1 TƐSALONIKƐ 3:9 - WE NU GALE 1995

⁹ Kɔ lɛ nɛ hã iɔ̃nae hã Gale we duzu nɛ tɛlɛ tɛ nɛ nɛ nde? We kɛ yangga kɛ nɛ hã ma hã lɛ dati a ni, ma nɛa ngɔ mɛnɔ vɛ̃.

1 TƐSALONIKƐ 3:9 Iomraidhean Croise

2 SAMUƐLƐ 6:21

Nɛ Davidi gese na: “Mi dɛa na mɛ ni, we be dɔ̃lɔ̃ li 'da NWA. A a a saka mi olo li baa mɔ do nu fɛlɛ a vɛ̃, we e mi do nwa ngɔ winɔ 'da a, obe Israɛlɛ. Nɛ mi yɔ sɛ yɔla ni fai we dɛ yangga dɔ̃lɔ̃ li 'da a.

2 Sakonɔ 31:8

'Da fala kɛ nwa Ezekiasi do ogã winɔ wa nɛa we zɔ mɛnɔ kɛ winɔ wa tɛa do ma ni, nɛ wa hã iɔ̃nae hã nwa do owinɔ 'da a.

NEHEMIE 9:5

Nɛ 'do nɛ, nɛ olevitɛnɔ gɛ: Yesua, Kadmiɛlɛ, Bani, Hakabneya, Serebia, Hodia, Sɛbania do Pɛtahia, wa hia mɔ na: “Nɛ kúlú ngɔ! Nɛ dɔ́nggɔ́ dia zu li NWA Gale 'da nɛ! Nɛ nɛ té de zu li a 'da fala fai!” “NWA, e kɔ wele do wele dɔnggɔ dɔ̃lɔ̃ li 'da mɔ, kɛ ma gã nɛa ngɔ tala ogele linɔ vɛ̃ ni.

Zumanɔ 116:12

Mɛ kɛ mi nɛ hã hã NWA, we si olo dia mɛ a dɛa do mi ni a ge nde?

Zumanɔ 68:3

E kɔ 'dã winɔ wa fe dati Gale. E kɔ wa pɛsɛ dati a ɔ nɛ zɛ̃ we ni, nɛ sanga wa gɔnɔ ɔ nɛ nɔ gɔnɔ li we ni.

2 KORINTƐ 2:14

Gɛnɛ kɔ na mɛ ni, nɛ nde lɛ hã́ iɔ̃nae hã Gale, we kɛ a hã ngawi hã lɛ 'da fala fai, nɛ lɛ nɛ ngɔ mɛnɔ vɛ do wala 'da Kristo ni. A ia lɛ do Owi be sakoe 'da Kristo, nɛ sakoe ni ma yɛ'bɛ falanɔ vɛ ɔ nɛ fala tɛ yɔmbɔ ni.

2 KORINTƐ 9:15

E kɔ lɛ dɔnggɔ Gale we duzu dia mɛ kɛ a hã hã lɛ, nɛ ma nɛa ngɔ mɔ vɛ ni.

Mbulanɔ 12:18

Nɛ, do obenɔ 'da nɛ, do owi tonɔ, do olevitɛnɔ wa ɔ kɔ lenɔ 'da nɛ ni, nɛ nyɔngɔ sɛ mɛnɔ ni tati nɛ dɛ dati NWA Gale 'da nɛ Nɛ nɛ nyɔngɔ sɛ ma tɛ fala kɛ a saka na, wa dɔnggɔ do ɛ ni. Nɛ nɛ dɛ sí yangga di ni we mɛnɔ vɛ̃ kɛ nɛ dɛa ni.

Mbulanɔ 12:2

“Nɛ hɔ ngɔ nùi ni, nɛ nɛ ba ma, nɛ nɛ 'danga falanɔ vɛ̃ kɛ owinɔ wa dɔnggɔ do ogalenɔ 'da wa ni. Mɛ a ofalanɔ tɛ ngɔ ngala kalanɔ, do ngɔ obe kɛnɔ, do ti otenɔ kɛ onwá nɛ ma 'bɔ wena ni.

Mbulanɔ 16:11

Nɛ nɛ sɛ dɛ fala kɛ NWA a saka sɛ na, nɛ dɔnggɔ do ɛ ni, nɛ nɛ nyɔngɔ mɔ fala nɛ kpo. Nɛ nyɔngɔ sɛ mɛ ni, nɛ nɛ dɛ yangga fala nɛ kpo do obenɔ 'da nɛ, do owi tonɔ 'da nɛ, mba do olevitɛnɔ, ogɛnɛnɔ, obe gulanɔ, do owi fio wilinɔ kɛ wa ɔ kɔ nɛ ni.

1 TƐSALONIKƐ 2:19

Mba gɔ, 'da fala Nwa 'da lɛ Yezu a hɔ sɛ nɛ ni, nɛ lɛ gbini sɛ zã lɛ do wio nde? Nɛ lɛ dɛ sɛ yangga we wio nde? Lɛ dɔnggɔ sɛ tɛ lɛ gbali a do wio nde? Lɛ dɔ́nggɔ́ sɛ tɛ lɛ tati a do nɛ gɔ nde?