1 TƐSALONIKƐ 5:9 - WE NU GALE 1995

⁹ Mba gɔ, Gale sàkà zi lɛ na, nɔ̃lɔ̃ zã 'da a te ngɔ lɛ gɔ, nɛ nde a saka lɛ na, lɛ kpa kpasi do wala 'da Nwa 'da lɛ Yezu Kristo.

1 TƐSALONIKƐ 5:9 Iomraidhean Croise

YƆBƆ 23:14

A dɛ hã mi a linggamɛ kɛ a 'bili do kɔ sila a ni, a dɛ ma nɛ́ kɛ a dɛ do ogele linggamɛnɔ 'da a ni.

Kulu Tɔa 9:16

Kɔ mi la a do tunu li a, we be ngawi 'da mi, takɔ sako dɔ̃lɔ̃ li 'da mi ma yɛ'bɛ ngɔ nù gɛ vɛ̃.

GBA WENƆ 16:4

Mɛnɔ vɛ̃ NWA dɛa ni, ma do gulu nɛ boe. Gulu o'dã winɔ mɛ a kɛ na, wa te li ngbangga do kɔ̃ tũ kɛ NWA wia ni.

MATIE 26:24

Mi, Be 'da Wele, mi nɛ fe ɔ nɛ kɛ 'Buki 'da Gale tɔ̃a ni. Nɛ nde 'bako do wi kɛ a nɛ 'dɔlɔ mi ni. Ma dia sɔ fɛ̃ na, wa tɛ kò a gɔ!”

Owi Nɛ Tonɔ 1:20

Nɛ Petro tɔ̃ 'bɔ na: “Gale tɔa zé kɔ 'Buku Zumanɔ na: ‘E kɔ nu tɔa 'da a kulu, nɛ wele tɛ ɔ 'bɔ fala ni gɔ.’ Nɛ a tɔ̃ 'bɔ na: ‘E kɔ mbé gele wele ba toe olo a.’

Owi Nɛ Tonɔ 1:25

takɔ a ba fala olo Yudasi, nɛ a hɔ wi nɛ toe 'da mɔ. We kɛ Yudasi la ma, nɛ a nɛa tɛ fala ma wia do a ni.”

Owi Nɛ Tonɔ 13:48

Kɔ owinɔ kɛ wa a Oyuda gɔ ni, wa nɛa we zele ni, nɛ wa dɛa yangga, nɛ wa dɔnggɔ we nu Gale. Nɛ owanɔ kɛ Gale saka wa na, we kpa kpasi kɛ ma é sɛ gɔ ni, wa kɔ̃a zi zu li Yezu.

ROMA 11:30

Zɛ́ dati, nɛ bɛa zi gɛnɛ Gale. Nɛ di ngangga ni, Gale ĩ 'bako hã nɛ, we duzu kɛ Oyudanɔ wa bɛ̃a gɛnɛ a ni.

ROMA 11:7

Ma kɔ̃a we tɔ̃ na ge nde? Ma kɔ̃a we tɔ̃ na, mɛ kɛ Oisraɛlɛ wa fa zɛ́ ni, wa kpà gɔ. Nɛ nde owinɔ sĩ kɛ Gale saka zɛ́ wa ni, wa kpa ma. Nɛ zu tala Oisraɛlɛ nganda do'do, nɛ wa kɔ̃̀ zi gɛnɛ gbãlã we 'da Gale gɔ.

1 TƐSALONIKƐ 1:10

Nɛ wa tɔ̃ 'bɔ tɛlɛ tɛ kɛ nɛ ia sila nɛ we 'bɔ 'da tɛa 'da Yezu Be 'da Gale, kɛ Gale tunu zi a sanga ofionɔ, nɛ a kpasa sɛ lɛ ti nɔ̃lɔ̃ zã 'da Gale 'da fala a nɛ 'bili do ngbangga 'da owinɔ ni.

1 TƐSALONIKƐ 3:3

dɔ wele kpo sanga nɛ mbɔ́kɔ́, we duzu ngamɛnɔ kɛ nɛ zɔ ma ni gɔ. Mba gɔ, nɛ ĩ na ngamɛnɔ lɛ zɔ ni, mɛ a wala kɛ Gale saka we lɛ.

