1 TƐSALONIKƐ 4:6 - WE NU GALE 1995

⁶ Kɔ ba ngba wi ni, ma wè na wele ɔlɔ ngba ɛ, nɛ a dɛ a 'danga gɔ. Lɛ tɔ̃a zi hã nɛ ia, nɛ lɛ dala nu lɛ hã nɛ na, Nwa Gale a bili sɛ gbã hã winɔ kɛ wa dɛ yɔa ti mɛnɔ ɔ nɛ ki ni ni.

1 TƐSALONIKƐ 4:6 Iomraidhean Croise

Zumanɔ 140:12

E kɔ wa ndaka wi tɔ̃ tɛ winɔ kɔ le gɛ do'do. E kɔ ngamɔ te ngɔ owi dɛ ngatɛnɔ hã ma kumu wa.

Zumanɔ 94:1

Aa nwa, mɔ a Gale bili nu gbã. Mɔ bílí nu gbã olo 'dã mɛnɔ, hã winɔ wa zɔ.

Kulu Tɔa 20:15

“Mɔ tɛ zũ̀ mɔ gɔ.

Kulu Tɔa 20:17

“Mɔ tɛ è sila mɔ ngɔ mɔ mɔ́ ngba mɔ gɔ. Mɔ tɛ è sila mɔ ngɔ tɔa 'da a, kɛnɛ a, owi tonɔ 'da a, ngɔmbɔ, punda, tabi gele mɔ mɔ a kpo gɔ.”

GBA WENƆ 11:1

Gale sɛnɛ wi be gole kɛ a e mɔ nu kilo do bɛlɛ ni. Nɛ nde a kɔ̃a wele kɛ a e ma do gbãlã we ni.

GBA WENƆ 16:11

NWA Gale kɔ̃a na, kilonɔ kɛ wa we do mɔ ni, ma ɔ a dia. A wele nɛ, a wia dĩ mɛnɔ ia.

GBA WENƆ 20:14

Wi oso mɔ tɔ̃ na: “Gole mɛ gɛ ma gã wena.” Nɛ nde a oso ma, kɔ a nɛ la do'do, nɛ a dɔnggɔ tɛ̃ a na, ɛ usa do dia gole.

GBA WENƆ 20:23

Gale sɛnɛ wi be gole kɛ a e mɔ nu kilo do bɛlɛ ni wena.

GBA WENƆ 28:24

Wi kɛ a zũ baa a do naa a, nɛ a tɔ̃ na, ɛ dɛ́ 'dã mɔ gɔ ni, a 'danga ɔ nɛ wi gbɛ wi ni.

WI LENGGE WE 5:8

Nùi hã dia mɔ hã owinɔ vɛ̃. Nɛ ma dia fɛ̃ na, nwa fa na winɔ wa dɛ to fɔ.

Ezai 5:7

Aa nɛ, nɛ zélé gulu we gɛ! Fɔ vinɔ 'da nwa ngɔ mɔ nyanga nza vɛ̃, mɛ a nu kpala Oisraɛlɛ. Kpalɛnɔ kɛ ma hã zi yangga hã a wena ni, mɛ a nu kpala Oyuda. NWA ia zi sila a ngɔ wa na, wa dɛ sɛ bɔlɔ zu dɛa mɔ, nɛ nde falanɔ vɛ̃, wa dɛ tati a 'dã mɔ iko. A lingga zi na, wa dɛ sɛ mɔ do wala olo nɛ, nɛ nde kɔ lenɔ vɛ̃, wa zɛlɛ tɛ ngba wa, nɛ mɛ wele tati a hia kɔ̃a 'bako iko.

Yeremi 7:6

Nɛ lá fala fa kpasi 'da nɛ dɛ ngɔ ogɛnɛnɔ, obe gulanɔ, do owi fio wilinɔ. Nɛ lá fala gbɛ owinɔ kɛ wa dɛ̃ 'dã mɔ gɔ ni. Nɛ nɛ lá fala dɔnggɔ ogele galenɔ, da dɛ kɔ nɛ kpá ngamɔ gɔ.

