1 TƐSALONIKƐ 5:3 - WE NU GALE 1995

³ 'Da fala kɛ owele wa ma sɛ ngɔ tɔ̃ na: “Lɛ vɛ a dia iko, fo mɔ yɛkɛ lɛ bina” ni, nɛ ngamɔ ma gbanga sɛ wa nɛ́ kɛ zɛlɛ kula gbanga do wi zã ni, nɛ nde fo sɛ wala na wa yu ma bina.

1 TƐSALONIKƐ 5:3 Iomraidhean Croise

YƆBƆ 15:21

Zala wa ɔkɔlɔ wa ɔ nɛ owele wa he mɔ kɛ zã wa ni, nɛ kili ba wa. Nɛ wa dɛ kili na, ogele 'dã wele wa tɛ sɛ, nɛ wa 'danga dungu fio 'da lo.

YƆBƆ 24:23

O'dã winɔ wa lengge na mɔ dɛ́ sɛ lo gɔ, nɛ nde Gale a soko dɛa mɔ tɛ wa ni.

Zumanɔ 35:8

E kɔ ngamɔ gbanga wa, e kɔ wa wele nɛ wa te kɔ̃ɛ wa gu ni, hã wa fe.

Zumanɔ 48:6

Wa hɔa, hã wa nɛa we zɔ ma, nɛ sila wa gɔna, nɛ wa dɛa kili, nɛ wa kpolo tɛ wa do yu.

Zumanɔ 55:15

Lɛ ba zi zã zu we do mɔ do dia nɛ, nɛ lɛ sambala zi do mɔ fala nɛ kpo tɛ kɔ Tɛmpɛloe 'da Gale.

Zumanɔ 69:22

Wa a 'dã ina tɛ nyɔngɔmɔ na mi nyɔngɔ, nɛ wɔ lì ba mi, nɛ wa hã kpãlã dɔ̃ hã mi na mi nɔ.

GBA WENƆ 29:1

Wi kɛ wa kɔ'dɔ a, kɔ a kɔ̃̀ we zele nɛ gɔ, nɛ ngamɔ ma gbanga sɛ a, nɛ a hɔ sɛ nza kɔ nɛ gɔ.

Ezai 20:6

Do ngba soe ni, nɛ owinɔ kɛ wa ɔ nu gba lì ni, wa zɛ sɛ nu wa na: “Nɛ zɔ́ ngamɛ kɛ ma kpa owinɔ lɛ gbini zi zã lɛ do wa gɛ. Lɛ lengge zi na, wa bi sɛ ngɔ lɛ do nwa ngɔ nù Asiri, nɛ wa dɛ na, a tɛ bà le 'da lɛ gɔ. Kɔ ngangga ni, wi kɛ a wia sɛ 'bɔ we amba zu lɛ wi a wio nde?”

Ezai 29:5

Aa nɛ, Owi Yeruzalɛmɛ, Owi sɛnɛ nɛ wa yu sɛ, nɛ wa pɛsɛ sɛ ɔ nɛ gba kutu ni. Osodanɔ 'da wa wa yu sɛ, nɛ olo wa ma sa sɛ ɔ nɛ tũ kolo ni.

Ezai 30:13

Nɛ a Owi dɛ 'dã mɔ. 'Dã mɛnɔ 'da nɛ ma mangga sɛ nɛ, ɔ nɛ kɛ dɛlɛ tɔa mangga nɛ ni, nɛ 'da fala kpo, nɛ nɛ ala sɛ hurr.

Ezai 47:11

Kɔ nɛ ĩ́ na, ngamɔ ma kpa sɛ nɛ, nɛ nɛ wé sɛ we amba ma gɔ. Ngamɛ ni ma gbanga sɛ nɛ, nɛ ma 'danga mɛnɔ 'da nɛ fala kpo, nɛ nde nɛ ĩ̀ zi na, ma dɛ sɛ ni gɔ.

Ezai 47:9

Nɛ nde ngamɛnɔ bɔa ni ma gbanga sɛ nɛ, nɛ ma kpa sɛ nɛ 'do tũ kpo. Le 'da nɛ ma ɔ sɛ nɛ wi fio wili ni, nɛ benɔ 'da nɛ wa fe sɛ. Gɛnɛ kɔ owi dɛ sɔ̃nɔ do owi dɛ sɔ̃ mɛnɔ wa dɛ ina, nɛ nde ma ámbá sɛ zu nɛ gɔ.