1 TIMOTE 1:13

Gɛnɛ kɔ mi tɔ̃a zi 'dã we tɛ Yezu, nɛ mi zɛlɛ tɛ̃ a, nɛ mi dã zu li a, nɛ nde Gale a ĩ 'bako hã mi, we kɛ mi tɛ kɔ̃̀ zi zu li Yezu gɔ, nɛ mi ĩ̀ zi 'bo ti gulu mɛnɔ mi dɛ ni gɔ.

1 TIMOTE 1:16

Ma kɛ Gale ĩ zi 'bako hã mi, we kɛ a kɔ̃a zi we be na, Yezu Kristo zi do du sila dɛ 'da mi, kɛ mi nɛa ngɔ winɔ vɛ do 'dã mɔ ni, takɔ mi ɔ nɛ bia mɔ we owinɔ kɛ wa tɛ sɛ 'do gɛ, nɛ wa kɔ̃ zu li a, nɛ wa kpa kpasi kɛ ma é sɛ gɔ ni.

2 TIMOTE 2:10

We duzu ma, mi kunu sila mi kɔ ngamɛnɔ vɛ̃, we lengge do winɔ kɛ Gale saka wa ia ni, takɔ wa kpa tɛ mɛ 'bɔ kpasi kɛ ma kɔ Yezu Kristo, do dɔ̃lɔ̃ li kɛ ma é sɛ gɔ ni.

1 PETRO 2:10

Zi dati, nɛ zi a winɔ 'da Gale gɔ. Nɛ nde ngangga gɛ, nɛ hɔa winɔ 'da a ia. Nɛ zi kɔ winɔ kɛ Gale ĩ 'bako hã wa ni bina. Kɔ ngangga gɛ, Gale ĩ 'bako hã nɛ ia.

1 PETRO 2:8

Nɛ wa kɔma 'bɔ na: “Mɛ a ta kɛ owinɔ wa kɔ do nyanga wa, nɛ ma fi wa nù ni.” Ta ni ma kɔa nyanga wa, we kɛ wa bɛ̃a we zele nu Gale. We duzu ma, Gale 'bili zɛ́ we 'da wa belee na, ma dɛ sɛ tɛ̃ ɛ hã wa na mɛ ni.

2 PETRO 1:1

Wi a mi Simɔ Petro, wi dɛa toe do wi nɛ toe 'da Yezu Kristo, mi kɔmɔ mbɛti gɛ hã nɛ, kɛ nɛ hɔa Owi kɔ̃a we, nɛ kɔ̃a we 'da nɛ dia wia kɔ̃ do kɛ 'da lɛ ni. Wi a Yezu Kristo kɛ a a Gale 'da lɛ, nɛ a 'bɔ a Wi kpasa lɛ ni, a hã ma hã lɛ do bɔlɔ zui 'da a.

2 PETRO 2:3

Owi 'bili bɛlɛnɔ ni, wa sɛ do wɔ mbili wena, nɛ wa ɔkɔlɔ sɛ nɛ do bɛlɛnɔ 'da wa we kpa mɔ kɔ̃ nɛ. Nɛ nde Gale 'bili zi we 'da wa belee ia, nɛ etumbu 'bɔ 'da wa 'bɔa iko.

YUDA 1:4

Mi tɔ̃ we gɛ hã nɛ, we kɛ ombe wele kɛ wa dɔ́nggɔ́ Gale gɔ ni, wa lia sanga nɛ do 'dã hã, nɛ wa kpolo lɛnggɛ dia zã 'da Gale kɛ a bia ma hã lɛ ni. Wa kpolo ma, takɔ wa yolo dɛ ngɔ nɛ we dɛ mɔ sape kɛ zã wa kɔ̃a ni. Nɛ wa bɛa gɛnɛ Yezu Kristo, kɛ a zu a kpo a Wele lɛ, do Nwa 'da lɛ ni. Nɛ nde wa kɔmɔ zɛ́ li wa belee ia na, Gale a fi sɛ wa li ngbangga.