Yeremi 9:4

Wele kpo kpo tɛ ɔlɔ ngba a, nɛ fo 'bɔ wi tɔ̃ gbãlã we bina. 'Bili bɛlɛ lia wa wena, nɛ 'dã mɔ ili do wa ia, wa wè 'bɔ we la fala nɛ gɔ.

EZEKIƐLƐ 22:13

“Nɛ nde aa nɛ, owi Yeruzalɛmɛ, mi lama sɛ kɔ̃ mi, nɛ mi be li nɛ, tua we kpamɛnɔ kɛ nɛ kpa do zũ, do 'dã mɔ gbɛ winɔ nɛ dɛa ni.

Levitɛnɔ 19:11

Nɛ tɛ zũ̀ mɔ mɔ́ ngba nɛ gɔ, nɛ nɛ tɛ 'bìlì bɛlɛ, tabi ɔkɔlɔ ngba nɛ gɔ.

Levitɛnɔ 19:13

Nɛ tɛ zɛ̀lɛ̀ tɛ ngba nɛ we kpa mɔ kɔ a gɔ, nɛ nɛ tɛ zu mɔ mɔ́ a gɔ. Nɛ tɛ è mbili zɛkɛ mɔ́ wi dɛa to ngɔ, sɛ nɛ nɛ hã ma hã a de gɔ.

Levitɛnɔ 25:14

Na mɛ ni, fala kɛ nɛ be gole nù hã nya nɛ be Israɛlɛ, nɛ nɛ tɛ dɛ̀ ngba nɛ 'danga gɔ.

Levitɛnɔ 25:17

Nɛ tɛ dɛ̀ mɔ kpo kɛ ma 'danga tɛ nya nɛ be Israɛlɛ ni gɔ. Mi a NWA Gale 'da nɛ, nɛ ma wia na, nɛ dɛ kili mi.

Mike 2:2

Fala kɛ nɛ zɔ tɔa, tabi fɔ, kɔ ma de tɛ nɛ, nɛ nɛ kala ma kɔ̃ Owele nɛ. Nɛ zũ 'bɔ nùi 'da owinɔ, nɛ nɛ kala odia mɛnɔ kɔ̃ wa do obenɔ 'da wa.

SOFONI 3:1

'Bako do Owi Yeruzalɛmɛ! Wa a Owi dɛ nga zu, wa kɔ̃a avoka, nɛ wa hã zɛlɛ tɛ hã onya wa.

SOFONI 3:5

Nɛ nde ĩ na, NWA Gale kɔ le Yeruzalɛmɛ boe. A kɔ̃a bɔlɔ zu dɛa mɔ, nɛ a bɛ̃ 'dã mɔ. Titole kpo kpo, nɛ a gɔnɔ wenɔ 'da owinɔ do bɔlɔ nɛ. Gɛnɛ kɔ na mɛ ni, nɛ nde o'dã winɔ wa dɛ tɛ mɛ 'dã mɔ dɛa fai, nɛ sape bá li wa gɔ.

MALAKI 3:5

NWA ngɔ mɔ nyanga nza vɛ̃ tɔ̃a na: “Mi tɛ sɛ, nɛ mi dungu dɛ sanga nɛ we gɔnɔ ngbangga 'da nɛ. Nɛ winɔ mi gɔnɔ sɛ ngbangga 'da wa dati, wi a Owi dɛ sɔ̃nɔ, do owinɔ kɛ wa ɔ do wukonɔ 'da ngba wa, do wanɔ kɛ wa ba kombo tɛ wa do bɛlɛ, do wanɔ kɛ wa 'bili nu mbili 'da owi dɛa tonɔ 'da wa, do wanɔ kɛ wa zɛlɛ tɛ wi fio wilinɔ do obe gulanɔ, do wanɔ kɛ wa dɛ 'dã mɔ do ogɛnɛnɔ, do owinɔ kɛ wa dɛ́ kili mi gɔ ni. Mi NWA ngɔ mɔ nyanga nza vɛ̃, mi tɔ̃a ní.

