1 TƐSALONIKƐ 4:8 - WE NU GALE 1995

⁸ We duzu ma, wi kɛ a bɛ̃ gɛnɛ mbula gɛ, nɛ nde a bɛ̃̀ gɛnɛ wele gɔ, a bɛ̃a gɛnɛ Gale, kɛ a hã Hi Wi Santo 'da a hã nɛ ni.

1 TƐSALONIKƐ 4:8 Iomraidhean Croise

NEHEMIE 9:30

Mɔ kunu wa 'do sabɛlɛ dɔ wena, nɛ do wala 'da Hi Wi 'da mɔ, owi gba olo nu mɔ, wa sa mɔ hã wa do zu li mɔ, nɛ nde wa zèlè wa gɔ. Ma kɛ mɔ ia wa ti mɔ mbati 'da ogele winɔ. Gɛnɛ kɔ na mɛ ni, nɛ nde mɔ kùmù wa gɔ, nɛ mɔ dà kɔ̃ mɔ tɛ wa gɔ,

GBA WENƆ 1:7

Ndo nyanga kpa hã zã, mɛ a dɛ kili NWA. Oyɔndɔ winɔ wa zɔ bia wenɔ li wa yala iko, nɛ wa kɔ̃̀ we zele lɛnggɛnɔ kɛ wi hã zãnɔ wa be ni gɔ.

GBA WENƆ 23:9

Mɔ tɛ wèlè we dɛ zala yɔndɔ wi gɔ. We kɛ a ĩ́ sɛ ti dia gulu wenɔ 'da mɔ gɔ.

Ezai 49:7

NWA Gale santo 'da obe Israɛlɛ, kɛ a kpasa wa kɔ ngamɛ ni, a tɔ̃a hã wi kɛ owinɔ wa sɛnɛ a, nɛ wa zɔ a li wa yala iko, nɛ wa ia a do ngbá 'da ogã winɔ ni na: “Onwanɔ wa zɔ sɛ mɔ, nɛ wa kulu sɛ ngɔ ngɔ kpongbo nwa 'da wa, we dɔnggɔ mɔ. Kɔ ogã winɔ wa zɔ na mɛ ni, nɛ wa bili sɛ zu wa nù dati mɔ.” Wa yu sɛ kili mɔ na mɛ ni, we duzu nwa, kɛ a saka mɔ, nɛ a ia mɔ do wi dɛa toe 'da a ni. NWA Gale santo 'da obe Israɛlɛ, a dɛ sɛ mbuli kɛ a kpua hã mɔ ni.

Ezai 53:10

Nɛ nwa tɔ̃a na: “Mi a mi kɔ̃a zi na, wi dɛa toe 'da mi kpa ngamɔ, nɛ a fe olo 'dã mɛnɔ 'da ogele winɔ we si olo ku'da nɛ zu wa. Nɛ we duzu kɛ a dɛa na mɛ ni, a ɔ sɛ ngɔ nù gɛ wena, nɛ a sɛ do obe zã a boe. Mɛnɔ kɛ mi 'dafa we dɛ ma ni, a dɛ sɛ ma gbaa we hɔ ndɔti nɛ.

LUKA 10:16

Nɛ Yezu tɔ̃ 'bɔ hã owi yambala mɛnɔ 'da a na: “Wi kɛ a zele nu nɛ ni, nɛ nde a zila nu mi. Nɛ wi kɛ a bɛ̃ gɛnɛ nɛ, nɛ nde a bɛ̃a gɛnɛ mi. Nɛ wele kɛ a bɛ̃ gɛnɛ mi, nɛ nde a bɛ̃a tɛ mɛ 'bɔ gɛnɛ Wi tombo mi.”

YOANƐ 12:48

Wele kɛ a bɛ̃ gɛnɛ mi, kɔ a kɔ̃̀ gɛnɛ bia we 'da mi gɔ, nɛ nde a tia do we ia. We kɛ do ndɔti nùi, nɛ wenɔ mi bia ni ma 'bili sɛ we dɛ zu a.

Owi Nɛ Tonɔ 13:41

‘Nɛ, winɔ kɛ nɛ 'danga we nu Gale ni, nɛ zɔ́ mɛ na gɛ, nɛ nɛ ɔ́ngbɔ́, nɛ nɛ fó tɛ nɛ do'do! Mba gɔ, do ngba soe 'da nɛ, nɛ mi dɛ sɛ mɔ kpo. Wele tɔ̃́ sɔ lɛnggɛ mɛ ni hã nɛ, nɛ nde nɛ kɔ̃́ sɔ gɔ.’ ”

ROMA 5:5

Nɛ olo kɛ lɛ gbini zã lɛ do Gale ni, ma ɔ́ sɛ yala iko gɔ, we duzu kɛ Gale bia kɔ̃a zã 'da a hã lɛ do wala 'da Hi Wi Santo kɛ a hã a hã lɛ ni.

