1 TƐSALONIKƐ 3:5 - WE NU GALE 1995

⁵ Gulu nɛ a mi wè tɛ kunu sila mi gɔ, nɛ mi tumba Timote we zɔ na, kɔ̃a we 'da nɛ ɔ tabi nɛ nde? We kɛ mi dɛ kili na, da dɛ kɔ Satana ɔ́lɔ́ nɛ, kɔ do toe 'da lɛ ɔ yala iko gɔ.

1 TƐSALONIKƐ 3:5 Iomraidhean Croise

Ezai 49:4

Mi lengge zi na, mi dɛa to, nɛ ngawi 'da mi ia yala iko, mi kpà mɔ kpo olo nɛ gɔ. Nɛ nde ma a ni gɔ, NWA Gale bia hã mi na, a yolo sɛ 'do mi, nɛ a hã sɛ dia mɔ olo dɛa toe 'da mi hã mi.

DANIƐLƐ 6:19

'Do nɛ, nɛ nwa kpolo tɛ̃ a dɛ nu tɔa i. A nɛa we hɔ i mɔ, nɛ a bɛ̃ nyɔngɔmɔ, nɛ a kɔ̃̀ 'bɔ na, wele dɛ sa do ɛ gɔ. Nɛ do tũi ni vɛ̃, yala bà li a gɔ.

MATIE 4:3

Nɛ Satana hɔa, nɛ a tɔ̃ hã a na: “Fala kɛ mɔ a Be 'da Gale kpaa nde, nɛ mɔ tɔ̃́ hã otanɔ gɛ, kɔ ma kifi nyɔngɔmɔ, hã mɔ nyɔngɔ.”

Owi Nɛ Tonɔ 15:36

'Do nɛ la sĩ, nɛ Polo tɔ̃ hã Barnabasi na: “Lɛ kpóló tɛ lɛ kɔ lenɔ vɛ kɛ lɛ bia zi do we 'da Nwa Yezu ni, takɔ lɛ zɔ tabi wa 'bana tɛ kɔ̃ zu li a nde.”

1 KORINTƐ 7:5

Kɔ we duzu ki ni, nɛ tɛ bè zu kili tɛ nɛ hã ngba nɛ gɔ. Kɔ fala kɛ nɛ bɔa nɛ, nɛ kɔ̃ we gɔnɔ sanga mɔ ɔi we be tũ sĩ, takɔ nɛ hã tɛ nɛ we sambala Gale, nɛ nde ma a dia. Nɛ 'do nɛ, nɛ nɛ mba 'bɔ li ngba nɛ we ɔ fala nɛ kpo. Ní gɔ, nɛ nde nɛ wé sɛ we kunu sila nɛ gɔ, nɛ ma hã sɛ wala hã Satana na a ɔkɔlɔ nɛ.

2 KORINTƐ 2:11

dɔ lɛ hã́ wala hã Satana, kɔ a nɛ ngɔ lɛ gɔ. We duzu kɛ lɛ yɔ̀ ti linggamɔ zu Satana gɔ.

2 KORINTƐ 6:1

Kɔ lɛ winɔ kɛ lɛ dɛ toe fala nɛ kpo do Gale ni, lɛ aka nɛ na, da dɛ kɔ dia zã kɛ Gale bia hã nɛ ni, ma ɔ́ yala iko gɔ.

GALATI 2:2

Mi gili zi tɛ mi i mɔ, we kɛ Gale bia zi hã mi na mi nɛ. Kɔ mi hɔa i mɔ, nɛ lɛ mba li ngba lɛ tati nɛ do Owi zɔ mɔ tɛ eklezianɔ iko, nɛ mi bia gulu Dia Sakoe kɛ mi be hã winɔ kɛ wa a Oyuda gɔ ni hã wa. Mba gɔ, mi dɛ zi kili na, da dɛ kɔ dɛa toe kɛ mi tɛ dɛ ma ni, tabi kɛ mi dɛa zi ia ni, ma ɔ́ yala iko gɔ.

GALATI 4:11

Kɛ nɛ dɛ ni, kili nɛ ba mi wena na, dɔ olo dɛa toe 'da mi sanga nɛ ɔ́ yala iko gɔ.

EFƐZƐ 4:14

Nɛ lɛ sɛ 'bɔ a obe kɔ kɔ̃a we do kɛ na, Owi be gele wenɔ wa yɛkɛ lɛ nɛ́ kɛ bũ ba ga, nɛ ma la do ma mba mba ni gɔ. Ma dɛ tɛ ɛ ni do 'da fala Owi 'dã hãnɔ wa ɔlɔ winɔ do bia we bɛlɛnɔ 'da wa ni.

FILIPƐ 2:16

Nɛ nɛ bé Dia Sakoe kɛ ma hã kpasi ni hã wa. Kɔ nɛ dɛ ni, nɛ mi dɔnggɔ sɛ tɛ mi do nɛ, do 'da fala kɛ Kristo a tɛ sɛ nɛ ni. Mba gɔ, ki ni ma be sɛ na, olo toe mi dɛa zi, do ngamɛnɔ mi zɔa zi ni, ma ɔ̀ yala iko gɔ.

FILIPƐ 2:19

Mi gbini zã mi do Nwa Yezu na, a hã wala hã mi, hã mi tombo Timote 'da nɛ i dɔ̃ gɛ, kɔ a si do Sakonɔ 'da nɛ hã mi, hã sila mi gɛ.

1 TƐSALONIKƐ 2:1

Aa onyae, nɛ ngboo nɛ ĩ na, olo gɛnɛ kɛ lɛ nɛa zi 'da nɛ i ni là iko gɔ.

1 TƐSALONIKƐ 3:6

Nɛ nde ngangga ni, Timote kpula tɛ̃ a, nɛ a tɔ̃a dia sakoe 'da nɛ hã lɛ na, nɛ 'bana do kɔ̃a we dɛ 'da Gale, nɛ nɛ 'bana tɛ kɔ̃ ngba nɛ. A tɔ̃a 'bɔ na, nɛ 'bana tɛ lengge lɛ de wena, nɛ nɛ do wɔ we zɔ tɛ lɛ ɔ nɛ kɛ lɛ tɛ mɛ 'bɔ do wɔ we zɔ tɛ nɛ ni.