Ezai 56:12

Wa tɔ̃ na: ‘Lɛ fá dɔ̃, kɔ lɛ nɔ! Lɛ nɔ̀ nga dɔɛ gɛ vɛ̃! Dɔɛ ma 'bana wena, ní a bindɛ lɛ nɔ sɛ 'bɔ wena, nɛ ma nɛ sɛ ngɔ kɛ sɔɛ gɛ ni!’ ”

Yeremi 13:21

Owinɔ kɛ nɛ lengge zi na, wa a oyali ngba nɛ ni, wa bi sɛ nɛ, nɛ wa ba le 'da nɛ, nɛ wa dungu nwa ngɔ nɛ. 'Da fala ni, nɛ nɛ tɔ̃ sɛ na ge nde? Tɛ nɛ ma zɛlɛ sɛ ɔ nɛ tɛ wuko kɛ a bi zɛlɛ kula ni.

Yeremi 14:19

Oyuda wa tɔ̃a na: “Aa NWA, mɔ bɛ̃a gɛnɛ lɛ kpaa nde? Tili lɛ, owi kɔ le Sioni ba li mɔ nde? Mɔ hã ngamɔ hã lɛ gbaa, nɛ fo 'bɔ wala kpasi do lɛ bina, gulu nɛ we ge nde? Lɛ lengge zi na, mɛnɔ ma de sɛ dɛ olo nɛ, nɛ nde mɔ na mɛ ni bina. Lɛ 'bɔ zi 'da ngba soe kɛ zɛlɛ tɛnɔ 'da lɛ ma e sɛ nɛ ni, nɛ mɛ hɔa hã lɛ, mɛ a Sɔkpɔ tala kili.

Yeremi 22:23

Aa nɛ, kɛ nɛ dungu dia dungu dɛ kɔ tɔa te sɛdrɛnɔ kɛ ma yula tɛ ngɔ nù Libanɛ gɛ, nɛ ĩ na, nɛ gafa sɛ tɛ nɛ, do 'da fala kɛ ngamɔ ma hɔ sɛ do nɛ, ɔ nɛ ngamɔ mɔ́ wuko kɛ a do zɛlɛ kula ni.

Yeremi 4:31

Mi zila hiamɔ, ɔ nɛ hiamɔ gɛlɛ wuko kɛ a do zɛlɛ kula ni. Mi zila hiamɔ, ɔ nɛ hiamɔ gɛlɛ wuko kɛ a nɛ ko kuti kula ni. Ĩ na, mɛ a wala gɛlɛ Sioni, a tata kɔ̃ a, nɛ a tɛ he mɔ do ala nu na: “Mi fia do'do, mi 'bànà gɔ, wa tɛa we gbɛ mi!”

Yeremi 6:14

Wa zɔ ngamɛ 'da owinɔ 'da mi li wa yala iko. Nɛ wa tɔ̃ na: ‘Mɛnɔ la vɛ̃ do dia nɛ!’ Ĩ na, ma lá do dia nɛ gɔ.

Yeremi 6:24

Nɛ owi Yeruzalɛmɛ wa na: “Lɛ nɛa we zele sakoe ni, nɛ gbãlã kɔ̃ lɛ gbini vɛ̃, nɛ kili ba lɛ. Nɛ lɛ tana ɔ nɛ wuko kɛ a kɔla do kula ni.”

Yeremi 8:11

Wa zɔ ngamɛ 'da owinɔ 'da mi li wa yala iko, nɛ wa tɛ tɔ̃ na: ‘Mɛnɔ la vɛ̃ do dia nɛ!’ Ĩ na, ma lá do dia nɛ gɔ.

EZEKIƐLƐ 13:10

“Owi gba olo nu mi Gale wa ɔlɔ owinɔ 'da mi na, dungu fio boe, nɛ nde fo dungu fio bina. Owinɔ 'da mi wa dɛa ngbo kɛ ma ngàndà gɔ ni, nɛ nde owi gba olo nu mi wa zɛa mbu te'de.

OZE 13:13

Nɛ ɔ nɛ yɔndɔ be, kɛ kula a to naa a, nɛ nde a kɔ̃̀ we hɔ nza gɔ ni.

