1 TƐSALONIKƐ 4:9 - WE NU GALE 1995

⁹ Kɔ ma wè 'bɔ na, lɛ kɔmɔ mbɛti hã nɛ ngɔ kɔ̃ ngba wi sanga nɛ Owi Kristonɔ kɔma gɔ. Mba gɔ, Gale a bia tɛlɛ tɛ kɛ nɛ wia tɛ kɔ̃ do ngba nɛ ni hã nɛ.

1 TƐSALONIKƐ 4:9 Iomraidhean Croise

Zumanɔ 133:1

Zuma 'da Davidi. Wa ga ma li wala gɛnɛ we nɛ dɛ Yeruzalɛmɛ. Ma de wena, nɛ mɛ 'bɔ a yangga wena na, owinɔ 'da Gale wa mba ngba wa do onya wa, nɛ wa zele ngba wa do dia nɛ.

Ezai 51:13

Ta zu nɛ ila ngɔ mi NWA kɛ mi dɛa zi nɛ ni nde? Mi a mi dɛa li nza, nɛ mi 'bɔ a mi dɛa nyanga nùi. Gulu kɛ nɛ tana kili fai dati Owi sɛnɛ nɛ, kɛ wa dɛ nɔ̃lɔ̃ zã dɛ tɛ nɛ, nɛ wa fa we kumu nɛ kumu ni we ge nde? Nɛ ĩ́ na, dã 'da owinɔ ni, ma dɛ́ sɛ mɔ kpo do nɛ gɔ.

Yeremi 31:33

Mbé gba tɔkɛ mi gba sɛ do Oisraɛlɛ ni, ma sɛ nɛ́: Mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa, nɛ mi sɛ a Gale 'da wa, nɛ wa sɛ a owinɔ 'da mi.

Yeremi 31:34

Wa bé sɛ 'bɔ wenɔ 'da mi hã ongba wa bia, sɛ nɛ wa ĩ ti mi NWA de gɔ. Mba gɔ, wa vɛ̃, yolo ngɔ be we hɔ ngɔ kpasa wi, wa ĩ sɛ ti mi. Mi ele sɛ 'dã mɛnɔ do yɔa ti dɛa mɛnɔ 'da wa, nɛ mi lénggé sɛ 'bɔ do ma gɔ. Mi NWA, mi tɔ̃a ni.” NWA tɔ̃a na:

Levitɛnɔ 19:8

Wele kɛ a nyɔngɔ ma, nɛ nde a faka mɔ kɛ wa ia ma hã mi ni. Nɛ a te sɛ do ngbangga, nɛ wa fo sɛ a sanga nɛ obe Israɛlɛ do'do.

MATIE 22:39

Nɛ bɔa mbula kɛ ma wia kɔ̃ do ki ni, mɛ a kɛ ma tɔ̃a na: ‘Mɔ kɔ̃́ gɛnɛ ngba mɔ ɔ nɛ kɛ mɔ kɔ̃a do gɛnɛ kili tɛ mɔ wele nɛ ni.’

YOANƐ 14:26

Nɛ 'do nɛ, nɛ Hi Wi Santo, Wi gbaka wi kɛ Baa mi a tombo sɛ a do zu li mi ni, a be sɛ mɛnɔ vɛ̃ hã nɛ, nɛ a gba sɛ 'bɔ ta zu nɛ ngɔ wenɔ kɛ mi tɔ̃a zi hã nɛ ni vɛ̃.

Owi Nɛ Tonɔ 4:32

Ngɔ gili owinɔ kɛ wa kɔ̃a zu li Yezu ni, wa zi do sila wa kpo, do linggamɔ kpo. Nɛ wa mba zi li mɛnɔ 'da wa vɛ kpo, nɛ wele kpo zɔ́ zi 'bɔ mɛnɔ 'dɛ ɛ na, mɛ a kɛ 'dɛ ɛ zu ɛ kpo gɔ.