MARKO 10:19

Mɔ ĩ̀ ti mbulanɔ kɛ ma tɔ̃a na: ‘Mɔ tɛ gbɛ̃ wi gɔ, mɔ tɛ ɔ̃ do wili tabi wuko mɔ́ ngba mɔ gɔ, mɔ tɛ zṹ mɔ gɔ, mɔ tɛ 'bìlì bɛlɛ do zu li ngba mɔ gɔ, mɔ tɛ ɔ̀lɔ̀ ngba mɔ gɔ. Mɔ dɔ́nggɔ́ baa mɔ do naa mɔ’ ni gɔ nde?”

LUKA 12:5

Kɔ mi nɛ sa li wi kɛ nɛ wia we dɛ kili a ni hã nɛ. Nɛ dɛ́ kili Gale, kɛ a gbɛ wele ia, nɛ a 'bɔ do ngawi we da wi ni li gba nyɛa we ni. Mi tɔ̃ hã nɛ na, nɛ dɛ́ kili a!

LUKA 16:28

we kɛ mi do onya mi wi wili nɛ zu wa mɔlɔ. Kɔ a nɛ, hã a mbese wa na, dɔ wa tɛ́ 'bɔ dɛ fala zɛlɛ tɛ mi tɛ nɛ gɛ gɔ.’

ROMA 1:18

Gbãlã we, mãlã 'da Gale yolo li nza i, nɛ ma te dɛ ngɔ winɔ vɛ kɛ wa bɛ̃ Gale, nɛ wa dɛ 'dã mɛnɔ kpi do kpi, nɛ 'dã mɛnɔ ni ma vĩ zu winɔ na, wa tɛ ĩ̀ ti gbãlã we 'da Gale gɔ ni.

ROMA 12:19

Oyali ngba mi, nɛ tɛ bìlì nu gbã 'dã mɔ hã wele do tɛ nɛ gɔ. Nɛ nde nɛ é Nwa Gale hã a bili nu gbã nɛ hã wa. Mba gɔ, wa kɔma kɔ 'Buki 'da Gale na: “Wi a mi a mi nɛ bili sɛ nu gbãnɔ vɛ, nɛ wi 'bɔ a mi a mi nɛ si sɛ ku'da 'dã mɛnɔ vɛ. Nwa Gale tɔ̃a ni.”

ROMA 13:4

Mba gɔ, nwa a a wi dɛa to 'da Gale, nɛ a dɛ ma we gala mɔ na, mɔ kpa dia dungu. Kɔ fala kɛ mɔ dɛ 'dã mɔ, nɛ mɔ dɛ́ kili a. We duzu kɛ Gale hã̀ dɛa to nwa ni hã a yala iko gɔ. Gale hã toe ni hã a na, a be nɔ̃lɔ̃ zã 'da ɛ, nɛ a hã etumbu hã wi dɛ 'dã mɔ.

2 KORINTƐ 7:11

Nɛ nɛ dungu zi do 'bako ɔ nɛ kɛ zã Gale kɔ̃a ni, hã nɛ zɔ́ tɛlɛ tɛ kɛ 'bakoe ni ma 'dafa nɛ ni. Gbãlã we, nɛ kpa ngawi, nɛ nɛ dɛa nganda wena we be dia gulu we 'da nɛ. Zã nɛ nɔ̃lɔ̃ we mɛnɔ ma la zi ni, nɛ kili ba nɛ. Nɛ nɛ do wɔ we zɔ mi, nɛ nɛ ba tɛ nɛ we dɛ mɛ kɛ zã Gale kɔ̃a ni. Nɛ nɛ hã etumbu hã wi dɛ 'dã mɛ sanga nɛ ni. Mɛnɔ nɛ dɛa ni, ma be na, nɛ zi kɔ mɛnɔ ma la ni bina.

GALATI 5:21

'bã mɔ, te bá dɔ̃, dɛ nga'ba, do ogele 'dã mɛnɔ vɛ́ kɛ ma wia kɔ̃ do ma ni. Mi tɔ̃ hã nɛ, ɔ nɛ kɛ mi tɔ̃a zi 'bɔ hã nɛ ni na, owinɔ wa dɛ mɛnɔ ní ni, wa lé sɛ kɔ le nwa 'da Gale gɔ.

