2 KORINTƐ 3:3 - WE NU GALE 1995

³ Mɛ a gbãlã we na, nɛ a mbɛti kɛ Kristo kɔma, nɛ a ia dɛ kɔ̃ lɛ na, lɛ dɛ do toe 'da lɛ. Mbɛti ni, a kɔ̀mɔ̀ do lì mbɛti gɔ, nɛ nde a kɔma do Hi Wi 'da Gale kɛ a fé fio gɔ ni. A kɔ̀mɔ̀ ma dɛ ngɔ ta dɛ wila fala gɔ, nɛ nde a kɔma kɔ sila Owele.

2 KORINTƐ 3:3 Iomraidhean Croise

Zumanɔ 40:8

Na mɛ ni, nɛ mi tɔ̃a na: “Mi kɛ̃, mi kulu ngɔ, nɛ mi nɛ dɛ 'da mɔ. Mɛ mi wia we dɛ ma ni, wa kɔma ma kɔ 'buku mbula 'da mɔ.

Zumanɔ 42:2

Aa Gale, mi fa mɔ tu tu tu, ɔ nɛ kɛ zambɛlɛ 'bã nu ɛ tɛ fa fua lì ni.

Zumanɔ 84:2

Aa mɔ, NWA ngɔ mɔ nyanga nza vɛ̃, mi zɔa Tɛmpɛloe 'da mɔ, nɛ ma de tɛ mi wena.

Kulu Tɔa 24:12

NWA tɔ́a hã Mɔizɛ na: “Mɔ kũ dɛ kɛ zã mi ngɔ kala nga, nɛ mɔ dungu dɛ di ni. Mi kɔa we hã otanɔ, kɛ mi kɔma ombulanɔ 'da mi ngɔ nɛ ni hã mɔ, takɔ mɔ be mbulanɔ ni hã obe Israɛlɛ.”

Kulu Tɔa 31:18

Gale tɔ̃a wenɔ ni hã Mɔizɛ ngɔ kala Sinai 'di vɛ̃ do'do, nɛ a kala tanɔ kɛ a kɔma mbulanɔ do tɛ̃ a ngɔ nɛ ni, nɛ a hã ma hã a na, a zĩlĩ do nɛ.

Kulu Tɔa 32:15

Mɔizɛ kala ta mbulanɔ dɛ kɔ a, nɛ a yula ngɔ kala i, nɛ a zĩlĩ. Tanɔ ni, wa kɔma mbulanɔ 'da Gale li nɛ do 'do nɛ vɛ̃.

Kulu Tɔa 34:1

Nɛ NWA ba nu a hã Mɔizɛ na: “Mɔ sɛ́ ta bɔa, nɛ ma we kɔ̃ do kɛnɔ mɔ ua sanga nɛ ni, nɛ mɔ tɛ nɛ, hã mi kɔmɔ mbulanɔ zi ngɔ kɛnɔ dati ni dɛ ngɔ nɛ.

GBA WENƆ 3:3

Ma wia na, mɔ ɔ fai do dia zã, do bɔlɔ zu, nɛ ma ɔ we mɔ nɛ mɔ gɛlɛ wi kɛ mɔ hi'da ma ni. Nɛ mɔ kɔ́mɔ́ ma dɛ gbãlã zã mɔ.

GBA WENƆ 7:3

Mɔ 'bé ma, nɛ kɔ̃ mɔ nɔ tɛ nɛ. Mɔ kɔ́mɔ́ ma dɛ gbãlã zã mɔ ngboo.

Yeremi 10:10

Nɛ nde ngbongbo Gale wele kpasi, wi tati a mɔ NWA. Mɔ a NWA kɛ fo ndɔti mɔ bina. Fala kɛ zã mɔ nɔ̃lɔ̃, nɛ nùi ma tana, nɛ onu kɔnggɔ winɔ wa wè tɛ yolo dati nɔ̃lɔ̃ zã 'da mɔ gɔ.

