Biblia Todo Logo
Bìoball air-loidhne

- Sanasan -




1 TƐSALONIKƐ 4:16 - WE NU GALE 1995

16 Do ngba soe nɛ ni, nɛ mbisa we ma wele sɛ nganda wena, nɛ wa zele sɛ giti gɛlɛ gã nwa ngɔ anzɛnɔ, do giti mɔtũlũ 'da Gale. Nɛ Nwa Yezu Kristo do tɛ̃ a ngboo, a yolo sɛ li nza i, nɛ a zĩlĩ. Nɛ owinɔ kɛ wa fia, nɛ nde wa kɔ̃a zu li a kɔ̃a ni, wa tunu sɛ kɔ fio dati.

Faic an caibideil Dèan lethbhreac




1 TƐSALONIKƐ 4:16
33 Iomraidhean Croise  

A saka nùi gɛ, nɛ a 'dɔlɔ hã lɛ, nɛ ma hɔa le 'da lɛ, nɛ lɛ dɔnggɔ tɛ lɛ we duzu ma. Lɛ, obe zã Yakɔbɔ, lɛ a owinɔ 'da a, nɛ a kɔ gɛnɛ lɛ wena.


Ma hɔa kpo soe ni, do sanga titole belee, nɛ ngɔ kala 'di kpia do gba kutu. Nɛ wa zɔa nyɛa kolo, nɛ wa zele giti ua dã kolo, do giti mɔtũlũ tɛ wele nganda wena ngɔ kala ni. Nɛ owinɔ wa tana kili tɛ fala ɔi 'da wa 'di.


Do 'da fala ni, nɛ obe Israɛlɛ vɛ̃ wa zila giti ua dã kolo, do giti mɔtũlũ tɛ wele nɛ. Nɛ wa vɛ̃ wa zɔa nyɛa li kolo, nɛ wa zɔa 'bɔ kala tɛ kutu do zɛ̃ we. Wa nɛa we zɔ ni, nɛ wa tana kili, nɛ wa yolo nyɛlɛ do kala.


Do ngba soe ni, wa dama sɛ gã mɔtũlũ, nɛ owinɔ kɛ wa pɛsɛ zi dɛ ngɔ nu Asiri do Ezipeto ni, wa si sɛ vɛ̃ dɛ kɔ le Yeruzalɛmɛ. Nɛ wa nɛ sɛ ngɔ kala kɛ ma santo we dɔnggɔ NWA.


Nɛ NWA ba nu a hã Owi bolonɔ 'da a. Ngɔ gili wi bolonɔ, kɛ wa zele nu a ni, wa dɛlɛ wena. Kɔ̃ tũi kɛ nwa nɛ gɔnɔ do ngbangga 'da winɔ ni, mɛ a gã kɔ̃ tũ, nɛ ma hã sɛ gba kili. Wi wia sɛ we kunu sila ɛ 'da fala ni a wio nde?


Nɛ ngamɛnɔ kɛ ma ɔ sɛ dati mɔ nɛ ngala kala ni, ma fo sɛ tɛ̃ ɛ. Mɔ dɛ sɛ Tɛmpɛloe dɛ olo nɛ. Kɔ mɔ nɛ sɛ we e tala dɛa toe nɛ́, nɛ owinɔ wa zɛ sɛ kaliã na: ‘Nɛ zɔ̀ dia mɔ kɛ gɛ!’ ”


NWA Gale a yolo sɛ si ba gɔtɔ, nɛ a tɛ do gba kolo, nɛ a dama mɔtũlũ tɛ la do ma. A hɔ sɛ, nɛ a yolo dɛ ngɔ owinɔ 'da a, nɛ a da sɛ kpilinɔ 'da a, nɛ ma la do ngɔ wa ɔ nɛ nyɛa li kolo ni.


Aa nɛ, owi Yeruzalɛmɛ, nɛ dɛ́ yangga, nɛ nɛ zɛ́ kaliã. Nɛ zɔ́ nwa 'da nɛ, a tɛ tɛ nɛ. A a wi bɔlɔ zu, nɛ a nɛa ngɔ owi sɛnɛ a li bolo. Nɛ nde a ba tɛ̃ a dɛ nù, nɛ a kũ ngɔ be punda.


Mi zɔ̃ 'dã mɔ mɔ́ obe zã Yakɔbɔ kpo gɔ. Fo ngamɔ ngɔ nù Israɛlɛ bina, we kɛ NWA do wa boe.


Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.


Mi tɔ̃ hã nɛ do gbãlã we na, ombe winɔ sanga nɛ gɛ wa fé sɛ do ti gɔ, wa zɔ sɛ mi Be 'da Wele tɛ tɛ we dungu nwa ngɔ winɔ ni do'do sɛ nɛ de.”


Nɛ Yezu tɔ̃ na: “'Da fala kɛ mi Be 'da Wele, mi tɛ sɛ do dɔ̃lɔ̃ li nwa 'da mi, fala nɛ kpo do oanzɛnɔ vɛ̃ ni, nɛ mi dungu sɛ ngɔ kpongbo dɔ̃lɔ̃ li 'da mi.


Nɛ Yezu gisa hã a na: “Ma hã mɔ tɔ̃a ni. Mi tɔ̃ hã mɔ na, ndo do sɔɛ gɛ, nɛ zɔ sɛ mi Be 'da Wele, nɛ nde mi dungu si ngɔ ngawili kɔ̃ Gale, kɛ a do nganda vɛ̃ ni. Nɛ nɛ zɔ sɛ mi tɛ sanga kutunɔ ngɔ gɛ.”


nɛ wa tɔ̃ hã wa na: “Aa nɛ, Owi Galile, gulu kɛ nɛ yolo tɛ soko mɔ dɛ li nza i ni we ge nde? Yezu kɛ a yula dɛ sanga nɛ gɛ, nɛ a kũ dɛ li nza i dɛ li nɛ gɛ ni, a tɛ sɛ 'bɔ kpasaa ɔ nɛ kɛ nɛ zɔa do a tɛ kũ dɛ li nza i ni.”


