2 YOANƐ 1:1 - WE NU GALE 1995

¹ Wi a mi, wi zɔ mɔ tɛ eklezia, mi kɔma mbɛti gɛ hã mɔ, Naa lɛ kɛ Gale saka mɔ gɛ, do obenɔ 'da mɔ, kɛ mi kɔ̃a gɛnɛ nɛ nɛ ge nde ni. Nɛ tati a mi zu mi kpo hã mi kɔ̃a gɛnɛ nɛ iko gɔ, nɛ nde winɔ vɛ kɛ wa ĩ ti gbãlã we 'da Gale ni, wa kɔ̃a gɛnɛ nɛ tɛ mɛ 'bɔ.

2 YOANƐ 1:1 Iomraidhean Croise

LUKA 1:3

Ma kɛ mi aka tɛ mɛ 'bɔ gulu nɛ vɛ̃, nɛ wa tɔ̃a tɛlɛ tɛ kɛ ma dɛa zi do tɛ̃ ɛ ngboo, yolo do ndo nyanga nɛ ni hã mi. Nɛ mi zɔa na, ma dia fɛ̃ na, mi kɔmɔ gulu nɛ hã mɔ do wala olo nɛ ngboo.

YOANƐ 8:32

Nɛ nɛ ĩ sɛ ti gbãlã we 'da Gale, nɛ gbãlã we ni ma fo sɛ nɛ kɔ ngbá.”

Owi Nɛ Tonɔ 11:30

Wa dɛa na mɛ ni, nɛ wa tombo ma do Barnabasi, do Saulo hã Owi zɔ mɔ tɛ oeklezianɔ ngɔ nù Yude i.

ROMA 16:13

Nɛ nɛ fáná Rufusi, ngbongbo wi dɛa toe 'da Nwa, nɛ nɛ hã 'bɔ balɛ hã naa a, kɛ a ɔ nɛ naa mi ngboo ni.

GALATI 2:14

Kɔ mi nɛa we zɔ na, wa nɛ̀ 'do gbãlã we Dia Sakoe gɔ ni, nɛ mi tɔ̃a hã Petro dɛ li winɔ vɛ na: “Mɔ a Yuda, nɛ nde mɔ dɛ mɔ tɛ mɔ ɔ nɛ gele wi ni, nɛ mɔ la fala dɛ mɔ nɛ́ be Yuda do'do. Kɔ gulu kɛ mɔ hɛ̃lɛ̃ ogele winɔ na, wa dɛ mbula 'da Oyudanɔ we ge nde?”

GALATI 2:5

nɛ lɛ bɛ̃a. Mba gɔ, lɛ kɔ̃a zi we fɔmɔ gbãlã we Dia Sakoe we duzu nɛ.

GALATI 3:1

Aa nɛ, Ogalati kɛ gbãlã zã nɛ bina gɛ, wi 'danga nɛ a wio nde? Ĩ na, mi bia zi gulu fie 'da Yezu ngɔ finda te hã nɛ dɛ wila fala vɛ.

GALATI 5:7

Zi dati, nɛ dɛ zi mɔ do dia nɛ! Kɔ wi kila wala ti nɛ na, nɛ tɛ nɛ̀ 'bɔ 'do gbãlã we gɔ ni a wio nde?

KƆLƆSƐ 1:5

Kɔ̃a we do kɔ̃ gɛnɛ ngba wi 'da nɛ ni, ma nganda, we kɛ nɛ tɛ gbini zã nɛ do de mɛ kɛ ma 'bɔ 'da nɛ li nza i ni. Mba gɔ, kuti kɛ wa bia zi gbãlã we kɛ ma kɔ Dia Sakoe hã nɛ ni, nɛ nɛ zila zi we de mɛ kɛ nɛ wia we kpa ma olo nɛ ni.

1 TIMOTE 2:4

kɛ a kɔ̃a na winɔ vɛ wa kpasa, nɛ wa ĩ ti gbãlã we 'da a ni.

OHEBRE 10:26

Lɛ ĩ ti gbãlã we 'da Gale ia, kɔ fala kɛ lɛ 'bana tɛ dɛ 'dã mɔ do mbana, nɛ nde fo 'bɔ mbé mɔ kɛ lɛ wia tɛ dɔnggɔ do Gale, nɛ ma fo ku'da 'dã mɛ zu lɛ ni bina.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.

1 PETRO 5:1

Ngangga ni, mi tɛ wele we hã owinɔ sanga nɛ, kɛ wa a Owi zɔ mɔ tɛ eklezianɔ ni. Mi tɛ mɛ 'bɔ a wi zɔ mɔ tɛ eklezia ɔ nɛ wa ni. Mi zɔa tɛlɛ tɛ kɛ Kristo kpa zi do ngamɛ ni, nɛ mi mba sɛ do a kpo kɔ dɔ̃lɔ̃ li 'da a, kɛ ma be sɛ tɛ̃ ɛ ni. Kɔ mi aka nɛ, owi zɔ mɔ tɛ eklezianɔ na,

1 PETRO 5:13

Owi kɔ̃a wenɔ tɛ Babilɔnɛ, kɛ Gale saka zi wa ɔ nɛ kɛ a saka do nɛ ni, wa tumba balɛ hã nɛ. Nɛ be 'da mi Marko hã 'bɔ balɛ hã nɛ.

1 YOANƐ 2:21

Kɔ mi kɔ̀mɔ̀ mbɛti gɛ hã nɛ, we kɛ nɛ yɔa ti gbãlã we yɔa gɔ, nɛ nde mi kɔma ma, we kɛ nɛ ĩ ti gbãlã we de wena. Nɛ nɛ ĩ 'bɔ na, bɛlɛ wè tɛ yolo kɔ gbãlã we fala kpo gɔ.

1 YOANƐ 3:18

Benɔ 'daa, ma wè na, lɛ kɔ̃ gɛnɛ ngba lɛ do nu lɛ iko gɔ. Nɛ nde ma wia na, lɛ kɔ̃ gɛnɛ ngba lɛ do sila lɛ, nɛ ma be tɛ̃ ɛ nza kɔ dɛa mɔ tɛ lɛ.

2 YOANƐ 1:13

Benɔ 'da Boko nya mɔ, kɛ Gale saka zi 'bɔ a ni, wa hã balɛ hã mɔ.

2 YOANƐ 1:5

Ngangga ni, mi tɔ̃ hã mɔ, Naa lɛ na, lɛ kɔ̃́ gɛnɛ ngba lɛ. Mbula mi kɔma hã mɔ gɛ, mɛ a mbé mbula gɔ, nɛ nde mɛ a ã mbula kɛ lɛ zila zi dati belee, ndo do kɛ lɛ kɔ̃a zu li Yezu ni.

3 YOANƐ 1:1

Wi a mi, wi zɔ mɔ tɛ eklezia, mi kɔma mbɛti gɛ hã mɔ Gayusi, kɛ mi kɔ̃a gɛnɛ mɔ do sila mi kpo ni.