EFƐZƐ 4:17

Ma a mi tɔ̃ hã nɛ, nɛ mi dala nu mi do zu li Nwa na: Nɛ tɛ dɛ̀ mɔ tɛ nɛ ɔ nɛ opaganɔnɔ, kɛ wa ĩ̀ ti Gale gɔ, nɛ wa nɛ 'do yia linggamɛnɔ 'da wa iko ni gɔ.

EFƐZƐ 4:28

Wi kɛ a zi a wi zũ ni, a tɛ zu 'bɔ mɔ gɔ. Nɛ nde ma wia na, a dɛ to do kɔ̃ a, takɔ a kpasa do nɛ, nɛ a gala 'bɔ do owinɔ kɛ wa do sã ni.

EFƐZƐ 5:6

Dɔ wele ɔ́lɔ́ nɛ do lɛnggɛ bɛlɛ gɔ. Nɔ̃lɔ̃ zã 'da Gale ma te sɛ ngɔ Owi bɛ gɛnɛ a, we duzu 'dã mɛnɔ ni.

Mbulanɔ 24:7

“Fala kɛ be Israɛlɛ kpo ba nya a be Israɛlɛ kɔ a usu a, kɔ a e a do ngbá, tabi a be gole a, nɛ wa gbɛ sɛ wi dɛa mɛ ni. Nɛ dɛ na mɛ ni, nɛ nɛ fo sɛ 'dã mɔ sanga nɛ do'do.

Mbulanɔ 32:35

NWA a bili sɛ nu gbã, nɛ a hã etumbu hã wa. Ngba soe kɛ wa te sɛ ni kɔla ia. Kɔ̃ tũ ngamɛ 'da wa nyɛlɛ 'bɔ gɔ.

1 TƐSALONIKƐ 2:11

Nɛ ĩ na, lɛ dɛ zi do wele kpo kpo sanga nɛ ni, ɔ nɛ kɛ baa be dɛ do benɔ 'da a ni.

2 TƐSALONIKƐ 1:8

Nwa 'da lɛ Yezu a zĩlĩ sɛ dɛ kɔ gba nyɛa we, takɔ a bili nu gbã hã owinɔ kɛ wa kɔ̃̀ we ĩ ti Gale gɔ, nɛ wa bɛa gɛnɛ Dia Sakoe ni.

OHEBRE 13:4

E kɔ owinɔ wa ba ngba wa do wala do nɛ. Ma wia na, wi wili mba ngɔ mɔ ɔi tati nɛ do wuke 'da a ngboo, nɛ wuko mba ngɔ mɔ ɔi tati nɛ do wili a ngboo. Mba gɔ, Gale a 'bili sɛ ngbangga dɛ ngɔ owi yɛnggɛ vĩ zu yɛli, do owi ɔ do wili tabi wuko 'da ngba wa.

OHEBRE 2:6

Nɛ nde mbe wele kɔma kɔ 'Buki 'da Gale na: “Wele tɛ mɛ a ge, takɔ mɔ lengge do a ní ni? Wele wia tɛ mɛ mbe mɔ dati mɔ wia, takɔ mɔ sɔnzɔ do a nde?

ZAKE 2:6

Nɛ nde nɛ, nɛ hã́ dĩ hã Owi sãnɔ gɔ. Nɛ ĩ̀ na, owinɔ kɛ wa hã ngamɔ hã nɛ, nɛ wa da nɛ dati Owi 'bili wenɔ ni, wi a Owi kpamɛnɔ gɔ nde?

ZAKE 5:4

Nɛ zélé! Winɔ kɛ wa wa fɔnɔ 'da nɛ, nɛ nɛ bɛa we futa wa olo toe 'da wa ni, wa tɛ he mɔ do zu li nɛ. Winɔ kɛ wa 'bɛ̃lã kpalɛnɔ kɔ fɔnɔ 'da nɛ hã nɛ ni, wa zɛa nu wa, nɛ zɛa nui 'da wa hɔa zala Gale, Nwa ngɔ mɔ nyanga nza vɛ̃.