Nɛ ki ni ma be na, Owi kɔ̃a wenɔ vɛ kɛ wa fia ia ni, wa fia fai.


Nɛ nde ĩ na, Gale tunu zi Kristo kɔ fio gbãlã we. Kristo a kuti wi kɛ a tunu kɔ fio, nɛ ma be na, owinɔ vɛ wa fia ni, Gale a tunu sɛ wa kɔ fio.


Nɛ nde wele do wele a tunu sɛ do ngba soe 'da a. Kristo a kuti wi kɛ a tunu zi ni, nɛ dɛ 'do a, owinɔ 'da a wa tunu sɛ do ngba soe a tɛ sɛ nɛ ni.


Nɛ wa tɔ̃ 'bɔ tɛlɛ tɛ kɛ nɛ ia sila nɛ we 'bɔ 'da tɛa 'da Yezu Be 'da Gale, kɛ Gale tunu zi a sanga ofionɔ, nɛ a kpasa sɛ lɛ ti nɔ̃lɔ̃ zã 'da Gale 'da fala a nɛ 'bili do ngbangga 'da owinɔ ni.


E kɔ Baa lɛ Gale do tɛ̃ a, do Nwa 'da lɛ Yezu wa 'dafa wala hã lɛ na, lɛ hɔ 'da nɛ i.


nɛ a hã sɛ fala kpe tɛ wi hã nɛ, winɔ kɛ nɛ zɔa ngamɛnɔ ni, a hã sɛ ma hã lɛ do nɛ fala nɛ kpo. A dɛ sɛ ni 'da fala kɛ Nwa Yezu a yolo sɛ ngɔ i, nɛ a zĩlĩ fala nɛ kpo do anzɛnɔ 'da a kɛ wa do ngawi wena ni.


Onyae, di ngangga ni, mi kɔ̃a we tɔ̃ lɛnggɛ ngɔ tɛa 'da Nwa 'da lɛ Yezu Kristo, kɛ a hɔ sɛ, nɛ lɛ mba li ngba lɛ do a ni. Mi ala nu mi hã nɛ na,


Nɛ nde tũ kɛ Nwa nɛ tɛ sɛ nɛ ni, ma gbanga sɛ nɛ ɔ nɛ wi zũ ni. Do ngba soe ni, nɛ giti li nza ma dɔ̃lɔ̃ sɛ nganda wena, nɛ ma bisi. Nɛ omɛnɔ li nza i ni ma ngutu sɛ vɛ̃, nɛ nùi do mɛnɔ ngɔ nɛ vɛ ma 'danga sɛ.


Gɛnɛ kɔ Mikaɛlɛ ngboo, kɛ a a nwa ngɔ oanzɛnɔ vɛ̃ ni, nɛ nde a dã̀ zi Satana gɔ. 'Da fala kɛ Mikaɛlɛ wɛlɛ zɛ́ zu wɔlɔ Mɔizɛ do Satana ni, nɛ a bà zɛ́ tɛ̃ dɛ ngɔ gɔ, nɛ a tɔ̃ zɛ́ 'dã we hã Satana gɔ. Nɛ nde a tɔ̃a zɛ́ hã a na: “E kɔ Nwa Gale do tɛ̃ a a hã etumbu hã mɔ!”


'Da fala mi zi i mɔ ni, nɛ mbe ngba soe ɛngga kpo, nɛ ngawi 'da Hi Wi Santo lia kɔ mi, nɛ mi zele wala gɛlɛ wele do 'do mi, ma wele nganda wena ɔ nɛ giti mɔtũlũ ni


Nɛ ĩ́ na, a a sanga kutunɔ tɛ tɛ nɛ, nɛ winɔ vɛ wa zɔ sɛ a. Gɛnɛ kɔ wanɔ kɛ wa dumu zi gbãlã ngu'du a ni, wa zɔ sɛ 'bɔ a. Nɛ owinɔ ngɔ nù gɛ vɛ, wa he sɛ kɔ̃a we a. Ma ɔ sɛ na mɛ ni! Amɛ.


'Do ki ni, nɛ mi zele wala gɛlɛ wele li nza i tɛ tɔ̃ hã mi na: “Mɔ kɔ́mɔ́ na: Ngangga gɛ winɔ kɛ wa fia dɛ kɔ dɛa toe 'da Nwa ni, wa a owi yangga!” Nɛ Hi Wi Santo na: “Mɛ a ngbongbo we. Ngangga ni, wa wia tɛ ɔmɔ tɛ wa do nga dɛa toe wa dɛa zi ni, we duzu kɛ dia mɔ do dɛa toe 'da wa kpia dɛ 'dɔkɔlɔ wa.”


Nɛ mi nɛ ka 'bɔ mɔ, nɛ mi zɔ ziki tɛ bũlũ do ngɔ i nyɛlɛ wena, nɛ a tɛ he mɔ nganda wena na: “'Bako! 'Bako! 'Bako nɛ kpa owinɔ ngɔ nù gɛ, 'da fala tala oanzɛnɔ talɛ wa nɛ dama.”


Nɛ 'do nɛ, nɛ mi zɔa oanzɛnɔ sambo kɛ wa yolo dɛ dati Gale ni, nɛ wele nɛa, nɛ a hã mɔtũlũ kpo kpo hã wa sambo nɛ.


Lean sinn:

Sanasan


Sanasan