2 YOANƐ 1:3 - WE NU GALE 1995

³ E kɔ Baa lɛ Gale do Be 'da a Yezu Kristo, wa be dia zã hã lɛ do nɛ, nɛ wa ĩ 'bako hã lɛ, nɛ wa dɛ na, lɛ ɔ do gɛ̃a sila. E kɔ ma dɛ tɛ́ ɛ na mɛ ni we lɛ, kɛ lɛ ĩ ti gbãlã we 'da Gale, nɛ lɛ kɔ̃a 'bɔ gɛnɛ ngba lɛ ni.

2 YOANƐ 1:3 Iomraidhean Croise

ZAKARIA 8:19

“Mi NWA, mi tɔ̃ hã nɛ Oyuda na, bɛ̃a nyɔngɔmɛ kɛ nɛ bɛ̃ do zɛkɛ 'da nalɛ, do zɛkɛ 'da mɔlɔ, do sambo, do zɛkɛ 'da 'bu kɔ sabɛlɛ ni, ma kifi sɛ ngba soe yangga we nɛ. Kɔ ma wia na, nɛ dɛ gbãlã we dɛa mɔ, nɛ nɛ fá we ɔ do dungu fio do ongba nɛ.”

ROMA 1:7

Ma kɛ mi kɔmɔ mbɛti gɛ hã nɛ, Owi Roma. Mba gɔ, Gale kɔ̃a gɛnɛ nɛ, nɛ a sa mɔ hã nɛ na, nɛ hɔ winɔ 'da ɛ. E kɔ Baa lɛ Gale, do Nwa Yezu Kristo wa be dia zã 'da wa hã nɛ, nɛ wa hã gɛa dungu hã nɛ.

GALATI 5:6

Mba gɔ, wi kɛ a mba do Kristo kpo ni, gɛnɛ kɔ a nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma do gã gulu nɛ, mɛ a kɔ̃a we kɛ ma be tɛ́ ɛ kɔ kɔ̃ gɛnɛ ngba wi ni.

1 TIMOTE 1:14

Gbãlã we, Nwa 'da lɛ Yezu bia dia zã 'da a hã mi, nɛ ma nɛa ngɔ mɛnɔ vɛ. Nɛ a dɛa na, mi ɔ do kɔ̃a we do kɔ̃ gɛnɛ ngba wi kɛ ma yolo kɔ a ni.

1 TIMOTE 1:2

Mi kɔmɔ mbɛti gɛ hã mɔ Timote, kɛ mɔ a be 'da mi ngboo, we duzu kɔ̃a we kɛ mɔ kɔ̃a do wala 'da mi ni. E kɔ Gale Baa, do Nwa 'da lɛ Yezu Kristo wa be dia zã 'da wa hã mɔ, nɛ wa ĩ 'bako hã mɔ, nɛ wa dɛ na, mɔ dungu do gɛ̃a sila.

2 TIMOTE 1:13

Mɔ 'dáfá dɛa mɔ tɛ mɔ we kɔ̃ do wenɔ kɛ mɔ zila zi ma dɛ nu mi, nɛ mɔ ɔ́ do kɔ̃a zã do kɔ̃a we kɛ lɛ kpa ma kɔ mba li ngba wi 'da lɛ do Yezu Kristo ni.

1 YOANƐ 4:10

Nɛ kɔ̃a zã ni, mɛ a kɛ na, lɛ a lɛ kɔ̃̀ zi gɛnɛ Gale dati gɔ, nɛ nde a kɔ̃a gɛnɛ lɛ dati, nɛ a tumba Be 'da a, takɔ a fe we si ku'da 'dã mɛnɔ zu lɛ.

2 YOANƐ 1:1

Wi a mi, wi zɔ mɔ tɛ eklezia, mi kɔma mbɛti gɛ hã mɔ, Naa lɛ kɛ Gale saka mɔ gɛ, do obenɔ 'da mɔ, kɛ mi kɔ̃a gɛnɛ nɛ nɛ ge nde ni. Nɛ tati a mi zu mi kpo hã mi kɔ̃a gɛnɛ nɛ iko gɔ, nɛ nde winɔ vɛ kɛ wa ĩ ti gbãlã we 'da Gale ni, wa kɔ̃a gɛnɛ nɛ tɛ mɛ 'bɔ.