2 YOANƐ 1:2 - WE NU GALE 1995

² Mba gɔ, gbãlã we 'da Gale kɔ sila lɛ boe, nɛ ma 'bana sɛ dɛ kɔ sila lɛ fai.

2 YOANƐ 1:2 Iomraidhean Croise

YOANƐ 14:16

Nɛ mi aka sɛ Baa mi, nɛ a tombo mbé Wi gbaka wi hã nɛ olo mi, nɛ a 'bana sɛ do nɛ fai.

YOANƐ 15:7

Kɔ fala kɛ nɛ 'bana dɛ kɔ mi, hã wenɔ 'da mi ma 'bana dɛ kɔ sila nɛ, nɛ nɛ kpa sɛ mɛnɔ kɛ nɛ gɔ ma ni vɛ̃.

1 KORINTƐ 9:23

Nɛ mi dɛ mɛnɔ ni vɛ we duzu Dia Sakoe, takɔ mi kpa tɛ mɛ 'bɔ mbe dia mɔ olo nɛ.

2 KORINTƐ 4:5

Lɛ bé a we 'da lɛ wele nɛ gɔ, nɛ nde lɛ be we 'da Yezu Kristo na, a a Nwa. Nɛ lɛ, lɛ hɔa Owi dɛa tonɔ 'da nɛ, we duzu Kristo.

KƆLƆSƐ 3:16

Nɛ úsú wenɔ 'da Kristo do dia mɔ nɛ vɛ dɛ kɔ sila nɛ. Nɛ bé ma sanga tɛ ngba nɛ, nɛ nɛ tɔ̃ mbula sanga nɛ do hã zã vɛ̃. Nɛ gá ozuma hã Gale do sila nɛ vɛ, nɛ nɛ hã iɔ̃nae hã a. Nɛ gá zuma kpi do kpi, kɛ Hi Wi Santo ia dɛ nu nɛ ni.

2 TIMOTE 1:5

Mi 'bana lengge do ngbongbo kɔ̃a we 'da mɔ, kɛ ma do gele linggamɔ kɔ nɛ bina ni. Yaa mɔ wuko nɛ, Loisɛ, do naa mɔ Enisɛ, wa zi do kɔ̃a we na mɛ ni dati hã mɔ, nɛ mi ĩ na, mɔ 'bɔ do kpo kɔ̃a we ni boe.

2 PETRO 1:12

Gɛnɛ kɔ nɛ ĩ zi ti wenɔ ni belee, nɛ sila nɛ 'bana vɛ̃ dɛ ngɔ gbãlã wenɔ kɛ wa bia zi hã nɛ ni, nɛ nde mi kɔ̃a we gba ta zu nɛ ngɔ ma fai.

1 YOANƐ 1:8

Fala kɛ lɛ tɔ̃ na, lɛ do 'dã mɔ bina, nɛ nde lɛ ɔlɔ tɛ lɛ iko, nɛ gbãlã we kɔ sila lɛ bina.

1 YOANƐ 2:14

Benɔ 'daa, mi kɔmɔ mbɛti gɛ hã nɛ na, nɛ ĩ ti Baa lɛ Gale ĩ. Nɛ nɛ, obaa mi, mi kɔma ma hã nɛ na, nɛ ĩ ti wi kɛ a zɛ́ boe fai, yolo do ndo nyanga mɛnɔ ni. Nɛ nɛ, zagbãlãnɔ, mi kɔma hã nɛ na, nɛ nganda wena, mba gɔ, nɛ usu we nu Gale dɛ kɔ sila nɛ, nɛ nɛ nɛa ngɔ Satana.

1 YOANƐ 2:17

Nùi gɛ ma la la, nɛ mɛnɔ vɛ̃ kɛ winɔ wa dɛ wɔ tɛ nɛ nɛ ge nde ni, ma la 'bɔ la. Nɛ nde wi kɛ a dɛ mɛ kɛ zã Gale kɔ̃a ni, a 'bana sɛ fai.