1 TƐSALONIKƐ 5:8 - WE NU GALE 1995

⁸ Nɛ nde lɛ, kɛ lɛ kɔ sa fala ni, ma wia na lɛ dĩlĩ fala tɛ lɛ. Lɛ dúngú do kɔ̃a we dɛ 'da Gale, nɛ lɛ 'bana tɛ kɔ̃ gɛnɛ ngba lɛ, nɛ ma ɔ nɛ tulu bolo kɛ lɛ hi'da dɛ tɛ lɛ ni. Lɛ gbíní zã lɛ do kpasi kɛ Yezu a hã sɛ ma hã lɛ ni, ma ɔ nɛ ndasa bolo kɛ lɛ gu zu lɛ ni.

1 TƐSALONIKƐ 5:8 Iomraidhean Croise

Zumanɔ 42:11

Mɔ zɔ́, mi tɛ fe dɛla ti kɔ wa, nɛ wa aka nu mi fai na: “Gale 'da mɔ dɛ́ mɔ gɔ we ge nde?”

Zumanɔ 42:5

Nɛ ta zu mi gba ngɔ mɛnɔ mi dɛa zi dati ni, nɛ sila mi dunu do 'bako. Mi lingga tɛlɛ tɛ kɛ mi kpia zi dati ogba dɔa winɔ, nɛ mi kã zi wa do yangga dɛ nu tɔa 'da mɔ Gale, nɛ lɛ dungu ɛngga, nɛ lɛ ga zuma we dɔnggɔ do mɔ ni.

Zumanɔ 43:5

Mi aka tɛ mi na, gulu kɛ 'bako ba mi we ge nde? Gulu kɛ tɛ mi gɛ̃, nɛ mi ala nu mi we ge nde? Dia nɛ na, mi gbini zã mi do mɔ Gale, nɛ mi sambala 'bɔ mɔ mbé nɛ. Mɔ a Gale 'da mi, wi kpasa mi.

Ezai 59:17

Omɔ bi bolonɔ 'da a, mɛ a bɔlɔ zu dɛa mɛ, do kpasi a hã ma ni. Nɛ tulu tɛ̃ a, mɛ a kɔ̃a zã 'da a kɛ a kɔ̃a we bili do nu gbã hã owanɔ kɛ wa dɛa 'dã mɔ do owinɔ 'da a ni.

ALA NU 3:26

Ma dia fɛ̃ na, lɛ ɔ do du sila, nɛ lɛ 'bɔ 'da NWA na, a tɛ we kpasa lɛ.

1 KORINTƐ 13:13

Nɛ nde mɛnɔ talɛ gɛ ma 'bana sɛ fai. Mɛ a kɔ̃a we dɛ 'da Gale, do gbini zã wi do mbuli 'da a, do kɔ̃ ngba wi. Nɛ nde kɔ̃ ngba wi ma nɛa ngɔ tala mɛnɔ ni vɛ.

2 KORINTƐ 6:7

Lɛ be gbãlã we 'da Gale hã winɔ, nɛ Gale hã ngawi 'da a hã lɛ. Lɛ ba bɔlɔ zu dɛa mɔ dɛ kɔ̃ lɛ ɔ nɛ mɔ bolo ni, we bi do Owi sɛnɛ lɛ, do we amba do ngɔ kili tɛ lɛ.

GALATI 5:5

Nɛ nde kɛ 'da lɛ, lɛ gbini zã lɛ do Gale. A dɛ sɛ na, lɛ hɔ Owi bɔlɔ zu li a do ngawi 'da Hi Wi Santo, we kɛ lɛ kɔ̃a zu li Kristo ni.

EFƐZƐ 6:11

Nɛ dɛ́ ɔ nɛ osoda ni, nɛ kálá mɔ bi bolonɔ kɛ Gale hã ma hã nɛ ni dɛ kɔ̃ nɛ, sɛ nɛ nɛ we sɛ we bɛ̃ gɛnɛ 'dã hã 'da Satana de.

EFƐZƐ 6:23

E kɔ Baa lɛ Gale, do Nwa 'da lɛ Yezu Kristo, wa hã gɛ̃a sila do kɔ̃ ngba wi, do kɔ̃a we hã onya lɛ wi kɔ̃a wenɔ vɛ.

1 TƐSALONIKƐ 5:5

We kɛ nɛ vɛ, nɛ a owi kɔ sa fala do gba wese. Lɛ a owi kɔ gba tũ, tabi kɔ tũ fala gɔ.

2 TƐSALONIKƐ 2:16

E kɔ Nwa 'da lɛ Yezu Kristo do tɛ̃ a, do Baa lɛ Gale kɛ a kɔ̃a zi gɛnɛ lɛ ni, wa kpãlã sila nɛ, nɛ wa hã ngawi hã nɛ we dɛ mɛnɔ do tɔ̃ wenɔ kɛ ma a dia ni. Gale bia dia zã hã lɛ, nɛ a dɛa na, lɛ ɔ do kpã sila kɛ ma é sɛ gɔ ni, nɛ lɛ gbini zã lɛ do a fai.

OHEBRE 6:19

Nɛ mbuli kɛ lɛ gbini zã lɛ do ma ni, ma nganda sila lɛ na, da dɛ kɔ linggamɔ zu lɛ yɛ́kɛ́ gɔ. Nɛ ma ba wala hã lɛ na, lɛ le gbaa 'do gã tuli kɛ ma kɛa sanga kɔ tɔa Tɛmpɛloe li nza i ni, nɛ lɛ hɔ tɛ fala kɛ ma santo wena ni.

1 PETRO 1:13

We duzu ma, nɛ 'dáfá linggamɛnɔ 'da nɛ we dɛ to hã Gale. Nɛ ɔ́ do sɔ̃a li, nɛ nɛ é sila nɛ ngɔ dia mɛ kɛ nɛ kpa sɛ do ngba soe kɛ Yezu a tɛ sɛ nɛ ni.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.