1 KORINTƐ 2:10

Ĩ na, Gale bia usu mɛ ni hã lɛ do wala 'da Hi Wi Santo. Mba gɔ, Hi Wi 'da Gale le kɔ mɛnɔ vɛ̃, nɛ a ĩ gulu nɛ, nɛ a ĩ 'bɔ ti mɛnɔ kɛ Gale usu dɛ kɔ sila ɛ ni.

1 KORINTƐ 7:40

Kɔ a bà sɔ 'bɔ mbé wili gɔ, nɛ a sɔ do yangga wena. Ki ni a linggamɛ 'da mi hã ni, nɛ mi lengge na, Hi Wi 'da Gale do mi boe.

2 KORINTƐ 1:22

A gɔnɔ dã 'da a tɛ lɛ we be na, lɛ a winɔ 'da a. Nɛ a ia Hi Wi Santo dɛ kɔ sila lɛ ɔ nɛ mbe nu dia mɛnɔ a usu we lɛ, nɛ a hã sɛ hã lɛ do 'do ni.

GALATI 4:6

Nɛ we be na, lɛ a obenɔ 'da Gale ni, nɛ Gale tumba Hi Wi 'da Be 'da a dɛ kɔ sila lɛ, nɛ Hi Wi ni he mɔ hã a na: “Aa Baa mi!”

1 PETRO 1:12

Nɛ Gale bia hã wa na, toe kɛ ɛ tumba wa we tɔ̃ ma ni, ma we duzu wa wele nɛ gɔ, nɛ nde ma we duzu nɛ, winɔ sɔɛ gɛ. Ma kɛ ngangga gɛ, winɔ kɛ wa be Dia Sakoe ni, wa tɔ̃a toe ni hã nɛ ia. Nɛ wa tɔ̃a ma do ngawi 'da Hi Wi Santo kɛ Gale tumba a yolo do li nza i ni. Nɛ anzɛnɔ wa kɔ̃a sɔ 'bɔ we ĩ ti mɛnɔ ni.

2 PETRO 1:21

Mba gɔ, wenɔ kɛ Owi gba olo nu Gale wa tɔ̃a zɛ́ ni, ma yòlò kɔ hã zã 'da wa wele nɛ gɔ. Nɛ nde Hi Wi Santo lia zi kɔ wa, nɛ wa gba olo nu Gale ngboo.

1 YOANƐ 3:24

Owinɔ kɛ wa dɛ mbulanɔ 'da Gale dɛa ni, wa a kɔ Gale, nɛ Gale tɛ mɛ 'bɔ kɔ wa boe. Nɛ lɛ ĩ na, a 'bana dɛ kɔ lɛ, we kɛ Hi Wi Santo kɛ a hã a hã lɛ ni, a a tɔ̃ ma hã lɛ.

YUDA 1:8

Kɔ nɛ zɔ́, owinɔ wa lia sanga lɛ gɛ, wa tɛ dɛ 'bɔ kpo kpo 'dã mɛnɔ ni. Wa yala zu wa, nɛ yalɛnɔ ni tombo wa we dɛ 'dã mɔ kɛ ma 'danga kili tɛ wa wele nɛ ni. Nɛ wa zɔ ngawi 'da Gale li wa yala iko, nɛ wa dã anzɛnɔ kɛ wa do dɔ̃lɔ̃ li ni.

1 SAMUƐLƐ 10:19

Wi a mi, Gale 'da nɛ, kɛ mi fua zi ongamɛnɔ, do 'bakonɔ 'da nɛ vɛ. Nɛ nde sɔɛ gɛ, nɛ bɛ̃a gɛnɛ mi, nɛ nɛ aka mi na, mi hã nwa hã nɛ. Ma a dia, kɔ nɛ mbá ngba nɛ, nu kpala nɛ do nu fɛlɛ kpo do kpo, nɛ nɛ hɔ dati mi NWA Gale.’ ”

1 SAMUƐLƐ 8:7

NWA zele sambala 'da a, nɛ a gese hã a na: “Mɔ kɔ̃ wenɔ vɛ̃ kɛ obe Israɛlɛ wa tɔ̃a hã mɔ ni. We kɛ wi wa bɛ̃a a wi a mɔ gɔ. Wi wa bɛ̃a a ni, wi a mi. Wa kɔ̃̀ na, mi ɔ 'bɔ nwa ngɔ lo gɔ.