1 TƐSALONIKƐ 5:12 - WE NU GALE 1995

¹² Onyae, lɛ aka nɛ na, nɛ dɔ́nggɔ́ owinɔ sanga nɛ, kɛ Nwa ia wa na wa kpe ti nɛ, nɛ wa bɔlɔ nɛ ni.

1 TƐSALONIKƐ 5:12 Iomraidhean Croise

LUKA 10:7

Nɛ ɔ́ dɛ kɔ tɔa kɛ wa ia hã nɛ ni, nɛ nɛ nyɔ́ngɔ́ mɛ, nɛ nɛ nɔ́ dɔ̃ɛ, kɛ wa hã ma hã nɛ ni. Mba gɔ, wi dɛa to wia tɛ kpa mɔ olo toe 'da a. Nɛ tɛ kpòlò tɔa ɔi 'da nɛ we ɔ kɔ gele nɛ gɔ.

YOANƐ 4:38

Mi tumba zi nɛ na, nɛ kala kpalɛ kɛ nɛ a nɛ mì ma gɔ ni. Ogele wele a wa zɔa zi ngamɔ mi ma, nɛ nɛ, nɛ kpa de mɔ olo toe 'da wa iko.”

Owi Nɛ Tonɔ 20:28

Nɛ dĩ́lĩ́ fala tɛ nɛ, nɛ nɛ zɔ́ mɔ tɛ gili winɔ 'da Gale, kɛ Hi Wi Santo hã wa hã nɛ ni. Ma wia na, nɛ fɔmɔ ogili wi Kristonɔ, kɛ Gale kpa wa olo li fio Be 'da a ni.

Owi Nɛ Tonɔ 20:35

Mi bia zi hã nɛ do walanɔ vɛ na, nɛ dɛ to, sɛ nɛ nɛ we sɛ we gala wi 'bakonɔ de. Nɛ lɛ lénggé wenɔ kɛ Nwa Yezu ngboo tɔ̃a zi na: ‘'Dɔlɔ mɔ hã ngba wi, ma hã yangga nɛa ngɔ kpɔ kɔ̃ wi ti mɔ mɔ́ ngba wi ni!’ ”

ROMA 16:12

Nɛ fáná 'bɔ Trifɛnɛ do Trifɔzɛ, wi dɛa tonɔ 'da Nwa, do Pɛrsidɛ, kɛ a ngɔ sila mi, nɛ a hã zi tɛ a vɛ we dɛa toe 'da Nwa ni.

ROMA 16:6

Nɛ nɛ há 'bɔ balɛ hã Mana, kɛ a hã zi tɛ a vɛ we dɛ to hã nɛ ni.

1 KORINTƐ 12:28

Gale kɛa tonɔ kpi do kpi hã owinɔ kɔ Eklezia. A a Owi nɛ tonɔ 'da Yezu Kristo dati, nɛ tɛ bɔa nɛ, wi a owi gba olo nu Gale, nɛ tɛ talɛ nɛ, wi a owi be mɛnɔ. Nɛ 'do nɛ, nɛ wi a owi dɛ gba sɔ̃ mɛnɔ, nɛ 'do wa, wi a owinɔ kɛ wa do ngawi we kpasa Owi zɛlɛ, do wanɔ wa gala Owele, do wanɔ wa dungu nwa ngɔ ngba wa, do wanɔ wa tɔ̃ gele nunɔ kpi do kpi ni.

1 KORINTƐ 15:10

Nɛ nde Gale bia dia zã 'da a hã mi, gulu nɛ a mi ɔ sɔɛ gɛ na mɛ gɛ. Nɛ dia zã Gale bia hã mi ni, ma là yala iko gɔ, we kɛ mi dɛ to wena, mi dɛa nɛa ngɔ Owi nɛ tonɔ vɛ́. Nɛ nde mi dɛ̀ ma do ngawi 'da mi wele nɛ gɔ, mi dɛa do ngawi 'da Gale, kɛ a hã ma hã mi do dia zã 'da a ni.

1 KORINTƐ 16:16

nɛ zélé nu owinɔ wa ɔ ní ni, fala nɛ kpo do owinɔ vɛ kɛ wa hã tɛ wa we dɛ toe do wa ni.