Yeremi 17:1

NWA tɔ̃a na: “Aa nɛ, Oyuda, wa kɔma 'dã mɛ 'da nɛ do 'bɛ̃lɛ̃ nu mɔ bolo dɛ ngɔ sila nɛ. Wa yɔla ma do 'bɛ̃lɛ̃ nu ta diamã dɛ li gbala gbagalanɔ kɛ nɛ dɛa we dɔnggɔ do mi Gale ni.

Yeremi 31:33

Mbé gba tɔkɛ mi gba sɛ do Oisraɛlɛ ni, ma sɛ nɛ́: Mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa, nɛ mi sɛ a Gale 'da wa, nɛ wa sɛ a owinɔ 'da mi.

EZEKIƐLƐ 11:19

“Mi hã sɛ mbé sila wi do mbé linggamɔ hã wa. Mi fo sɛ sila wa kɛ ma nganda ɔ nɛ ta ni, nɛ mi kpolo sɛ ma do mbɔkɔ sila kɛ ma kɔ̃ sɛ we dɔnggɔ mi ni.

DANIƐLƐ 6:26

'Do nɛ, nɛ nwa Dariusi tumba to hã onu kɔnggɔ winɔ do nu lɛnggɛnɔ ngɔ nùi vɛ̃ na: “Mi hã balɛ hã nɛ!

MATIE 16:16

Nɛ Simɔ Petro gese na: “Mɔ a Mɛsiya, Be 'da Gale, wele kpasi.”

1 KORINTƐ 3:5

Apolosi ngboo a wio nde? Nɛ Polo a wio nde? Lɛ a Owi dɛa tonɔ 'da Nwa Gale kɛ lɛ gala nɛ na, nɛ kɔ̃ zu li Kristo ni. Nɛ wele kpo kpo sanga lɛ dɛ toe kɛ Gale hã ma hã a ni.

2 KORINTƐ 3:6

A hã ngawi hã lɛ na, lɛ be do gulu mbé gba tɔkɛ kɛ a gba do owinɔ ni. Mbé gba tɔkɛ ni, ma yòlò kɔ mbɛti mbula gɔ, nɛ nde ma yula 'da Hi Wi Santo. Mba gɔ, mbɛti mbula kã wele dɛ tɛ fio, nɛ Hi Wi hã kpasi hã wele.

2 KORINTƐ 3:7

Do 'da fala kɛ Gale kɔma zɛ́ mbula 'da a do mbɛti dɛ ngɔ otanɔ ni, nɛ yele ngbala dɔ̃lɔ̃ li 'da a yele zɛ́. Nɛ sanga li Mɔizɛ ndele zɛ́ wena, nɛ obe Israɛlɛ wa wè zɛ́ tɛ soko sanga li a gɔ. Ĩ na, yele ngbala ni, 'do nɛ nyɛlɛ̀ zi gɔ. Kɔ nɛ́ kɛ mbula kɛ ma kã wele dɛ tɛ fio ni, ma do dɔ̃lɔ̃ li wena ní ni,

2 KORINTƐ 6:16

We mɔ́ kpikima tɛ tɔa 'da Gale boe nde? Tɔa 'da Gale wele kpasi, wi a lɛ, ɔ nɛ kɛ a ngboo a tɔ̃a na: “Mi ɔ sɛ dɛ sanga winɔ 'da mi, nɛ mi yɛnggɛ sɛ fala nɛ kpo do wa. Mi sɛ a Gale 'da wa, nɛ wa sɛ a winɔ 'da mi” ni.

1 TƐSALONIKƐ 1:9

We kɛ owinɔ vɛ wa tɔ̃a tɛlɛ tɛ kɛ lɛ nɛa zi 'da nɛ i, nɛ nɛ dɛa do gɛnɛ lɛ ni, do tɛlɛ tɛ kɛ nɛ la fala dɔnggɔ okpikimanɔ, nɛ nɛ kifi sila nɛ hã Gale, wele kpasi do wele gbãlã we, nɛ nɛ dɛ to hã a ni.

