1 TƐSALONIKƐ 4:1 - WE NU GALE 1995

¹ Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

1 TƐSALONIKƐ 4:1 Iomraidhean Croise

2 Sakonɔ 17:4

Nɛ nde a hã tɛ̃ a vɛ̃ we ĩ ti Gale 'da oyaa a, nɛ a gbìnì mbulanɔ 'da Gale ɔ nɛ kɛ onwa ngɔ Israɛlɛ wa dɛ ni gɔ.

YƆBƆ 17:9

E kɔ wi bɔlɔ zu 'bana tɛ dɛ mɔ bɔlɔ zu 'da a. Nɛ wi dia sila dɛ nganda we dɛ de mɔ.

Zumanɔ 92:14

Wa ɔ nɛ te kɛ wa mi ma kɛ zã tɔa Tɛmpɛloe, tɛ kɔ ngbo 'da mɔ NWA Gale, nɛ ma gã, nɛ ma 'bɔ de wena ni.

GBA WENƆ 4:18

Nɛ nde dɛa to tɛ owi bɔlɔ zunɔ, ma ɔ nɛ wese kɛ ma gba do titole, nɛ ma to dɛ dati gbaa na, ma hɔa ngɔ ni.

YOANƐ 15:2

A 'bili gbakɔ̃ te vɛ̃ kɛ ma wálá gɔ ni, nɛ a fo ogisa nwá tɛ kɛnɔ ma wala ni, takɔ tɛ nɛ sa, nɛ ma wala dɛ dati.

Owi Nɛ Tonɔ 20:27

We kɛ mi ùsù zi we do nɛ gɔ. Mi bia mɛnɔ kɛ Gale 'dafa we dɛ nɛ ni hã nɛ̃ vɛ.

ROMA 8:8

Nɛ mɛ a gbãlã we na, winɔ kɛ wa dɛ mɔ kɛ 'dã wɔ kɔ kifi tɛ wa tombo wa we nɛ ni, wa wè tɛ hã yangga hã Gale gɔ.

1 KORINTƐ 11:23

Wenɔ kɛ mi zila zi ma nu Nwa, nɛ mi bia hã nɛ ni, ma kɛ: Do tũi ni, dati na wa 'dɔlɔ Nwa Yezu, nɛ a ba zi mapa,

1 KORINTƐ 15:1

Onyae, mi kɔ̃a we gba ta zu nɛ ngɔ Dia Sakoe kɛ mi bia zi hã nɛ ni. Nɛ kɔ̃a zi gɛnɛ nɛ, nɛ nɛ 'bana tɛ kɔ̃ ma gbaa tia do sɔɛ gɛ.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

2 KORINTƐ 10:1

Mi Polo, kɛ ombe wa tɔ̃ na, fala kɛ mi a 'da nɛ i, nɛ mi ba tɛ mi dɛ nù, kɔ mi nɛ hɔ gele fala, nɛ mi dãlã do nɛ wena ni, mi nɛ tɔ̃ we gɛ hã nɛ. Mi aka nɛ do zu li Kristo, kɛ a do mbɔkɔ sila, do dia zã ni na,

2 KORINTƐ 13:11

Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.

2 KORINTƐ 5:9

Nɛ nde linggamɛ 'da lɛ kpo na, gɛnɛ kɔ lɛ hɔ nza kɔ kili tɛ wi nùi gɛ we la dɛ 'da a i, tabi lɛ 'bana dɛ kɔ nɛ nde, nɛ lɛ dɛ tati a mɛ kɛ ma hã yangga hã a ni.

2 KORINTƐ 6:1

Kɔ lɛ winɔ kɛ lɛ dɛ toe fala nɛ kpo do Gale ni, lɛ aka nɛ na, da dɛ kɔ dia zã kɛ Gale bia hã nɛ ni, ma ɔ́ yala iko gɔ.

GALATI 6:1

Onyae, 'da fala kɛ nɛ kpa mbe ngba nɛ tɛ dɛ 'dã mɔ nde, nɛ nɛ, kɛ Hi Wi 'da Gale kɔ nɛ boe ni, nɛ gala wi ni, takɔ a hɔ dɛ ngɔ bɔlɔ wala. Nɛ nɛ dɛ́ ma do gɛ̃a sila. Nɛ li nɛ sɔ̃́ tɛ kili tɛ nɛ wele nɛ, da dɛ kɔ sila nɛ ɔ́lɔ́ tɛ mɛ 'bɔ nɛ gɔ.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 4:20

Nɛ nde we 'da Kristo kɛ nɛ yambala zi ni, ma ɔ̀ ni gɔ.

EFƐZƐ 5:17

We duzu ma, nɛ tɛ ɔ̀ nɛ oyɔnda wi gɔ, nɛ nde nɛ fá we ĩ ti mɛ kɛ Nwa kɔ̃a na, nɛ dɛ ni.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

FILIPƐ 1:9

Mi sambala Gale we nɛ na, kɔ̃a zã 'da nɛ gã dɛ dati, nɛ nɛ ĩ ti gbãlã we ngboo, nɛ nɛ kpa hã zã,

FILIPƐ 3:14

Ma kɛ mi tɛ yu a nga we hɔ ndɔti yui, takɔ mi kpa de mɛ kɛ Gale sa zi mɔ hã lɛ we nɛ li nza i do wala 'da Yezu Kristo ni.

