ'dɛ'dɛ ngɔ wa mɔlɔ.