OHEBRE 10:16

“Nwa tɔ̃a na: Mbé gba tɔkɛ mi gba sɛ do Oisraɛlɛ ni, ma kɛ: Do 'do ngba soenɔ ni, nɛ mi dɛ sɛ na, mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa.”

OHEBRE 8:10

Nɛ Nwa tɔ̃a 'bɔ na: “Mbé gba tɔkɛ mi gba sɛ do Oisraɛlɛ ni, ma kɛ: Do ngba soenɔ ni, nɛ mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa. Mi sɛ a Gale 'da wa, nɛ wa sɛ a winɔ 'da mi.

OHEBRE 9:14

Ní a tɔkɔ tɛ Kristo nɛ̀ ngɔ ki ni do ngawi gɔ nde? Do wala 'da Hi Wi Santo kɛ a fai boe ni, Kristo hã zi kili tɛ̃ ɛ ngboo we dɔnggɔ do Gale, ɔ nɛ dɔnggamɔ kɛ fo ndi tɛ nɛ bina ni. Nɛ tɔkɔ tɛ̃ a ma fɔlɔ lɛ, nɛ ma fua sila lɛ ngɔ yia dɛa mɛnɔ lɛ dɛ zi ni, takɔ lɛ dɛ to hã Gale, wele kpasi.

Yozue 3:10

Ngangga ni, nɛ ĩ sɛ na, NWA Gale wele kpasi fala nɛ kpo do nɛ boe ni. Mba gɔ, Sanduku Gba Tɔkɛ 'da NWA ngɔ nùi vɛ̃, ma kpe sɛ dati nɛ, we be wala kũ lì Yɔrdanɛ hã nɛ. Nɛ NWA a ndaka sɛ Okanana, do Ohiti, do Ohivi, do Opɛrizi, do Ogirgasi, do Oamori, do Oyebuzi dati nɛ.

USU MƐNƆ 2:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Efɛzɛ ni na: “Wi kɛ a 'be sɔlanɔ sambo do ngawili kɔ̃ a, nɛ a yɛnggɛ do sanga omɔ a do mwindanɔ sambo, kɛ wa dɛa do mɔ mbali ni tɔ̃a na:

USU MƐNƆ 2:12

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Pɛrgamɛ ni na: “Wi kɛ du kɔya kɛ nu nɛ bɔa dɛ nu a ni tɔ̃a na:

USU MƐNƆ 2:18

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Tiatirɛ ni na: “Mi Be 'da Gale, kɛ gbali mi nyɛ nɛ́ we, nɛ nyanga mi ndele kpala kpala nɛ́ tũ mɔ bolo, kɛ wa lɔa tɛ nɛ lɔa ni, mi tɔ̃a na:

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na:

USU MƐNƆ 3:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Sardɛ ni na: “Wi kɛ a do Hi Wi 'da Gale sambo, do sɔlanɔ sambo ni tɔ̃a na: Mi ĩ ti dɛa mɔ tɛ nɛ vɔ́, nɛ mi ĩ na, owinɔ wa lengge na, nɛ do kpasi, nɛ nde nɛ fi fia.

USU MƐNƆ 3:14

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Laodise ni na: “Wi kɛ a dɛa toe 'da Gale ia vɛ, kɔ a tɔ̃ gulu we 'da Gale do gbãlã we ngboo, nɛ a 'bɔ a wi kɛ Gale dɛa zɛ́ mɛnɔ vɛ̃ do wala 'da a ni tɔ̃a na:

USU MƐNƆ 3:22

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni.”

USU MƐNƆ 3:7

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na:

1 SAMUƐLƐ 17:26

Davidi aka osodanɔ kɛ zã a ni na: “Wi kɛ a gbɛ Filisti gɛ, hã a fo sape li obe Israɛlɛ ni, nɛ a kpa sɛ mɔ ge nde? Be Filisti gɛ, kɛ a a manda'ba iko, a wia we nɛ ngɔ osodanɔ 'da Gale wele kpasi nde?”