KƆLƆSƐ 1:10

Na mɛ ni, nɛ nɛ dungu sɛ nɛ́ kɛ ma wia do owinɔ 'da Gale ni, nɛ dɛa mɔ tɛ nɛ ma hã sɛ yangga hã a fai. Nɛ dɛ sɛ de mɔ kpi do kpi, nɛ nɛ ĩ sɛ ti Gale dɛ dati fai.

KƆLƆSƐ 2:6

Ɔ nɛ kɛ nɛ kɔ̃a gɛnɛ Nwa Yezu Kristo ia ni, nɛ mba do a kpo kɔ dungi 'da nɛ.

1 TƐSALONIKƐ 3:12

E kɔ Nwa gã 'da kɔ̃a zã 'da nɛ dɛ 'da ngba nɛ do 'da owinɔ vɛ dɛ dati fai, takɔ ma we kɔ̃ do kɔ̃a zã lɛ kɔ̃a do nɛ ni.

1 TƐSALONIKƐ 4:2

Nɛ ĩ ti wenɔ kɛ lɛ bia zi ma hã nɛ do zu li Nwa Yezu ni.

1 TƐSALONIKƐ 5:12

Onyae, lɛ aka nɛ na, nɛ dɔ́nggɔ́ owinɔ sanga nɛ, kɛ Nwa ia wa na wa kpe ti nɛ, nɛ wa bɔlɔ nɛ ni.

2 TƐSALONIKƐ 1:3

Onyae, ma wia na, lɛ hã iɔ̃nae hã Gale we duzu nɛ 'da fala fai. Lɛ wia tɛ dɛ na mɛ ni gbãlã we, mba gɔ, kɔ̃a we 'da nɛ dɛ 'da Gale, do kɔ̃ ngba wi 'da nɛ ma gã dɛ dati gã fai.

2 TƐSALONIKƐ 2:1

Onyae, di ngangga ni, mi kɔ̃a we tɔ̃ lɛnggɛ ngɔ tɛa 'da Nwa 'da lɛ Yezu Kristo, kɛ a hɔ sɛ, nɛ lɛ mba li ngba lɛ do a ni. Mi ala nu mi hã nɛ na,

2 TƐSALONIKƐ 3:1

Onyae, do ndɔti nɛ, mi aka nɛ na, nɛ sámbálá Gale we duzu lɛ, takɔ we 'da Nwa yɛ'bɛ dɛ dati, nɛ sako nɛ yɛ'bɛ falanɔ vɛ̃, ɔ nɛ kɛ ma yɛ'ba zi 'da nɛ i ni.

2 TƐSALONIKƐ 3:13

Kɔ we duzu nɛ, onyae, nɛ tɛ mbɔ́kɔ́ tɛ dɛ de mɔ gɔ.

1 TIMOTE 5:21

Mi ba nu mi hã mɔ do zu li Gale, do zu li Yezu Kristo, do zu li anzɛnɔ kɛ a saka wa ni na, mɔ dɛ́ mbulanɔ kɛ mi tɔ̃a hã mɔ gɛ vɛ, nɛ mɔ tɛ zɔ̀ bula li wele gɔ, nɛ nde mɔ dɛ́ mɔ hã winɔ vɛ we kɔ̃.

2 TIMOTE 4:1

We mi nɛ tɔ̃ nɛ ni, mi tɔ̃ ma hã mɔ dɛ gbali Gale do Yezu Kristo, kɛ a tɛ sɛ we 'bili we 'da owinɔ kɛ wa 'bana nza, do wanɔ wa fia ni, nɛ mi tɔ̃ ma do zu li Kristo, kɛ a tɛ sɛ ni, do zu li dɛa to nwa 'da a. We ni ma kɛ:

OHEBRE 11:6

Kɔ wi kɛ a do kɔ̃a we bina ni, a wè tɛ de li Gale gɔ. Mba gɔ, wi kɛ a kɔ̃a we kɔlɔ do Gale ni, ma wia na, a kɔ̃ na Gale boe, nɛ a kɔ̃ 'bɔ na, Gale gese de mɔ hã owinɔ kɛ wa fa a ni.

OHEBRE 13:16

Nɛ ta zu nɛ tɛ èlè ngɔ dɛ de dɛa mɔ, do gala ngba nɛ gɔ. Ki ni a dɔnggamɛ kɛ ma hã yangga hã Gale ni.

OHEBRE 13:22

Onyae, mi ala nu mi hã nɛ na, nɛ kúnú sila nɛ, nɛ nɛ zélé lɛnggɛ kɛ mi tɔ̃a hã nɛ we kpãlã sila nɛ ni. Mba gɔ, mi kɔ̀mɔ̀ mbɛti gɛ hã nɛ dulu wena gɔ.

2 PETRO 3:18

Nɛ nde nɛ yɛ́nggɛ́ do li wala 'da Nwa 'da lɛ Yezu Kristo kɛ a a Wi kpasa lɛ ni fai, takɔ a be dia zã hã nɛ, nɛ nɛ ĩ ti a dɛ dati. E kɔ a kpa dɔ̃lɔ̃ li sɔɛ gɛ, do kɔ sabɛlɛ do sabɛlɛ! Amɛ.

1 YOANƐ 3:22

Nɛ Gale a hã sɛ mɛnɔ lɛ gɔ kɔ̃ a ni vɛ̃ hã lɛ, we kɛ lɛ dɛ mbula 'da a dɛa, nɛ lɛ dɛ a mɔ kɛ ma hã yangga hã a ni.