1 TƐSALONIKƐ 5:4 - WE NU GALE 1995

⁴ Kɔ we duzu nɛ, onyae, nɛ a kɔ gba tũ gɔ, ngba soe ni wè tɛ mbala nɛ ɔ nɛ hɔa 'da wi zũ gɔ.

1 TƐSALONIKƐ 5:4 Iomraidhean Croise

Yeremi 42:16

nɛ bole nɛ dɛ kili ma wena ni, ma te sɛ ngɔ nɛ i mɔ. Nɛ gba wɛ kɛ ma hã linggamɛ hã nɛ wena ni, ma ndaka sɛ 'do nɛ, nɛ nɛ fe sɛ dɛ i mɔ.

OZE 10:9

NWA tɔ̃a na: “Ndo do 'da fala oyaa obe Israɛlɛ wa dɛa zi 'dã mɔ dɛ 'da mi tɛ Gibea i ni, gbaa we hɔ sɔɛ gɛ, obe zã wa wa là fala dɛ 'dã mɔ dɛ 'da mi gɔ. Ma kɛ bolo ma gbanga sɛ wa dɛ kɔ le Gibea ni ngboo.

ZAKARIA 1:6

Nɛ nde mbulanɔ 'da mi ni ma 'bana fai. Oyaa nɛ wa bɛ̃a mbulanɔ do mbisa wenɔ 'da mi kɛ mi hã zi ma hã wa do wala 'da owi gba olo nu mi kɛ wa dɛ zi to 'da mi ni. Nɛ do Sɔkpɔ nɛ, nɛ oyaa nɛ wa kpa si olo nɛ, nɛ wa kpula dɛa mɔ tɛ wa. Nɛ wa ĩ zi na mi NWA, mi hã etumbu hã wa do 'da dɛa mɔ tɛ wa, ɔ nɛ kɛ mi 'bili zi ni.”

MATIE 10:15

Mi tɔ̃ hã nɛ do gbãlã we na, do ngba soe Gale nɛ 'bili sɛ do ngbangga 'da winɔ ngɔ nù gɛ ni, nɛ owinɔ kɔ le ni wa kpa sɛ zɛlɛ tɛ nɛ ngɔ kɛ 'da Owi Sodɔmɛ do Gomɔrɛ.

LUKA 21:34

“Li nɛ sɔ̃́! Nɛ nɛ tɛ sì tɛ nyɔngɔ mɔ dɔ, do te bá dɔ̃ iko gɔ. Nɛ tɛ sì tɛ lengge mɛnɔ ngɔ nùi gɛ iko gɔ, da dɛ kɔ ngba soe hɔa 'da mi ni ma gbángá nɛ hia iko gɔ.

Owi Nɛ Tonɔ 26:18

Mi tombo mɔ, takɔ mɔ hũi li winɔ na, wa hɔ nza kɔ tũ fala, kɔ wa le kɔ sa fala. Mɔ fo sɛ winɔ kɔ ngawi 'da Satana, nɛ mɔ kã wa dɛ 'da Gale, nɛ wa kɔ̃ zu li mi Yezu. Nɛ Gale a fo sɛ ku'da 'dã mɛnɔ zu wa, nɛ a a wa sanga owinɔ 'da a.’

Mbulanɔ 19:6

Fala kɛ le usu tɛ wi sɔ kpo iko, kɔ wala nɛ nyɛlɛ sɔ wena, kɔ wi bili nu gbã fie, ndaka sɔ 'do wi gbɛ wi do nɔ̃lɔ̃ zã, nɛ a kpa sɔ a, nɛ a gbɛ a. Ki ni ma wè gɔ, we kɛ wi ni gbɛ̀ ngba a do mbana gɔ, nɛ a sɛ̀nɛ̀ 'bɔ a gɔ.

Mbulanɔ 28:15

“Nɛ nde fala kɛ nɛ zèlè nu NWA Gale 'da nɛ gɔ, kɔ nɛ dɛ̃ mbulanɔ vɛ̃ kɛ mi hã ma hã nɛ sɔɛ gɛ do li zuma nɛ gɔ, nɛ ongamɛnɔ gɛ ma hɔ sɛ hã nɛ:

Mbulanɔ 28:45

“Ngamɛnɔ ni vɛ̃ ma kpa sɛ nɛ, nɛ ma 'bana sɛ dɛ sanga nɛ gbaa na, nɛ kumu. Ma dɛ sɛ tɛ̃ ɛ na mɛ ni, we kɛ nɛ bɛ̃a we dɔnggɔ NWA Gale 'da nɛ, nɛ nɛ bɛ̃ 'bɔ we dɛ ombulanɔ 'da a, kɛ a hã ma hã nɛ ni.

KƆLƆSƐ 1:13

A fua zi lɛ ti ngawi 'da ohi wi kɔ gba tũ, nɛ a a lɛ kɔ le nwa 'da Be 'da a, kɛ a ngɔ sila a ni.

1 TƐSALONIKƐ 5:2

Mba gɔ, nɛ ngboo nɛ ĩ na, ngba soe kɛ Nwa a tɛ sɛ nɛ ni, ma gbanga sɛ lɛ ɔ nɛ wi zũ, kɛ a tɛ we zũ mɔ do tũ ni.

2 PETRO 3:10

Nɛ nde tũ kɛ Nwa nɛ tɛ sɛ nɛ ni, ma gbanga sɛ nɛ ɔ nɛ wi zũ ni. Do ngba soe ni, nɛ giti li nza ma dɔ̃lɔ̃ sɛ nganda wena, nɛ ma bisi. Nɛ omɛnɔ li nza i ni ma ngutu sɛ vɛ̃, nɛ nùi do mɛnɔ ngɔ nɛ vɛ ma 'danga sɛ.

1 YOANƐ 2:8

Gɛnɛ kɔ ní, nɛ nde mbula kɛ mi kɔma hã nɛ gɛ, mɛ a mbé mbula. Dɛa mɔ tɛ Yezu, do kɛ 'da nɛ, ma be na, mbula ni a gbãlã we. Mba gɔ, tũ fala tɛ la nɛ, nɛ ngbongbo sa fala ma ngɔ sa dɛ do tũ fala ni.

USU MƐNƆ 16:15

Nɛ zélé, Yezu tɔ̃a na: “Mi tɛ sɛ do gbanga nɛ nɛ́ wi zũ ni. Yangga do wi kɛ a 'bɔ 'da hɔa 'da mi, nɛ tulunɔ 'da a 'bana dɛ tɛ̃ a na, dɔ a lá do kũlĩ tɛ a, kɔ sape ba li a dati winɔ gɔ ni.”

USU MƐNƆ 3:3

Kɔ ta zu nɛ gbá ngɔ wenɔ kɛ wa bia zi ma hã nɛ, nɛ nɛ kɔ̃a gɛnɛ nɛ ni. Nɛ dɛ́ mbula nɛ, nɛ nɛ kífí sila nɛ. Nɛ dɛ̀ ní gɔ, nɛ mi gbanga sɛ nɛ ɔ nɛ wi zũ ni, nɛ nɛ ĩ́ sɛ ti ngba soe mi nɛ hɔ nɛ ni gɔ.