1 KORINTƐ 16:18

Nɛ wa gɛa sila mi ɔ nɛ kɛ wa gɛa zi tɛ mɛ 'bɔ do sila nɛ ni. Kɔ ma wia na, nɛ ĩ ti dɔnggɔ Owele kɛ wa ɔ na mɛ ni.

1 KORINTƐ 3:9

Mba gɔ, lɛ do Apolosi a wi dɛa to kɔ fɔɛ 'da Gale, nɛ fɔɛ 'da Gale, wi a nɛ. Nɛ nɛ ɔ 'bɔ nɛ tɔa kɛ Gale dɛ ma ni.

2 KORINTƐ 11:23

Wa a wi dɛa tonɔ 'da Kristo, nɛ nde mi nɛ wele we ɔ nɛ wi bɔ ni na, mi nɛa ngɔ wa do ki ni. Mi dɛa to nɛa ngɔ wa, mi lia bɔlɔkɔ fala dɛlɛ wena, wa zɛa mi do zufa ndala, nɛ mi hɔa fɛna fio fala dɛlɛ wena. Mi kpa ngamɛnɔ ni vɛ́ nɛa ngɔ wa.

2 KORINTƐ 5:9

Nɛ nde linggamɛ 'da lɛ kpo na, gɛnɛ kɔ lɛ hɔ nza kɔ kili tɛ wi nùi gɛ we la dɛ 'da a i, tabi lɛ 'bana dɛ kɔ nɛ nde, nɛ lɛ dɛ tati a mɛ kɛ ma hã yangga hã a ni.

2 KORINTƐ 6:1

Kɔ lɛ winɔ kɛ lɛ dɛ toe fala nɛ kpo do Gale ni, lɛ aka nɛ na, da dɛ kɔ dia zã kɛ Gale bia hã nɛ ni, ma ɔ́ yala iko gɔ.

GALATI 4:11

Kɛ nɛ dɛ ni, kili nɛ ba mi wena na, dɔ olo dɛa toe 'da mi sanga nɛ ɔ́ yala iko gɔ.

FILIPƐ 2:16

Nɛ nɛ bé Dia Sakoe kɛ ma hã kpasi ni hã wa. Kɔ nɛ dɛ ni, nɛ mi dɔnggɔ sɛ tɛ mi do nɛ, do 'da fala kɛ Kristo a tɛ sɛ nɛ ni. Mba gɔ, ki ni ma be sɛ na, olo toe mi dɛa zi, do ngamɛnɔ mi zɔa zi ni, ma ɔ̀ yala iko gɔ.

FILIPƐ 2:19

Mi gbini zã mi do Nwa Yezu na, a hã wala hã mi, hã mi tombo Timote 'da nɛ i dɔ̃ gɛ, kɔ a si do Sakonɔ 'da nɛ hã mi, hã sila mi gɛ.

KƆLƆSƐ 1:29

Kɔ mi gbɛ tɛ mi we dɛa toe ni, nɛ mi bi nganda wena do ngawi 'da Kristo kɛ ma dɛ toe kɔ mi ni.

1 TƐSALONIKƐ 2:9

Onyae, nɛ ĩ ti tɛlɛ tɛ kɛ lɛ gbɛa zi do tɛ lɛ li dɛa toe ni. 'Da fala kɛ lɛ be zi Dia Sakoe 'da Gale hã nɛ ni, lɛ dɛ zi to tũ do gba wese na, dɔ lɛ ha dĩ tole hã wele kpo sanga nɛ gɔ.

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

1 TƐSALONIKƐ 5:14

Onyae, mɛ lɛ aka nɛ we nɛ ni ma kɛ: Nɛ kɔ́'dɔ́ osulu winɔ, nɛ nɛ ngándá sila owi dɛ kilinɔ, nɛ nɛ gálá owanɔ kɛ wa do ngawi bina ni, nɛ nɛ ɔ́ do du sila dɛ 'da winɔ vɛ.