ROMA 12:10

Nɛ kɔ̃́ gɛnɛ ngba nɛ ɔ nɛ onya wi ni, nɛ nɛ dĩ́lĩ́ fala tɛ ngba nɛ wena.

2 KORINTƐ 9:1

Nɛ nde ma wè na, mi kɔmɔ 'bɔ we hã nɛ ngɔ mbili kɛ owinɔ wa da ma, we gala do winɔ 'da Gale tɛ Yude i ni gɔ.

FILIPƐ 3:15

Ma wia na, lɛ winɔ kɛ kɔ̃a we 'da lɛ nganda ia ni, lɛ ɔ do kpo linggamɔ na mɛ ni. Kɔ fala kɛ ombe sanga nɛ, wa lengge si tɛ̃ ɛ nde, nɛ Gale a be sɛ gulu nɛ hã nɛ.

1 TƐSALONIKƐ 5:1

Onyae, lɛ wè do kɔmɔ mbɛti hã nɛ ngɔ ngba soe kɛ mɛnɔ ni ma dɛ sɛ tɛ̃ ɛ ni kɔma gɔ.

OHEBRE 10:16

“Nwa tɔ̃a na: Mbé gba tɔkɛ mi gba sɛ do Oisraɛlɛ ni, ma kɛ: Do 'do ngba soenɔ ni, nɛ mi dɛ sɛ na, mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa.”

OHEBRE 13:1

Nɛ 'báná tɛ kɔ̃ gɛnɛ ngba nɛ, ɔ nɛ kɛ ma wia do onya wi kɔ Kristo ni.

1 PETRO 3:8

Tala lɛnggɛ mi nɛ tɔ̃ hã nɛ ma kɛ: Nɛ vɛ, nɛ ɔ́ do linggamɔ kpo, nɛ nɛ ĩ 'bako hã ngba nɛ. Nɛ nɛ kɔ̃́ gɛnɛ ngba nɛ ɔ nɛ onya wi ni. Nɛ ɔ́ do de sila dɛ 'da ongba nɛ, nɛ nɛ bá 'bɔ tɛ nɛ dɛ nù.

1 PETRO 4:8

Nɛ dati mɛnɔ vɛ, ma wia na, nɛ kɔ̃ gɛnɛ ngba nɛ do sila nɛ kpo. We kɛ 'da fala nɛ kɔ̃ gɛnɛ ngba nɛ, nɛ nɛ lénggé sɛ do 'dã mɛnɔ wa dɛ ni gɔ.

2 PETRO 1:7

Nɛ nɛ mba ba tɛ nɛ hã Gale do dɛ 'bɔ dia mɔ hã ongba nɛ ɔ nɛ onya wi ni. Nɛ nɛ mba dia dɛa mɛ nɛ dɛ hã ongba nɛ ni do kɔ̃ gɛnɛ winɔ vɛ̃.

1 YOANƐ 2:10

Nɛ wi kɛ a kɔ̃ gɛnɛ nya a ni, a hɔa kɔ sa fala ia. Fo 'dã mɔ kpo kɔ sila a we tombo wele li 'dã wala bina.

1 YOANƐ 3:11

Nɛ zɔ́, mbula kɛ wa bia zi ma hã nɛ, ndo do kɛ nɛ kɔ̃a zu li Yezu ni, ma kɛ: Ma wia na, lɛ kɔ̃ gɛnɛ ongba lɛ kɔ̃a fai,

1 YOANƐ 3:23

Ombulanɔ kɛ Gale hã ma hã lɛ ni, ma kɛ: Lɛ kɔ̃́ zu li Be 'da a Yezu Kristo, nɛ lɛ kɔ̃́ gɛnɛ ngba lɛ, ɔ nɛ kɛ Yezu ba zi do nu a hã lɛ ni.

1 YOANƐ 4:21

Nɛ zɔ́ mbula kɛ Yezu hã ma hã lɛ ni, ma kɛ: Wi kɛ a kɔ̃ gɛnɛ Gale, nɛ ma wia tɛ mɛ 'bɔ na, a kɔ̃ gɛnɛ ngba a.