1 TƐSALONIKƐ 3:6 - WE NU GALE 1995

⁶ Nɛ nde ngangga ni, Timote kpula tɛ̃ a, nɛ a tɔ̃a dia sakoe 'da nɛ hã lɛ na, nɛ 'bana do kɔ̃a we dɛ 'da Gale, nɛ nɛ 'bana tɛ kɔ̃ ngba nɛ. A tɔ̃a 'bɔ na, nɛ 'bana tɛ lengge lɛ de wena, nɛ nɛ do wɔ we zɔ tɛ lɛ ɔ nɛ kɛ lɛ tɛ mɛ 'bɔ do wɔ we zɔ tɛ nɛ ni.

1 TƐSALONIKƐ 3:6 Iomraidhean Croise

GBA WENƆ 25:25

Zele dia sako kɛ ma yula du wala ni, ma dia ɔ nɛ bila gɛ̃a lì nu wi kɛ kɔ gɛlɛ a kula kparr ni.

Ezai 52:7

Yangga wena we zɔ wi toe kɛ a yolo ngɔ kalanɔ i, hã a tɛ tɛ do dia sakoe ni. A tɛ do dia sako na, owinɔ wa kpa sɛ gɛ̃a dungu, nɛ wa kpasa sɛ, nɛ wa dungu sɛ do yangga. A tɔ̃ hã Owi Yeruzalɛmɛ na: “Gale 'da nɛ a a Nwa.”

Owi Nɛ Tonɔ 16:1

Polo yɛnggɛ gbaa, nɛ a hɔ Dɛrbɛ, do Listrɛ, nɛ a kpa mbe wi kɔ̃a we di ni, li a a Timote. Naa a zi a wi Kristo, nɛ a a boko Yuda. Nɛ nde baa a zi a Grɛkɛ.

Owi Nɛ Tonɔ 18:1

'Do nɛ, nɛ Polo yula tɛ Atɛnɛ, nɛ a la dɛ Korintɛ.

Owi Nɛ Tonɔ 18:5

Nɛ 'da fala Silasi do Timote wa yula tɛ Masedɔanɛ i, kɔ wa hɔa ni, nɛ Polo ba tɛ̃ a vɛ̃ tɛ be we hã Yudanɔ. Nɛ a tɛ be hã wa na, Yezu a Mɛsiya kɛ Gale tumba a.

1 KORINTƐ 11:2

Mi hã iɔ̃nae hã nɛ, we kɛ ta zu nɛ élé ngɔ mi gɔ, nɛ nɛ 'bana tɛ dɛ mɛnɔ kɛ mi bia zi hã nɛ ni.

1 KORINTƐ 13:13

Nɛ nde mɛnɔ talɛ gɛ ma 'bana sɛ fai. Mɛ a kɔ̃a we dɛ 'da Gale, do gbini zã wi do mbuli 'da a, do kɔ̃ ngba wi. Nɛ nde kɔ̃ ngba wi ma nɛa ngɔ tala mɛnɔ ni vɛ.

GALATI 5:6

Mba gɔ, wi kɛ a mba do Kristo kpo ni, gɛnɛ kɔ a nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma do gã gulu nɛ, mɛ a kɔ̃a we kɛ ma be tɛ́ ɛ kɔ kɔ̃ gɛnɛ ngba wi ni.

FILIPƐ 1:8

Gale ĩ na, we mi nɛ tɔ̃ nɛ gɛ a gbãlã we: Mi kɔ̃a gɛnɛ nɛ wena ɔ nɛ kɛ Yezu Kristo kɔ̃a do gɛnɛ nɛ ni.

KƆLƆSƐ 1:4

Mba gɔ, lɛ zila sako kɔ̃a we 'da nɛ, kɛ nɛ kɔ̃a do zu li Yezu Kristo, do tɛlɛ tɛ kɛ nɛ kɔ̃a do gɛnɛ owinɔ 'da Gale vɛ̃ ni.

