1 TƐSALONIKƐ 5:11 - WE NU GALE 1995

¹¹ We duzu ma, nɛ kpãlã sila ngba nɛ, nɛ nɛ dɛ́ nganda na, nɛ gã 'da kɔ̃a we 'da ngba nɛ, ɔ nɛ kɛ nɛ dɛ ni.

1 TƐSALONIKƐ 5:11 Iomraidhean Croise

ROMA 14:19

Kɔ we duzu ma, lɛ fá we dɛ mɔ kɛ ma fi dɛa na sanga lɛ, nɛ ma nganda kɔ̃a we 'da ongba lɛ ni.

ROMA 15:14

Onyae, kafi bina, mi ĩ na, nɛ do dia zã dɛ 'da ongba nɛ wena, nɛ nɛ ĩ ti mɛnɔ nɛ wia tɛ dɛ nɛ ni de wena, nɛ nɛ wia tɛ tɔ̃ mbula hã ongba nɛ.

ROMA 15:2

Nɛ nde wele do wele fá mɛ kɛ ma hã yangga hã ngba a, nɛ ma gala a, takɔ kɔ̃a we 'da a gã dɛ dati ni.

1 KORINTƐ 10:23

Ombe wa tɔ̃ na: “Lɛ wia tɛ dɛ mɛnɔ vɛ.” Mɛ a gbãlã we, ĩ na, mɛnɔ vɛ mɛ a mɔ gala wele gɔ. Wa tɔ̃ na: “Lɛ wia tɛ dɛ mɛnɔ vɛ̃.” Nɛ nde mɛnɔ vɛ mɛ a mɔ gã 'da kɔ̃a we 'da winɔ gɔ.

1 KORINTƐ 14:12

Na mɛ ni, nɛ, owinɔ kɛ nɛ do wɔ we kpa ngawi dɛ to kɛ Hi Wi Santo hã ma ni, nɛ fá dati we kpa kɛ ma gã 'da kɔ̃a we 'da Owi Kristonɔ ni.

1 KORINTƐ 14:29

Nɛ wanɔ wa kpa ngawi gba olo nu Gale ni, ma wia na wele bɔa tabi talɛ wa wele we, nɛ Owi Kristonɔ wa zele, nɛ wa gɔnɔ sanga nɛ, tabi ma yula 'da Gale nde.

1 KORINTƐ 14:5

Mi kɔ̃a na, nɛ vɛ nɛ kpa ngawi tɔ̃ ogele nu, nɛ nde mi kɔ̃a wena na, nɛ gba olo nu Gale. Mba gɔ, wi gba olo nu Gale nɛa ngɔ wi kɛ a tɔ̃ ogele nu ni, fo tati a wele kɛ a tɔ̃ ogele nunɔ, nɛ a be gulu nɛ, nɛ ma gã 'da kɔ̃a we 'da Owi Kristonɔ vɛ ni.

2 KORINTƐ 12:19

Yolo zi belee, nɛ tɛ lengge na, lɛ fa we 'dafa we 'da lɛ dati nɛ iko nde? Nɛ nde ma a ni gɔ. Onyae, lɛ tɔ̃ wenɔ gɛ dati Gale, ɔ nɛ kɛ Kristo kɔ̃a ni, takɔ kɔ̃a we 'da nɛ gã dɛ dati.

EFƐZƐ 4:12

A dɛa ni, takɔ a 'dafa owinɔ 'da Gale na, wa we tɛ dɛ tonɔ kpi do kpi, takɔ wa gã 'da kɔ̃a we 'da owinɔ kɔ Eklezia kɛ mɛ a kili tɛ Kristo ni.

EFƐZƐ 4:16

Kristo mba li omɔ tɛ kili tɛ wi kpi do kpi dɛ tɛ ngba ɛ kpo do dia nɛ. Kɔ fala kɛ omɔ tɛ kili tɛ wele kpo kpo dɛ to 'da ɛ do kɔ̃a zã ɔ nɛ kɛ ma wia ni, nɛ kili tɛ wi vɛ́ ma gã, nɛ ma nganda.

EFƐZƐ 4:29

Nɛ tɛ wèlè 'dã we hã ongba nɛ gɔ, nɛ nde nɛ tɔ̃́ tati a dia lɛnggɛ kɛ ma wia we gã 'da kɔ̃a we 'da ongba nɛ, nɛ ma 'dafa sila wa ni.

1 TƐSALONIKƐ 4:10

Nɛ mi zɔa na, nɛ dɛa na mɛ ni dɛ 'da onya nɛ tɛ ngɔ nù Masedɔanɛ vɛ̃. Nɛ nde onyae, lɛ dala 'bɔ nu lɛ hã nɛ na, nɛ kɔ̃ gɛnɛ ngba nɛ dɛ dati.

1 TƐSALONIKƐ 4:18

Kɔ ma wia na, nɛ ngándá sila ngba nɛ do wenɔ gɛ.

1 TIMOTE 1:4

Mɔ tɔ̃ hã wa na, wa la fala yambala gba tonɔ, do tɔlɔ gba du nu fɛlɛ kulanɔ 'da wa kɛ ma do ndɔti nɛ bina ni do'do. Mba gɔ, kinɔ ni ma fa tati a kpa we iko. Ma gálá lɛ we dɛ mɛ kɛ zã Gale kɔ̃a, nɛ lɛ ĩ we nɛ do wala kɔ̃a we 'da lɛ ni gɔ.

OHEBRE 10:25

Lɛ tɛ là fala nɛ tɛ mba li ngba winɔ 'da lɛ gɔ. Lɛ tɛ dɛ̀ nɛ́ owanɔ wa kɔ̃̀ 'bɔ we nɛ tɛ mba li ngba wi gɔɛ ni gɔ. Nɛ nde lɛ hã́ kpã sila hã ngba lɛ, we kɛ nɛ ĩ na, tũi kɛ Nwa a tɛ sɛ nɛ ni kɔla ia.

OHEBRE 3:13

Nɛ nde nɛ ngándá sila ngba nɛ tũ kpo kpo, we kɛ lɛnggɛ wa kɔma kɔ 'Buki na “Sɔɛ gɛ” ni, ma 'bana do gulu nɛ we lɛ tɛ mɛ 'bɔ. Nɛ dɛ́ ní, da dɛ kɔ 'dã mɔ ɔ́lɔ́ mbe kpo sanga nɛ, kɔ a dɛ nga zu gɔ.

2 PETRO 1:12

Gɛnɛ kɔ nɛ ĩ zi ti wenɔ ni belee, nɛ sila nɛ 'bana vɛ̃ dɛ ngɔ gbãlã wenɔ kɛ wa bia zi hã nɛ ni, nɛ nde mi kɔ̃a we gba ta zu nɛ ngɔ ma fai.

YUDA 1:20

Nɛ nde nɛ, oyali ngba mi, nɛ dɛ́ nganda na, kɔ̃a we 'da nɛ kɛ ma santo ni ma gã dɛ dati. Nɛ nɛ sámbálá Gale do ngawi 'da Hi Wi Santo.