1 TƐSALONIKƐ 5:6 - WE NU GALE 1995

⁶ Na mɛ ni, lɛ tɛ ɔ̀ yala nɛ́ ogele winɔ gɔ, nɛ nde lɛ dúngú do sɔ̃a li, nɛ lɛ dĩ́lĩ́ fala tɛ lɛ.

1 TƐSALONIKƐ 5:6 Iomraidhean Croise

GBA WENƆ 19:15

Mɔ sulu wena, nɛ mɔ zulu sɛ yala. Mɔ dungu iko, nɛ mɔ ɔ sɛ wɔ.

Ezai 56:10

A na: “Onwanɔ vɛ̃ kɛ wa zɔ mɔ tɛ owinɔ 'da mi ni, wa a Owi lɔa li. Wa ĩ̀ ti mɔ kpo gɔ. Wa ɔ nɛ yɔnda tolo, kɛ a ĩ̀ ti ngbu dã gɔ ni. Wa kɔ̃a ɔ yala wena, wa bɔlɔ tɛ wa, nɛ wa zulu yala iko.

YONASI 1:6

Nwa ngɔ owinɔ kɔ masua tɛa, nɛ a kpa a, nɛ a aka a na: “Aa mɔ gɛ, kɛ mɔ ɔ ni a yala ge nde? Mɔ kúlú ngɔ, kɔ mɔ aka gale 'da mɔ. Mbe gɔ, nɛ ta zu a ma gba nɛ ngɔ lɛ, nɛ lɛ fé sɛ gɔ.”

MATIE 13:25

Nɛ mbe tũ kpo, do 'da fala owinɔ wa ɔa yala vɛ̃ ni, nɛ wi sɛnɛ a nɛa, nɛ a mi tɛ mɛ 'bɔ 'dã wɔkɔsɔ dɛ sanga blenɔ ni, nɛ a si.

MATIE 24:42

“Kɔ li nɛ sɔ̃́! We kɛ nɛ ĩ̀ ti ngba soe Nwa 'da nɛ a tɛ sɛ nɛ ni gɔ.

MATIE 25:13

Nɛ Yezu tɔ̃ hã wa na: “Li nɛ sɔ̃́! We duzu kɛ nɛ ĩ̀ ti ngba soe, do sa kɛ mi nɛ hɔ sɛ do ma ni gɔ.”

MATIE 25:5

Nɛ́ kɛ wi wili ni hɔ zi dɔ̃ gɔ ni, nɛ yala ba li wa 'bu ni vɛ̃, nɛ wa ɔa nù.

MATIE 26:38

Nɛ a tɔ̃ hã wa na: “'Bako gulu zu mi ɔ nɛ kɛ ma nɛ gbɛ mi gbɛa ni. Kɔ nɛ 'báná dɛ dɛ, nɛ lɛ tɛ ɔ̀ yala gɔ.”

MARKO 13:37

We mi tɔ̃a hã nɛ gɛ, mi tɔ̃ 'bɔ ma hã owinɔ vɛ̃ na, li wa sɔ̃́!”

LUKA 12:37

Yangga wena do Owi tonɔ kɛ nwa 'da wa hɔ, nɛ a kpa wa, nɛ nde wa ɔ̃ yala gɔ ni! Mi tɔ̃ hã nɛ do gbãlã we na, a he'de sɛ tulu dɛa to, nɛ a kpo 'dɛ̃ 'dɛ tili a, nɛ a tɔ̃ hã wa na, wa dungu nù, kɔ wa nyɔngɔ mɔ. Nɛ a do tɛ̃ a, a tɛ sɛ do nyɔngɔmɛ hã wa.

LUKA 12:39

Nɛ ĩ́ na, ɔ do kɛ wele tɔa ĩ sɔ ti sa kɛ wi zũi nɛ tɛ do tũi we zũ mɛnɔ 'da a ni, nɛ nde a wé sɔ tɛ kɔ̃ na, wi zũi ni gbini nu tɔa, kɔ a lé gɔ.

LUKA 21:36

Nɛ tɛ ɔ̃ yala gɔ. Nɛ sámbálá Gale 'da falanɔ vɛ̃ na, a hã ngawi hã nɛ, takɔ nɛ we tɛ kpasa kɔ mɛnɔ vɛ̃ kɛ ma hɔ sɛ ni, nɛ nɛ we tɛ yolo dati mi Be 'da Wele.”

LUKA 22:46

Nɛ a tɔ̃ hã wa na: “Gulu kɛ nɛ ɔ yala we ge nde? Nɛ kúlú ngɔ, kɔ nɛ sambala Gale na, da dɛ kɔ sila nɛ ɔ́lɔ́ nɛ, kɔ nɛ dɛ 'dã mɔ gɔ.”

