1 TƐSALONIKƐ 4:13 - WE NU GALE 1995

¹³ Aa onyae, lɛ kɔ̃̀ na, nɛ yɔ ti mɛ kɛ ma dɛ sɛ owinɔ kɛ wa fia ia ni gɔ, dɔ nɛ dúngú do 'bako ɔ nɛ owinɔ kɛ wa gbíní zã wa do Gale gɔ ni gɔ.

1 TƐSALONIKƐ 4:13 Iomraidhean Croise

Ndo Nyanga Dɛ Mɔ 37:35

Nɛ obenɔ 'da a vɛ̃, wa tɛa we kpãlã sila a. Nɛ a bɛ̃ na wa tɛ mbɔ̀kɔ̀ sila ɛ gɔ, nɛ a 'bɔ na: “Mi dungu sɛ gɛla be 'da mi gbaa, ndɔti nɛ a kɛ na mi fe, hã mi kpa tɛ̃ a kɔ le 'da ofionɔ i.” A tɔ́a ni, nɛ a ma ngɔ he ma.

1 Onwanɔ 1:21

Kɔ fala kɛ mɔ dɛ̃ ni gɔ, kɔ mɔ fe, nɛ wa zɛlɛ sɛ tɛ mi do be 'da mi Salɔmɔ, ɔ nɛ kɛ lɛ a Owi vũ to tɛ nwa ni.”

1 Onwanɔ 2:10

Davidi fia, nɛ wa mi a tɛ kɔ ngboe 'da a tɛ Yeruzalɛmɛ. Lì ngboe ni a: Gba Ngbo nwa 'da Davidi.

YƆBƆ 1:21

nɛ a na: “Mi hɔa zi nza kɔ zã naa mi do wila te mi, nɛ mi kpolo sɛ 'bɔ tɛ mi dɛ ti nù i do wila tɛ mi. NWA Gale a hã zi mɛnɔ ni hã mi, nɛ a kala 'bɔ ma kɔ̃ mi do'do. E kɔ mi dɔnggɔ zu li a!”

GBA WENƆ 14:32

Ngamɔ ma kpa 'dã wi, nɛ zu a vĩ do'do. Nɛ nde wi bɔlɔ zu fe do gɛ̃ sila.

EZEKIƐLƐ 37:11

Nɛ NWA tɔ̃ 'bɔ hã mi na: “Be 'da wele, mɔ zélé! Obe Israɛlɛ wa ɔ nɛ gbãlãnɔ gɛ. Mba gɔ, wa tɔ̃ na, lo ɔ nɛ kula gbãlã ni. Fo 'bɔ wala kpasi we lo bina, ma ia do lo ia.

DANIƐLƐ 12:2

Odɛlɛ winɔ kɛ wa fia zi ia ni, wa tunu sɛ 'bɔ. Ombe wa kpa sɛ kpasi kɛ ma é sɛ gɔ ni, nɛ ombe wa kpa sape do zɛlɛ tɛ kɛ ma é sɛ gɔ ni.

Levitɛnɔ 21:2

Nɛ nde fala kɛ ma ɔ do wi nu fɛlɛ a ngboo, ɔ nɛ naa a, tabi be 'da a, tabi nya a, nɛ a wia we 'be tɛ wɔlɔ a.

MATIE 27:52

Nɛ nu ozununɔ ma hũi, nɛ gba gili winɔ 'da Gale kɛ wa fia zɛ́ ni, wa tunu kɔ fio,

YOANƐ 11:24

Nɛ Marta gese na: “Mi ĩ na, a za'da sɛ nza do ngba soe ofionɔ wa za'da sɛ nɛ do ndɔti nùi ni.”

Owi Nɛ Tonɔ 13:36

Davidi dɛa zi mɔ kɛ Gale kɔ̃a ni, nɛ a fia, nɛ wa mi a fala nɛ kpo do oyaa a, nɛ a mbulu.

Owi Nɛ Tonɔ 7:60

Nɛ 'do nɛ, nɛ a gu do zugolo a gburr, nɛ a he mɔ do nga gɛlɛ na: “Nwa, mɔ tɛ è ngbangga zu wa we 'dã mɛ wa dɛa gɛ gɔ.” A nɛa we tɔ̃ ni, nɛ a e sila a nù. Nɛ Saulo kɔ̃a zi gɛnɛ kɛ wa gbɛa Etiɛnɛ ni.

ROMA 1:13

Kɔ onyae, nɛ ĩ́ na, mi yamba zi fala dɔ wena we nɛ 'da nɛ i, nɛ nde tia do sɔɛ gɛ, mi tɛ kpà wala gɔ. Mi kɔ̃a zi na, dɛa toe 'da mi ko mbe dia wala te sanga nɛ, ɔ nɛ kɛ ma dɛa tɛ ɛ tɛ mbe gele falanɔ ni.

