1 TƐSALONIKƐ 4:5 - WE NU GALE 1995

⁵ Nɛ a tɛ nɛ̀ 'dɔkɔlɔ 'dã wɔ kɔ sila a ɔ nɛ opaganɔ, kɛ wa ĩ̀ ti Gale gɔ ni gɔ.

1 TƐSALONIKƐ 4:5 Iomraidhean Croise

Zumanɔ 79:6

Mɔ bé nɔ̃lɔ̃ zã 'da mɔ hã ogele winɔ, kɛ wa ĩ̀ ti mɔ gɔ, nɛ wa dɔ́nggɔ́ mɔ gɔɛ ni.

Yeremi 10:25

E kɔ zã mɔ nɔ̃lɔ̃ dɛ tɛ ogele winɔ kɛ wa dɔ́nggɔ́ mɔ gɔɛ ni, do tɛ wanɔ kɛ wa bɛ̃a gɛnɛ mɔ ni. We duzu kɛ wa gbɛa lɛ owinɔ 'da mɔ, nɛ wa kumu lɛ vɛ̃, nɛ nùi 'da lɛ hɔa olo tɔa.

MATIE 6:32

Wi a owinɔ kɛ wa kɔ̃̀ Gale gɔ ni, sɛ nɛ wa fa mɛnɔ ni fai de. Nɛ nde we duzu nɛ, Baa nɛ kɛ a li nza i ni, a ĩ na, nɛ zɔla mɛnɔ ni.

LUKA 12:30

Wi a owinɔ ngɔ nù gɛ, kɛ wa kɔ̃̀ Gale gɔ ni, sɛ nɛ wa fa mɛnɔ ni fai de. Nɛ nde we duzu nɛ, Baa nɛ ĩ na, nɛ zɔla mɛnɔ ni.

Owi Nɛ Tonɔ 17:23

Mba gɔ, 'da fala mi yɛnggɛ zi kɔ le 'da nɛ gɛ, nɛ mi zɔa okpikimanɔ kɛ nɛ dɔnggɔ wa ni. Nɛ mi zɔa mbe gbagala, nɛ nde wa kɔma tɛ nɛ na: ‘Fala dɔnggɔ do gale, kɛ lɛ ĩ̀ ti a gɔ’ ni. Kɔ ɔ nɛ kɛ nɛ dɔnggɔ mɔ kɛ nɛ ĩ̀ ti ma gɔ ni,

ROMA 1:24

Ma kɛ Gale la wa na, wa nɛ 'dɔkɔlɔ 'dã wɔ kɔ kili tɛ wa, nɛ wa dɛ o'dã mɔ sape do ngba wa.

ROMA 1:26

We duzu ma, Gale la wa na, wa dɛ 'dã mɔ sape nɛ́ kɛ wɔ zã wa tombo wa ni. Nɛ wukonɔ 'da wa, wa kpula tɛlɛ tɛ ɔ do ngba wi, ɔ nɛ kɛ Gale dɛa zɛ́ ma ni do'do, nɛ wa ɔ do kpo kpo ngba wa wukonɔ.

ROMA 1:28

Kɔ ɔ nɛ kɛ wa bɛ̃a na, lo kɔ̃̀ we ĩ ti Gale gɔ ni, Gale la wa na, wa 'bana do 'dã linggamɛnɔ 'da wa, hã wa dɛ mɛnɔ kɛ wele wè tɛ dɛ ma gɔ ni.

1 KORINTƐ 1:21

Mba gɔ, hã zã 'da Gale dɛa zi na, owinɔ wa tɛ ĩ̀ ti a do hã zã 'da wa wele nɛ gɔ. Ma kɛ a kɔ̃a zi na, ɛ kpasa owinɔ kɛ wa kɔ̃ zu li Yezu ni, do wala sakoe kɛ lɛ be ma, nɛ ma ɔ li winɔ nɛ wila we bɔɛ iko ni.

1 KORINTƐ 15:34

Nɛ 'dáfá linggamɛ 'da nɛ dɛ oto nɛ, nɛ nɛ tɛ dɛ̀ 'bɔ 'dã mɔ gɔ. Mba gɔ, ombe sanga nɛ ni wa tɛ ĩ̀ ti Gale gɔ, nɛ mi tɔ̃ we gɛ we hã sape hã nɛ.

GALATI 4:8

Zi dati, nɛ ĩ̀ zi ti Gale gɔ, nɛ nɛ zi a ngbá 'da ogalenɔ kɛ wa a ngbongbo Gale gɔ ni.

EFƐZƐ 2:12

Nɛ ĩ̀ zi ti Kristo gɔ, nɛ nɛ zi sanga winɔ kɛ Gale saka wa ni bina. Nɛ zi kɔ gba tɔkɛ kɛ Gale gba ma do owinɔ 'da a olo mbuli kɛ a kpua zi ma ni bina. Nɛ dungu zi ngɔ nù gɛ, nɛ nde fo zi de mɔ kɛ nɛ wia tɛ gbini zã nɛ do ma ni bina, nɛ nɛ ĩ̀ zi ti Gale gɔ.

KƆLƆSƐ 3:5

We duzu ma, nɛ bɛ̃́ gɛnɛ wɔ mɔ li nùi kɛ ma 'bana kɔ sila nɛ ni. Nɛ lá fala yɛnggɛ vĩ zu yɛli, do dɛ mɔ sape, lengge mɔ sape, kɔ̃ gɛnɛ 'dã wɔ kɔ sila wi, do dɛ nga'ba kpamɔ, kɛ ma ɔ nɛ dɔnggɔ gele gale ni.

2 TƐSALONIKƐ 1:8

Nwa 'da lɛ Yezu a zĩlĩ sɛ dɛ kɔ gba nyɛa we, takɔ a bili nu gbã hã owinɔ kɛ wa kɔ̃̀ we ĩ ti Gale gɔ, nɛ wa bɛa gɛnɛ Dia Sakoe ni.

1 PETRO 4:3

Mba gɔ, zi dati, nɛ nɛ 'danga kɔ̃ tũnɔ 'da nɛ wena tɛ dɛ mɛnɔ kɛ opaganɔnɔ wa kɔ̃a we dɛ ma ni. Nɛ dɛa zi vĩ zu dɛa mɔ, nɛ nɛ kɔ̃a zi gɛnɛ mɔ sape do bá dɔ̃. Nɛ nɔa zi dɔ̃, nɛ nɛ nyɔngɔ mɔ do nga'ba wena, nɛ nɛ mba zi do opaganɔnɔ ni, nɛ nɛ dɔngga okpikimanɔ, kɛ ma hã sape wena ni.