1 TƐSALONIKƐ 5:10 - WE NU GALE 1995

¹⁰ Mba gɔ, Yezu fia we duzu lɛ, takɔ do ngba soe a tɛ sɛ ni, gɛnɛ kɔ lɛ fe fia, tabi lɛ 'bana nza nde, nɛ lɛ ɔ do kpasi fala nɛ kpo do a.

1 TƐSALONIKƐ 5:10 Iomraidhean Croise

MATIE 20:28

We duzu kɛ mi Be 'da Wele, mi tɛ̀ na Owele wa dɛ to hã mi gɔ, nɛ nde mi tɛa we dɛ to hã Owele, nɛ mi hã 'bɔ tɛ mi hã fio, takɔ mi gɔnɔ zu ogba gili wele.”

YOANƐ 10:11

“Mi a dia wi fɔmɔ bata. Dia wi fɔmɔ bata hã tɛ̃ a we batanɔ 'da a.

YOANƐ 10:15

Nɛ mi hã sɛ tɛ mi we obatanɔ 'da mi.

YOANƐ 10:17

“Baa mi kɔ̃a gɛnɛ mi, we kɛ mi 'dɔlɔ sɛ kili tɛ mi, takɔ mi kpa 'bɔ ma.

YOANƐ 15:13

Kɔ̃a zã kɛ ma nɛa ngɔ mɔ vɛ̃, mɛ a kɛ na, wele kɔ̃ gɛnɛ ngbɛ ɛ, nɛ a fe we a ni.

ROMA 8:34

Wi wia we 'bili 'dã we dɛ zu wa a a wio nde? Mba gɔ, Yezu Kristo fia, nɛ a tunu 'bɔ kɔ fio, nɛ a dungu tɛ ngɔ ngawili kɔ̃ Gale tɛ aka a we lɛ.

1 KORINTƐ 15:3

Sakoe kɛ mi zila zi ma dati, nɛ mi bia ma hã nɛ ni, ma nɛa ngɔ mɛnɔ vɛ. Sakoe ni mɛ a kɛ na, Kristo fia zi we 'dã mɛnɔ 'da lɛ, ɔ nɛ kɛ 'Buki 'da Gale tɔ̃a ni.

2 KORINTƐ 5:15

A fia we winɔ wa 'bana nza ni vɛ, takɔ kpasi 'da winɔ ni, ma tɛ ɔ̀ 'bɔ we wa wele nɛ gɔ, nɛ nde ma ɔ we wele kɛ a fia, nɛ a tunu kɔ fio we wa ni.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

1 TƐSALONIKƐ 4:13

Aa onyae, lɛ kɔ̃̀ na, nɛ yɔ ti mɛ kɛ ma dɛ sɛ owinɔ kɛ wa fia ia ni gɔ, dɔ nɛ dúngú do 'bako ɔ nɛ owinɔ kɛ wa gbíní zã wa do Gale gɔ ni gɔ.

1 TƐSALONIKƐ 4:15

Nɛ zɔ́ kpo we kɛ Nwa bia zi hã lɛ, nɛ lɛ be ma hã nɛ gɛ ma kɛ: Lɛ winɔ kɛ lɛ 'bana sɛ do tunu li lɛ do kɔ̃ tũi kɛ Nwa a tɛ sɛ nɛ ni, lɛ lá sɛ dati hã wanɔ wa fia zi ni gɔ.

1 TƐSALONIKƐ 4:17

Dɛ 'do nɛ, nɛ lɛ, kɛ lɛ 'bana do tunu li lɛ 'da fala nɛ ni, Gale a kala sɛ lɛ do wa fala nɛ kpo dɛ sanga kutunɔ, we gɔnɔ dati Nwa dɛ li ngɔ i. Na mɛ ni, nɛ lɛ sɛ do Nwa fala nɛ kpo fai.

1 TƐSALONIKƐ 5:6

Na mɛ ni, lɛ tɛ ɔ̀ yala nɛ́ ogele winɔ gɔ, nɛ nde lɛ dúngú do sɔ̃a li, nɛ lɛ dĩ́lĩ́ fala tɛ lɛ.

1 TIMOTE 2:6

A ba zi kili tɛ a we gɔnɔ zu winɔ vɛ. A dɛa ni do ngba soe kɛ Gale wia ni, we be na, Gale kɔ̃a we kpasa winɔ vɛ.

2 TIMOTE 2:11

Mɔ zɔ́ wenɔ gɛ mɛ a ngbongbo we na: “Fala kɛ lɛ fe do a, nɛ lɛ kpasa sɛ do a.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.