Owi Nɛ Tonɔ 20:31

Kɔ li nɛ sɔ̃́, nɛ ta zu nɛ tɛ èlè ngɔ kɛ zi 'do sabɛlɛ talɛ, mi tɛ tɔ̃ mbula hã nɛ tũ do gba wese, do mili kɔ̃a li mi ni gɔ.

1 KORINTƐ 15:34

Nɛ 'dáfá linggamɛ 'da nɛ dɛ oto nɛ, nɛ nɛ tɛ dɛ̀ 'bɔ 'dã mɔ gɔ. Mba gɔ, ombe sanga nɛ ni wa tɛ ĩ̀ ti Gale gɔ, nɛ mi tɔ̃ we gɛ we hã sape hã nɛ.

1 KORINTƐ 16:13

Li nɛ sɔ̃́, nɛ nɛ kpã́lã́ sila nɛ kɔ kɔ̃a we 'da nɛ. Nɛ dɛ́ gbãlã we dɛa mɔ, nɛ nɛ ɔ́ do ngawi.

EFƐZƐ 2:3

Lɛ vɛ, lɛ ɔ zi tɛ mɛ 'bɔ nɛ wa ni. Lɛ dɛ zi mɛ kɛ sila lɛ tombo lɛ we dɛ ma ni. Nɛ lɛ nɛ zi 'dɔkɔlɔ 'dã wɔ kɔ zã lɛ, do 'dã linggamɔ kɔ sila lɛ iko. Gulu nɛ a zã Gale nɔ̃lɔ̃ zi dɛ tɛ lɛ, ɔ nɛ kɛ ma nɔ̃lɔ̃ zi dɛ tɛ ogele winɔ ni.

EFƐZƐ 5:14

Mba gɔ, 'da fala kɛ mɔ kɛ wa usu ma usu ni be tɛ̃ ɛ nza, nɛ nde ma hɔa dɛ sa fala ia. Ma kɛ wa tɔ̃a na: “Aa mɔ, wi ɔ yala gɛ, mɔ túnú, mɔ kúlú ngɔ sanga ofionɔ, nɛ yele ngbala 'da Kristo ma yele sɛ ngɔ mɔ.”

EFƐZƐ 6:18

Nɛ nɛ sámbálá Gale na, a gala nɛ kɔ mɛnɔ vɛ̃. Nɛ sámbálá Gale 'da fala fai nɛ́ kɛ Hi Wi Santo be hã nɛ ni. Nɛ dúngú do sɔ̃a U, nɛ nɛ tɛ mbɔ̀kɔ̀ gɔ, nɛ nɛ sámbálá Gale we duzu winɔ 'da a vɛ.

FILIPƐ 4:5

Nɛ ɔ́ do dia sila dɛ 'da winɔ vɛ̃. Nwa kɔla fala hɔ nɛ ia.

KƆLƆSƐ 4:2

Nɛ tɛ là fala sambala Gale gɔ. Kɔ nɛ ma ngɔ sambala nɛ, nɛ nɛ ɔ́ do sɔ̃a li, nɛ nɛ hã iɔ̃nae hã Gale.

1 TƐSALONIKƐ 4:13

Aa onyae, lɛ kɔ̃̀ na, nɛ yɔ ti mɛ kɛ ma dɛ sɛ owinɔ kɛ wa fia ia ni gɔ, dɔ nɛ dúngú do 'bako ɔ nɛ owinɔ kɛ wa gbíní zã wa do Gale gɔ ni gɔ.

1 TƐSALONIKƐ 5:10

Mba gɔ, Yezu fia we duzu lɛ, takɔ do ngba soe a tɛ sɛ ni, gɛnɛ kɔ lɛ fe fia, tabi lɛ 'bana nza nde, nɛ lɛ ɔ do kpasi fala nɛ kpo do a.

1 TƐSALONIKƐ 5:8

Nɛ nde lɛ, kɛ lɛ kɔ sa fala ni, ma wia na lɛ dĩlĩ fala tɛ lɛ. Lɛ dúngú do kɔ̃a we dɛ 'da Gale, nɛ lɛ 'bana tɛ kɔ̃ gɛnɛ ngba lɛ, nɛ ma ɔ nɛ tulu bolo kɛ lɛ hi'da dɛ tɛ lɛ ni. Lɛ gbíní zã lɛ do kpasi kɛ Yezu a hã sɛ ma hã lɛ ni, ma ɔ nɛ ndasa bolo kɛ lɛ gu zu lɛ ni.