1 KORINTƐ 10:1

Onyae, mi kɔ̃a na, ta zu nɛ tɛ èlè ngɔ mɛ kɛ ma dɛa zi oyaa lɛ, 'da fala wa nɛ zi 'do Mɔizɛ ni gɔ. Gale tumba zi gba kutu we fɔmɔ wa vɛ, nɛ wa vɛ wa kũ zi gba lì Sala Tɔ̃ do lɔa tɛ wa.

1 KORINTƐ 12:1

Onyae, mi kɔ̃a we tɔ̃ mbe we ngɔ ngawi kɛ Hi Wi Santo hã ma hã wele we dɛ do to ni, hã nɛ ĩ gulu nɛ.

1 KORINTƐ 15:6

'Do nɛ, nɛ a bia tɛ̃ a hã owinɔ 'da a, wa dɛlɛ zi nɛa ngɔ kama mɔlɔ fala nɛ kpo. Gili ombe sanga winɔ ni, wa 'bana nza, nɛ ombe wa fia.

2 KORINTƐ 1:8

Onyae, lɛ kɔ̃a we gba ta zu nɛ ngɔ ngamɛnɔ lɛ zɔa zi tɛ ngɔ nù Azi ni. Dĩ tole 'bakoe ni ma nɛa zi ngɔ lɛ, nɛ lɛ lingga zi na, lɛ fe sɛ iko.

EFƐZƐ 2:12

Nɛ ĩ̀ zi ti Kristo gɔ, nɛ nɛ zi sanga winɔ kɛ Gale saka wa ni bina. Nɛ zi kɔ gba tɔkɛ kɛ Gale gba ma do owinɔ 'da a olo mbuli kɛ a kpua zi ma ni bina. Nɛ dungu zi ngɔ nù gɛ, nɛ nde fo zi de mɔ kɛ nɛ wia tɛ gbini zã nɛ do ma ni bina, nɛ nɛ ĩ̀ zi ti Gale gɔ.

EFƐZƐ 2:3

Lɛ vɛ, lɛ ɔ zi tɛ mɛ 'bɔ nɛ wa ni. Lɛ dɛ zi mɛ kɛ sila lɛ tombo lɛ we dɛ ma ni. Nɛ lɛ nɛ zi 'dɔkɔlɔ 'dã wɔ kɔ zã lɛ, do 'dã linggamɔ kɔ sila lɛ iko. Gulu nɛ a zã Gale nɔ̃lɔ̃ zi dɛ tɛ lɛ, ɔ nɛ kɛ ma nɔ̃lɔ̃ zi dɛ tɛ ogele winɔ ni.

1 TƐSALONIKƐ 4:14

Mba gɔ, nɛ́ kɛ lɛ kɔ̃a na Yezu fia, nɛ a za'da nza kɔ fio, nɛ a do kpasi ni, lɛ kɔ̃a 'bɔ na, Gale a tunu sɛ owinɔ kɛ wa fia, nɛ nde wa kɔ̃a zu li a kɔ̃a ni kɔ fio fala nɛ kpo do Yezu.

1 TƐSALONIKƐ 4:15

Nɛ zɔ́ kpo we kɛ Nwa bia zi hã lɛ, nɛ lɛ be ma hã nɛ gɛ ma kɛ: Lɛ winɔ kɛ lɛ 'bana sɛ do tunu li lɛ do kɔ̃ tũi kɛ Nwa a tɛ sɛ nɛ ni, lɛ lá sɛ dati hã wanɔ wa fia zi ni gɔ.

1 TƐSALONIKƐ 5:10

Mba gɔ, Yezu fia we duzu lɛ, takɔ do ngba soe a tɛ sɛ ni, gɛnɛ kɔ lɛ fe fia, tabi lɛ 'bana nza nde, nɛ lɛ ɔ do kpasi fala nɛ kpo do a.

1 TƐSALONIKƐ 5:6

Na mɛ ni, lɛ tɛ ɔ̀ yala nɛ́ ogele winɔ gɔ, nɛ nde lɛ dúngú do sɔ̃a li, nɛ lɛ dĩ́lĩ́ fala tɛ lɛ.

2 PETRO 3:4

nɛ wa tɔ̃ sɛ na: “Yezu Kristo tɔ̃a zi hã nɛ na, ɛ tɛ sɛ 'bɔ, kɔ a a do nde? Mba gɔ, oyaa lɛ wa fia zɛ́ belee, nɛ nde mɔ kpo kìfì gɔ. Mɛnɔ 'bana nɛ́ kɛ Gale dɛa zɛ́ ma 'da fala a dɛa do nùi ni.”

2 PETRO 3:8

Nɛ nde nɛ, oyali ngba mi, mɛ kɛ ma wè na ta zu nɛ ele ngɔ ma gɔ ni, ma kɛ: Nwa zɔ tũ kpo ɔ nɛ sabɛlɛ koto kpo ni, nɛ a zɔ sabɛlɛ koto kpo ɔ nɛ tũ kpo ni.