KƆLƆSƐ 4:18

Mi Polo, mi hã balɛ hã nɛ kɔ mbɛti mi kɔmɔ hã nɛ do zu kɔ̃ mi wele nɛ gɛ. Kɔ da dɛ kɔ ta zu nɛ élé na, mi a kɔ bɔlɔkɔ ni gɔ. E kɔ dia zã 'da Gale 'bana do nɛ.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

1 TƐSALONIKƐ 2:17

Onyae, 'do kɛ lɛ gɔnɔ zi sanga tɛ ngba lɛ do nɛ we bi kɔ̃ tũi ni, lɛ gɔnɔ sanga tɛ ngba lɛ do kili tɛ lɛ iko, nɛ nde sila lɛ 'bana ngɔ nɛ fai. Ma kɛ lɛ fa do walanɔ vɛ̃ na, lɛ nɛ 'da nɛ i, we kɛ wɔ tɛ nɛ ba lɛ wena.

1 TƐSALONIKƐ 2:9

Onyae, nɛ ĩ ti tɛlɛ tɛ kɛ lɛ gbɛa zi do tɛ lɛ li dɛa toe ni. 'Da fala kɛ lɛ be zi Dia Sakoe 'da Gale hã nɛ ni, lɛ dɛ zi to tũ do gba wese na, dɔ lɛ ha dĩ tole hã wele kpo sanga nɛ gɔ.

1 TƐSALONIKƐ 3:7

Na mɛ ni, onyae, kɔ̃a we 'da nɛ ma nganda sila lɛ kɔ ngamɛnɔ, do zɛlɛ tɛnɔ kɛ lɛ kpa ma ni.

2 TƐSALONIKƐ 1:3

Onyae, ma wia na, lɛ hã iɔ̃nae hã Gale we duzu nɛ 'da fala fai. Lɛ wia tɛ dɛ na mɛ ni gbãlã we, mba gɔ, kɔ̃a we 'da nɛ dɛ 'da Gale, do kɔ̃ ngba wi 'da nɛ ma gã dɛ dati gã fai.

1 TIMOTE 1:5

Mi tɔ̃a ni mba gɔ, we kɛ mi kɔ̃a we gã 'da kɔ̃a ngba wi 'da Owi Kristonɔ. Ĩ na, wa kɔ̃ sɛ gɛnɛ ngba wa ngboo, 'da fala kɛ sila wa ma a sa, kɔ wa ɔ do dia linggamɔ, kɔ wa kɔ̃ zu li Yezu do sila wa kpo ni.

2 TIMOTE 1:3

'Da fala kɛ mi lengge do mɔ, nɛ mi hã iɔ̃nae hã Gale, kɛ mi dɛ toe hã a do dia linggamɔ, ɔ nɛ kɛ oyaa mi wa dɛa zɛ́ ni. Nɛ tũ do gba wese, mi sambala we mɔ fai.

FILEMƆ 1:5

Mba gɔ, mi zila sako kɔ̃a zã 'da mɔ dɛ 'da owinɔ 'da Gale, do kɔ̃a we 'da mɔ dɛ 'da Nwa Yezu.

OHEBRE 13:3

Nɛ lénggé do owi bɔlɔkɔnɔ, ɔ nɛ kɛ nɛ do wa kɔ bɔlɔkɛ fala nɛ kpo ni. Nɛ nɛ lénggé do wanɔ kɛ owele wa zɛlɛ tɛ wa ni, ɔ nɛ kɛ nɛ kpa zɛlɛ tɛ do wa fala nɛ kpo ni.

OHEBRE 13:7

Ta zu nɛ tɛ èlè ngɔ owinɔ wa kpia zi dati nɛ, nɛ wa bia we nu Gale hã nɛ ni gɔ. Nɛ lénggé tɛlɛ tɛ kɛ wa zi nɛ ngɔ nù gɛ, do fie wa fia zi ni, nɛ nɛ ɔ́ do kɔ̃a we dɛ 'da Gale nɛ́ kɛ 'da wa ni.

1 YOANƐ 3:23

Ombulanɔ kɛ Gale hã ma hã lɛ ni, ma kɛ: Lɛ kɔ̃́ zu li Be 'da a Yezu Kristo, nɛ lɛ kɔ̃́ gɛnɛ ngba lɛ, ɔ nɛ kɛ Yezu ba zi do nu a hã lɛ ni.