1 TIMOTE 2:15

Kɔ 'da fala kɛ wuko dungu do nɔa sila kɔ kɔ̃a we 'da a do kɔ̃ gɛnɛ ngba wi, nɛ kɔ sila a ma a sa li Gale, nɛ a ba tɛ a dɛ nù, nɛ a kpasa sɛ do 'da fala kɛ a ko be ni.

1 TIMOTE 2:9

Kɛ 'da owukonɔ, mi kɔ̃a na, wa he'de tulunɔ 'da wa nɛ́ kɛ ma wia ni. Ma dia fɛ na, wa 'dafa tɛ wa we dɛ tɛ nɛ, ma tɛ là li ngele gɔ. Wa tɛ 'dàfà zu wa de la li gɔ, nɛ wa tɛ hè'dè dia mɔ mbali tabi iyaka tabi tulu olo gã gole gɔ.

1 TIMOTE 3:11

Nɛ ma wia tɛ mɛ 'bɔ na, owukonɔ 'da wa, wa dĩlĩ fala tɛ wa gbali owinɔ. Wa tɛ ɔ̀ owi tɔ̃ ngalangba gɔ, wa ɔ́ owi gbisa zu, nɛ wa dɛ́ mɛnɔ vɛ̃ do wala olo nɛ.

1 TIMOTE 3:2

Ma wia na, wi zɔ mɔ tɛ eklezia ɔ wi kɛ wa wè tɛ kɔ'dɔ a tɛ mɔ kpo gɔ ni. A ɔ́ do kɛnɛ a kpo, a ɔ́ wi gbisa zu, a dĩ́lĩ́ fala tɛ a, nɛ a dɛ́ mɔ tɛ̃ a do li zuma nɛ. A dɛ́ gɛnɛ owinɔ wa tɛ 'da a ni, nɛ a ĩ́ ti be we ngboo.

2 TIMOTE 4:5

Kɔ we mɔ, mɔ ní sila mɔ kɔ mɛnɔ vɛ̃, dɔ ma kpóló linggamɛ 'da mɔ gɔ, nɛ mɔ kúnú sila mɔ kɔ ngamɛnɔ mɔ kpa ni. Mɔ bá tɛ mɔ we be Dia Sakoe, nɛ mɔ 'dáfá toe 'da mɔ na, ma ɔ dia.

TITO 2:12

Nɛ dia zã 'da Gale ni tombo lɛ na, lɛ tɛ bè we nu a gɔ, nɛ lɛ tɛ ɔ̃ 'bɔ do wɔ tɛ mɛnɔ nù gɛ gɔ. Lɛ dúngú ngɔ nù gɛ do sɔ̃a li, do bɔlɔ zu, nɛ lɛ dɛ́ mɔ kɛ ma dia tɛ Gale ni.

TITO 2:6

Mɔ té 'bɔ hã obe zagbãlãnɔ na, wa ɔ́ do gbisa zu kɔ mɛnɔ vɛ̃.

1 PETRO 1:13

We duzu ma, nɛ 'dáfá linggamɛnɔ 'da nɛ we dɛ to hã Gale. Nɛ ɔ́ do sɔ̃a li, nɛ nɛ é sila nɛ ngɔ dia mɛ kɛ nɛ kpa sɛ do ngba soe kɛ Yezu a tɛ sɛ nɛ ni.

1 PETRO 4:7

Mɛnɔ kɔlɔ fala sɔkpɔ nɛ vɛ̃ ia. We duzu ki ni, nɛ ɔ́ do gbisa zu, do sɔ̃a li, takɔ nɛ sambala Gale do dia nɛ.

1 PETRO 5:8

Li nɛ sɔ̃́, nɛ nɛ tɛ ɔ̀ yala gɔ! We duzu kɛ Satana, wi sɛnɛ nɛ, a yɛnggɛ tɛ fa wele we ba a, ɔ nɛ gbɔgbɔ kɛ a he mɔ, nɛ a yɛnggɛ tɛ fa nyɔngɔmɔ ni.

USU MƐNƆ 16:15

Nɛ zélé, Yezu tɔ̃a na: “Mi tɛ sɛ do gbanga nɛ nɛ́ wi zũ ni. Yangga do wi kɛ a 'bɔ 'da hɔa 'da mi, nɛ tulunɔ 'da a 'bana dɛ tɛ̃ a na, dɔ a lá do kũlĩ tɛ a, kɔ sape ba li a dati winɔ gɔ ni.”

USU MƐNƆ 3:2

Kɔ li nɛ sɔ̃́, nɛ nɛ dɛ́ na, tala kpasi kɛ ma 'bana kɔ nɛ ni nganda, dɔ ma fé vɛ gɔ. Mba gɔ, mi zɔa na, dɛa mɔ tɛ nɛ dè li Gale 'da mi ngboo gɔ.