1 TIMOTE 5:1

Mɔ tɛ ò dã zu kpasa wi gɔ, nɛ nde mɔ tɔ̃̀ mbula hã a, ɔ nɛ kɛ a a baa mɔ ni. Mɔ zɔ́ obe zagbãlãnɔ ɔ nɛ obulu nya mɔ,

1 TIMOTE 5:20

Fala kɛ mbe winɔ wa dɛ 'dã mɔ nde, nɛ mɔ dãlã dɛ tɛ wa dɛ li owinɔ vɛ, sɛ nɛ ogele wanɔ wa dɛ sɛ kili de.

2 TIMOTE 2:6

Wi wia tɛ kpa nyɔngɔmɔ li fɔ dati, wi a wi wa fɔɛ, kɛ a kpa ngamɔ toe ni.

TITO 1:3

nɛ ma hɔa ngba soe kɛ a wia zi ni, nɛ a bia we nu a dɛ nza, nɛ a tumba mi na, mi tɔ̃ ma hã owinɔ. Wi a Gale, Wi kpasa lɛ hã a hã toe ni hã mi.

TITO 1:5

Mi la zi mɔ dɛ Krɛtɛ ni, takɔ mɔ dɛ tala tonɔ kɛ ma 'bana zi ni, nɛ ma e do wala olo nɛ. Nɛ mɔ á Owi zɔ mɔ tɛ eklezia kɔ le kpo do kpo, ɔ nɛ kɛ mi bia hã mɔ ni.

TITO 2:15

Kɔ mɔ té wenɔ gɛ hã winɔ 'da mɔ. Mɔ kpala sila wa, nɛ mɔ kɔ'dɔ wa do ngawi kɛ Gale hã hã mɔ ni. Nɛ mɔ tɛ kɔ na, wele zɔ mɔ li a yala iko gɔ.

OHEBRE 13:17

Nɛ zélé nu owi kpe dati nɛ, nɛ nɛ dɛ́ mbulanɔ 'da wa. We kɛ wa a wi zɔ mɔ tɛ nɛ, nɛ Gale a aka sɛ wa na, wa tɔ̃ gulu dɛa tonɔ 'da wa hã ɛ. Kɔ fala kɛ nɛ zele nu wa, nɛ wa dɛ sɛ toe 'da wa do yangga. Kɔ ní gɔ, nɛ wa dɛ sɛ toe 'da wa do 'bako, nɛ ma gálá sɛ nɛ gɔ.

OHEBRE 13:7

Ta zu nɛ tɛ èlè ngɔ owinɔ wa kpia zi dati nɛ, nɛ wa bia we nu Gale hã nɛ ni gɔ. Nɛ lénggé tɛlɛ tɛ kɛ wa zi nɛ ngɔ nù gɛ, do fie wa fia zi ni, nɛ nɛ ɔ́ do kɔ̃a we dɛ 'da Gale nɛ́ kɛ 'da wa ni.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 2:12

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Pɛrgamɛ ni na: “Wi kɛ du kɔya kɛ nu nɛ bɔa dɛ nu a ni tɔ̃a na:

USU MƐNƆ 2:18

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Tiatirɛ ni na: “Mi Be 'da Gale, kɛ gbali mi nyɛ nɛ́ we, nɛ nyanga mi ndele kpala kpala nɛ́ tũ mɔ bolo, kɛ wa lɔa tɛ nɛ lɔa ni, mi tɔ̃a na:

USU MƐNƆ 2:3

Nɛ ĩ ti kunu sila nɛ wena, nɛ kpa zɛla tɛ we duzu mi, nɛ nɛ mbɔ̀kɔ̀ gɔ.

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na:

USU MƐNƆ 3:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Sardɛ ni na: “Wi kɛ a do Hi Wi 'da Gale sambo, do sɔlanɔ sambo ni tɔ̃a na: Mi ĩ ti dɛa mɔ tɛ nɛ vɔ́, nɛ mi ĩ na, owinɔ wa lengge na, nɛ do kpasi, nɛ nde nɛ fi fia.

USU MƐNƆ 3:14

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Laodise ni na: “Wi kɛ a dɛa toe 'da Gale ia vɛ, kɔ a tɔ̃ gulu we 'da Gale do gbãlã we ngboo, nɛ a 'bɔ a wi kɛ Gale dɛa zɛ́ mɛnɔ vɛ̃ do wala 'da a ni tɔ̃a na:

USU MƐNƆ 3:7

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na: