1 TƐSALONIKƐ 4:3 - WE NU GALE 1995

³ Gale kɔ̃a na, nɛ ɔ́ owinɔ 'da a ngboo, nɛ nɛ yú dɛ mɔ sape.

1 TƐSALONIKƐ 4:3 Iomraidhean Croise

Zumanɔ 143:10

Mɔ a Gale 'da mi, mɔ bé mbula 'da mɔ hã mi na, mi dɛ ma. E kɔ mɔ be kɔ̃a zã 'da mɔ hã mi, nɛ mɔ kã mi do li dia wala.

Zumanɔ 40:8

Na mɛ ni, nɛ mi tɔ̃a na: “Mi kɛ̃, mi kulu ngɔ, nɛ mi nɛ dɛ 'da mɔ. Mɛ mi wia we dɛ ma ni, wa kɔma ma kɔ 'buku mbula 'da mɔ.

Levitɛnɔ 15:18

“Fala kɛ wi wili do wuko wa ɔ do ngba wa, nɛ ma wia na, wa fɔlɔ tɛ wa bɔa nɛ. Nɛ nde wa 'bana sɛ owi ndi li Gale gbaa we hɔ gɛ̃a wese.

MATIE 12:50

Bulu nya mi, tabi boko nya mi, tabi naa mi, wi a wele kɛ a dɛ mɛnɔ zã baa mi, kɛ a li nza i kɔ̃a ni.”

MATIE 15:19

Mba gɔ, 'dã linggamɔ yolo kɔ zã wele, sɛ nɛ ma tombo a we gbɛ wi, ɔ do kɛnɛ ngba a tabi wili mɔ́ ngba a, yɛnggɛ vĩ zu yali, zũ mɔ, 'bili bɛlɛ do zu li wele, do dã dɛla de.

MATIE 5:32

Nɛ nde kɛ 'da mi, mi tɔ̃ hã nɛ na, wi kɛ a bɛ̃ kɛnɛ a, kɔ ma ɔ̀ we kɛ wuke yɛnggɛ vĩ zu yali dɛ kɔ̃ a gɔ, nɛ nde a dɛa na, wuke ni yɛnggɛ vĩ zu yali, fala kɛ a ba mbé wili ni. Nɛ wi kɛ a ba wuko kɛ wili a bɛ̃a a ni, nɛ nde a yɛngga vĩ zu yali do wuke ni.

MATIE 7:21

“Winɔ vɛ̃ kɛ wa sa li mi na: ‘Nwa, Nwa’ ni, wa lé sɛ kɔ le nwa 'da Gale gɔ, nɛ nde wi tati a wanɔ wa dɛ mɛnɔ kɛ zã Baa mi kɛ li nza i kɔ̃a ni, wa le sɛ.

MARKO 3:35

Bulu nya mi, tabi boko nya mi, tabi naa mi, wi a wele kɛ a dɛ mɛnɔ zã Gale kɔ̃a ni.”

YOANƐ 4:34

Nɛ Yezu tɔ̃ hã wa na: “Nyɔngɔmɛ 'da mi kɛ mi tɔ̃ nɛ ni, mɛ a kɛ na mi zele nu Wi tombo mi, nɛ mi dɛ toe kɛ a hã ma hã mi ni gbaa we hɔ ndɔti nɛ.”

YOANƐ 7:17

Kɔ fala kɛ wele dɛ mɛnɔ kɛ zã Gale kɔ̃a ni, sɛ nɛ a ĩ sɛ na, wenɔ mi be gɛ, ma yula 'da Gale, tabi ma yula kɔ mi zu mi kpo ni de.

Owi Nɛ Tonɔ 15:20

Nɛ nde ma wia na, lɛ kɔmɔ mbɛti hã wa na, da dɛ kɔ wa nyɔ́ngɔ́ mulu sa'denɔ kɛ wa dɔnggɔ do kpikimanɔ ni gɔ. Nɛ wa fɔ́mɔ́ kili tɛ wa na, wa tɛ yɛ̀nggɛ̀ vĩ zu yali gɔ, nɛ wa tɛ nyɔ̀ngɔ̀ sa'de kɛ wa sa'ba gɛlɛ a sa'ba iko ni gɔ, nɛ wa tɛ nyɔ̀ngɔ̀ tɔkɔ gɔ.

Owi Nɛ Tonɔ 15:29

Nɛ tɛ nyɔ̀ngɔ̀ mulu sa'de kɛ wa dɔnggɔ do kpikimanɔ ni gɔ. Nɛ tɛ nyɔ̀ngɔ̀ tɔkɔ sa'de gɔ. Nɛ tɛ nyɔngɔ̀ sa'de kɛ wa sa'ba gɛlɛ a sa'ba iko ni gɔ. Nɛ nɛ tɛ yɛ̀nggɛ̀ vĩ zu yali gɔ. Kɔ fala kɛ nɛ bɛ gɛnɛ mɛnɔ ni vɛ, nɛ nde nɛ dɛa kɛ ma wia ni. Kɔ nɛ dúngú do dia nɛ!”

Owi Nɛ Tonɔ 20:32

“Kɔ di dɔ̃ ni, mi la nɛ dɛ tambala kɔ̃ Gale. We nu a kɛ ma be dia zã 'da a ni, ma fɔmɔ sɛ nɛ. We kɛ a wia we hã ngawi hã nɛ, nɛ a wia 'bɔ we hã dia mɛnɔ kɛ a usu we winɔ 'da a ni hã nɛ.

Owi Nɛ Tonɔ 26:18

Mi tombo mɔ, takɔ mɔ hũi li winɔ na, wa hɔ nza kɔ tũ fala, kɔ wa le kɔ sa fala. Mɔ fo sɛ winɔ kɔ ngawi 'da Satana, nɛ mɔ kã wa dɛ 'da Gale, nɛ wa kɔ̃ zu li mi Yezu. Nɛ Gale a fo sɛ ku'da 'dã mɛnɔ zu wa, nɛ a a wa sanga owinɔ 'da a.’

ROMA 1:29

Kɔ sila winɔ ni dunu do 'dã mɔ kpi do kpi: 'Dã sila, dɛ nga'ba, ɔ do mãlã, dɛ bɔnɛ, gbɛ wele, kpa we, dɛ 'dã hã, ɔlɔ wele, do tɔ̃ ngalangba.

ROMA 12:2

Nɛ tɛ bà dɛa mɔ tɛ winɔ ngɔ nùi gɛ gɔ, nɛ nde nɛ há wala hã Gale na, a kifi linggamɛnɔ 'da nɛ, kɔ nɛ hɔ ombé wele. Na mɛ ni, nɛ nɛ ĩ sɛ ti mɛnɔ kɛ zã Gale kɔ̃a ni. Mɛ a mɛnɔ kɛ ma a dia, nɛ ma dɛ yangga tɛ̃a, nɛ ma wia ngboo ni.

ROMA 6:22

Kɔ ngangga ni, nɛ hɔa nza kɔ ngbá 'da 'dã mɔ, nɛ nɛ hɔa wi dɛa tonɔ 'da Gale. Nɛ mɛ nɛ kpa do nɛ ni, mɛ a kɛ na, nɛ hã tɛ nɛ vɛ hã Gale, nɛ ma dɛa na, nɛ kpa kpasi kɛ ma é sɛ gɔ ni.

1 KORINTƐ 1:30

Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.

1 KORINTƐ 7:2

Nɛ nde we yu kili vĩ zu yali kɛ ma yɛ'ba nɛ ge nde ni, ma wia na, wi wili kpo kpo a ba wuko kpo, nɛ wuko kpo kpo a ba wili kpo.

2 KORINTƐ 12:21

Nɛ mi 'bɔ do kili na, dɔ mi nɛ hɔ 'da nɛ i, nɛ mi kpá sape li Gale gɔ. Nɛ mi he sɛ kɔ̃a we duzu ombe gili winɔ sanga nɛ ni, kɛ wa dɛa zi 'dã mɛnɔ, nɛ wa là fala nɛ gɔ, nɛ wa 'bana tɛ dɛ mɔ sape, do yɛnggɛ vĩ zu yali, do dɛ 'dã mɛnɔ vɛ́ ni.

GALATI 5:19

Lɛ ĩ ti mɛnɔ kɛ wɔ kɔ kili tɛ wele tombo a we dɛ nɛ ni. Mɛnɔ ni, ma kɛ: yɛnggɛ vĩ zu yali, dɛ mɔ ndi li Gale, dɛ mɔ sape,

EFƐZƐ 5:17

We duzu ma, nɛ tɛ ɔ̀ nɛ oyɔnda wi gɔ, nɛ nde nɛ fá we ĩ ti mɛ kɛ Nwa kɔ̃a na, nɛ dɛ ni.

EFƐZƐ 6:6

Nɛ tɛ zèlè nu wa do ngɔ li wa iko, we de li wa gɔ, nɛ nde nɛ dɛ́ toe 'da nɛ do sila nɛ vɛ́, ɔ nɛ kɛ zã Gale kɔ̃a ni, we kɛ nɛ a ngbá 'da Kristo.

KƆLƆSƐ 1:9

Gulu nɛ a yolo do ngba soe kɛ lɛ zila do lɛnggɛ 'da nɛ ni, lɛ ɔ̀mɔ̀ tɛ sambala Gale we duzu nɛ gɔ. Lɛ aka a na, Hi Wi 'da a hã hã zã hã nɛ, takɔ nɛ ĩ ti mɛnɔ vɛ̃ kɛ Gale kɔ̃a na, nɛ dɛ ma ni.

KƆLƆSƐ 3:5

We duzu ma, nɛ bɛ̃́ gɛnɛ wɔ mɔ li nùi kɛ ma 'bana kɔ sila nɛ ni. Nɛ lá fala yɛnggɛ vĩ zu yɛli, do dɛ mɔ sape, lengge mɔ sape, kɔ̃ gɛnɛ 'dã wɔ kɔ sila wi, do dɛ nga'ba kpamɔ, kɛ ma ɔ nɛ dɔnggɔ gele gale ni.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

1 TƐSALONIKƐ 4:2

Nɛ ĩ ti wenɔ kɛ lɛ bia zi ma hã nɛ do zu li Nwa Yezu ni.

1 TƐSALONIKƐ 4:4

Ma wia na, wele do wele dungu do wuko 'da a ɔ nɛ kɛ ma wia li Gale, nɛ ma wia 'bɔ li winɔ ni.

1 TƐSALONIKƐ 5:18

nɛ há iɔ̃nae hã a 'da falanɔ vɛ. Mɛ kɛ Gale kɔ̃a na nɛ, Owi Kristonɔ nɛ dɛ ma gɛ a ni.

1 TƐSALONIKƐ 5:23

E kɔ Gale, wele gɛa sila dɛ na, nɛ hɔ owinɔ 'da a ngboo, nɛ a zɔ́ mɔ tɛ hi nɛ, do sila nɛ, do kifi tɛ nɛ vɛ̃ do dia nɛ na, da dɛ kɔ nɛ kpá kɔ'dɔ wi do ngba soe kɛ Nwa 'da lɛ Yezu Kristo a tɛ sɛ nɛ ni gɔ.

2 TƐSALONIKƐ 2:13

Nɛ nde kɛ 'da lɛ, onyae, lɛ wia tɛ hã iɔ̃nae hã Gale 'da fala fai we duzu nɛ, kɛ Nwa kɔ̃a gɛnɛ nɛ ni. Mba gɔ, Gale saka zɛ́ nɛ do ndo nyanga dɛ mɛnɔ, takɔ a kpasa nɛ, nɛ a kifi nɛ do winɔ 'da a ngboo. A kpasa sɛ nɛ do ngawi 'da Hi Wi Santo, do ngawi 'da kɔ̃a we nɛ kɔ̃a do gɛnɛ gbãlã we ni.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 10:36

Ma wia na, nɛ ɔ do du sila, takɔ nɛ we tɛ dɛ mɛ kɛ zã Gale kɔ̃a ni, nɛ nɛ kpa mɛ kɛ a kpua zɛ́ mbulu nɛ hã nɛ ni.

OHEBRE 12:16

Li nɛ sɔ̃́, dɔ wele kpo sanga nɛ bá tɛ̃ a we yɛnggɛ vĩ zu yɛli gɔ, tabi a zɔ́ mɔ santo li a yala, ɔ nɛ kɛ Ezau dɛa zi ni gɔ. Ezau tɛka zi nwa kuti be kɛ ma wia sɔ na, a kpa ma olo baa a ni, nɛ a kpula ma do sani nyɔngɔmɔ kpo.

OHEBRE 13:21

E kɔ Gale, wele gɛa sila hã ngawi hã nɛ, we dɛ mɛnɔ vɛ kɛ a kɔ̃a na, nɛ dɛ ma ni. E kɔ Gale dɛ mɛ kɛ ma hã yangga hã a ni kɔ lɛ, do wala 'da Yezu Kristo. E kɔ Yezu Kristo ɔ́ do dɔ̃lɔ̃ li fai! Amɛ.

OHEBRE 13:4

E kɔ owinɔ wa ba ngba wa do wala do nɛ. Ma wia na, wi wili mba ngɔ mɔ ɔi tati nɛ do wuke 'da a ngboo, nɛ wuko mba ngɔ mɔ ɔi tati nɛ do wili a ngboo. Mba gɔ, Gale a 'bili sɛ ngbangga dɛ ngɔ owi yɛnggɛ vĩ zu yɛli, do owi ɔ do wili tabi wuko 'da ngba wa.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.

1 PETRO 4:2

Yolo do sɔɛ gɛ, do tala kɔ̃ tũnɔ kɛ nɛ 'bana ɔ ngɔ nù gɛ, ma wia na, nɛ dɛ mɔ tɛ nɛ nɛ́ kɛ Gale kɔ̃a ni, nɛ nɛ tɛ dɛ̀ 'dã mɔ nɛ́ kɛ wɔ kɔ kili tɛ nɛ tombo nɛ ni gɔ.

1 YOANƐ 2:17

Nùi gɛ ma la la, nɛ mɛnɔ vɛ̃ kɛ winɔ wa dɛ wɔ tɛ nɛ nɛ ge nde ni, ma la 'bɔ la. Nɛ nde wi kɛ a dɛ mɛ kɛ zã Gale kɔ̃a ni, a 'bana sɛ fai.

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.