NAHUMƐ 1:10

We ma bɛlɛ sɛ wa, nɛ wa ngutu sɛ ɔ nɛ kula wɔkɔsɔ, tabi ndu'bu ni.

MATIE 23:33

Aa nɛ, kɛ nɛ ɔlɔ wele ɔ nɛ gɔ̃nɔ gɛ, nɛ dɛ sɛ fala yu etumbui kɛ nɛ kpa sɛ li gba nyɛa we ni nɛ nde?

YOANƐ 16:21

Ma ɔ nɛ fala kɛ wuko kɔlɔ fala ko nɛ, nɛ nde a do 'bako, we duzu kɛ ngba soe zɛlɛ kula 'da a kɔla ni. Kɔ fala kɛ be hɔ do'do, nɛ ta zu a ele ngɔ zɛlɛ kula, we kɛ a do yangga mbé be a kua a ni.

Owi Nɛ Tonɔ 13:41

‘Nɛ, winɔ kɛ nɛ 'danga we nu Gale ni, nɛ zɔ́ mɛ na gɛ, nɛ nɛ ɔ́ngbɔ́, nɛ nɛ fó tɛ nɛ do'do! Mba gɔ, do ngba soe 'da nɛ, nɛ mi dɛ sɛ mɔ kpo. Wele tɔ̃́ sɔ lɛnggɛ mɛ ni hã nɛ, nɛ nde nɛ kɔ̃́ sɔ gɔ.’ ”

Mbulanɔ 29:19

Wi dɛ na mɛ ni, nɛ nwa élé sɛ 'dã mɔ mɔ́ a gɔ. Nɛ ga nɔ̃lɔ̃ zã 'da nwa ma bɛlɛ sɛ a ɔ nɛ we ni. Nɛ a dɛ sɛ na, fɔmbanɔ vɛ̃ kɛ ma kɔ 'buki gɛ, ma te ngɔ a. Nɛ ta zu wele gbá sɛ 'bɔ ngɔ wi ni ngɔ nù gɛ gɔ.

2 TƐSALONIKƐ 1:9

Nɛ etumbui wa kpa sɛ olo 'dã mɛ 'da wa ni, mɛ a gã ngamɔ kɛ fo ndɔti nɛ bina ni. Nwa a ndaka sɛ wa ngɔ li a do'do, nɛ wa zɔ sɛ dɔ̃lɔ̃ li 'da a gɔ.

OHEBRE 12:23

Nɛ nɛ lia kɔ gbalimɛ 'da okuti benɔ 'da Gale, kɛ a kɔma li wa kɔ 'buki 'da a li nza i ni. Nɛ kɔla do Gale, kɛ a 'bili sɛ we 'da winɔ vɛ ni, nɛ nɛ kɔlɔ 'bɔ do hi winɔ kɛ zu wa a bɔlɔ, nɛ wa wia ngboo ni.

OHEBRE 2:3

Ma ɔ ní, nɛ lɛ winɔ kɛ lɛ zila sako gã kpasi gɛ, nɛ lɛ lènggè nɛ gɔ ni, lɛ nɛ dɛ fala yu ngbangga 'da Gale nɛ nde? Nwa Yezu ngboo a tɔ̃a zi to kpasi ni dati, nɛ 'do nɛ, nɛ owinɔ kɛ wa zila ni, wa bia hã lɛ na, mɛ a gbãlã we.

2 PETRO 2:4

Nɛ zɔ́, Gale dɛ̀ zi 'bako hã anzɛnɔ kɛ wa dɛa zɛ́ 'dã mɔ ni gɔ. A da zi wa kɔ gba 'du kɔ̃, nɛ wa 'bana kɔ tũ fala ni we 'bɔ 'da ngba soe kɛ a nɛ 'bili sɛ do we 'da winɔ ni.

Owi kpe dati 8:11

Zedeoni do osodanɔ 'da a wa ba wala kɛ owinɔ li gba zɔ̃ i wa si nɛ fai ni. Fala kɛ mɔ a kɔ le Noba do Yogboha, nɛ nde wala ni ma ba do si 'biti gba wese. Wa nɛa, nɛ wa hɔ dɛ 'da owinɔ li gba zɔ̃ɛ ni do gbanga nɛ, nɛ wa bi wa.