1 TƐSALONIKƐ 4:7 - WE NU GALE 1995

⁷ Gale sà zi mɔ hã lɛ we dɛ mɔ sape gɔ, nɛ nde a sa mɔ hã lɛ na, lɛ ɔ owinɔ 'da a ngboo.

1 TƐSALONIKƐ 4:7 Iomraidhean Croise

Levitɛnɔ 11:44

Mi a NWA Gale 'da nɛ, nɛ mi a santo. Ma kɛ ma wia na, nɛ dɛ mɔ tɛ nɛ ɔ nɛ Owele kɛ wa santo ni. Nɛ te nyɔngɔ obe sa'denɔ kɛ wa yɛnggɛ do nù gɛ, kɔ nɛ hɔ wi ndi li mi gɔ.

Levitɛnɔ 19:2

a e mbulanɔ gɛ hã obe Israɛlɛ na: “Nɛ ɔ́ santo, we kɛ mi NWA Gale 'da nɛ, mi santo.

ROMA 1:7

Ma kɛ mi kɔmɔ mbɛti gɛ hã nɛ, Owi Roma. Mba gɔ, Gale kɔ̃a gɛnɛ nɛ, nɛ a sa mɔ hã nɛ na, nɛ hɔ winɔ 'da ɛ. E kɔ Baa lɛ Gale, do Nwa Yezu Kristo wa be dia zã 'da wa hã nɛ, nɛ wa hã gɛa dungu hã nɛ.

1 KORINTƐ 1:2

lɛ kɔma mbɛti gɛ hã nɛ owinɔ kɔ eklezia 'da Gale tɛ Korintɛ. Gale sa mɔ hã nɛ, nɛ nɛ mba li ngba nɛ do Yezu Kristo, nɛ nɛ hɔa winɔ 'da Gale, fala nɛ kpo do wanɔ wa tɛ dɔnggɔ zu li Nwa 'da lɛ Yezu Kristo tɛ falanɔ vɛ ni. Yezu Kristo a Nwa 'da wa, nɛ a tɛ mɛ 'bɔ a Nwa 'da lɛ.

GALATI 5:19

Lɛ ĩ ti mɛnɔ kɛ wɔ kɔ kili tɛ wele tombo a we dɛ nɛ ni. Mɛnɔ ni, ma kɛ: yɛnggɛ vĩ zu yali, dɛ mɔ ndi li Gale, dɛ mɔ sape,

EFƐZƐ 1:4

Mba gɔ, dati kɛ na Gale dɛ nùi ni, nɛ nde a saka zɛ́ lɛ, nɛ a mba lɛ kpo do Kristo, takɔ lɛ ɔ santo li a, nɛ mɔ kɔ'dɔ wi tɛ ɔ̀ kɔ lɛ gɔ.

EFƐZƐ 2:10

Gbãlã we, lɛ a mɔ do kɔ̃ Gale. A dɛa lɛ, nɛ a mba li lɛ kpo do Yezu Kristo, takɔ lɛ dɛ dia mɛnɔ kɛ a 'dafa zi dati belee na, lɛ dɛ ma ni.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 4:19

Sape bá 'bɔ li wa gɔ, nɛ wa hã tɛ wa we dɛ 'dã mɛnɔ kpi do kpi, do yɛnggɛ vĩ zu yali.

1 TƐSALONIKƐ 2:3

Mba gɔ, lɛ bè zi wenɔ hã nɛ do bɛlɛ, tabi do gele linggamɔ gɔ. Nɛ lɛ fà zi 'bɔ we ɔlɔ wele gɔ.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

OHEBRE 12:14

Nɛ dɛ́ nganda we dɛ na do owinɔ vɛ̃, nɛ nɛ 'dáfá dungi 'da nɛ ɔ nɛ kɛ ma wia do winɔ 'da Gale ni. Mba gɔ, wi kɛ a dɛ̀ ni gɔ, nɛ nde a wé sɛ tɛ zɔ Nwa gɔ.

2 PETRO 2:10

Nɛ nde dati ngboo, a hã sɛ gã etumbu hã owinɔ kɛ wa dɛ 'dã mɔ kɛ wɔ zã wa kɔ̃a, nɛ wa bɛ na, Gale a Nwa ngɔ lo gɔ ni. Owi be we bɛlɛnɔ kɛ mi tɔ̃a sɔ we 'da wa hã nɛ ni, wa do kili bina, nɛ zu wa nganda wena. Nɛ wa dɛ́ 'bɔ kili dã Owi dɔ̃lɔ̃ linɔ li nza i ni gɔ.