1 TƐSALONIKƐ 3:3 - WE NU GALE 1995

³ dɔ wele kpo sanga nɛ mbɔ́kɔ́, we duzu ngamɛnɔ kɛ nɛ zɔ ma ni gɔ. Mba gɔ, nɛ ĩ na ngamɛnɔ lɛ zɔ ni, mɛ a wala kɛ Gale saka we lɛ.

1 TƐSALONIKƐ 3:3 Iomraidhean Croise

YƆBƆ 23:14

A dɛ hã mi a linggamɛ kɛ a 'bili do kɔ sila a ni, a dɛ ma nɛ́ kɛ a dɛ do ogele linggamɛnɔ 'da a ni.

Zumanɔ 112:6

Dia wi té sɛ nu fala kpo gɔ, ta zu winɔ ma 'bana sɛ ngɔ a fai.

LUKA 21:12

“Nɛ nde do dati mɛnɔ ni, Owele wa kala sɛ nɛ, nɛ wa zɛlɛ tɛ nɛ, nɛ wa nɛ do nɛ we 'bili we 'da nɛ kɔ tɔa mbulanɔ, nɛ wa a sɛ nɛ bɔlɔkɔ. Wa a sɛ nɛ dati Onwanɔ, do ogã winɔ, we kɛ nɛ a winɔ 'da mi.

YOANƐ 16:2

Wa ndaka sɛ nɛ kɔ tɔa mbulanɔ. Nɛ mbe ngba soe kpo, nɛ wa ma sɛ ngɔ gbɛ nɛ, nɛ wa lengge sɛ na, mɛnɔ lo dɛ ni, ma dɔnggɔ Gale dɔngga.

YOANƐ 16:33

Mi tɔ̃a zi wenɔ ni hã nɛ, takɔ nɛ mba do mi kpo, hã sila nɛ gɛ̃. Nɛ kpa sɛ zɛlɛ tɛ ngɔ nù gɛ, nɛ nde nɛ ɔ́ do kpã sila! Mba gɔ, ngawi 'da mi nɛa ngɔ mɛnɔ nù gɛ vɛ̃ ia.”

Owi Nɛ Tonɔ 14:22

Nɛ wa nganda sila Owi Kristonɔ di ni ni na, wa 'bana tɛ kɔ̃ zu li Yezu do sila wa kpo. Nɛ wa tɔ̃ hã wa na: “Ma wia na, lɛ winɔ kɛ lɛ kɔ̃a zu li Yezu ni, lɛ kpa ngamɔ ngɔ nùi gɛ gbaa, ndɔti nɛ a kɛ lɛ le sɛ nɛ kɔ le 'da Gale i ni.”

Owi Nɛ Tonɔ 2:25

Nɛ Davidi tɔa zé we ngɔ a na: ‘Mi zɔ Nwa 'da mi dati mi 'da fala fai, a fala nɛ kpo do mi boe na, dɔ ngamɔ kpo kpá mi gɔ.

Owi Nɛ Tonɔ 21:11

Nɛ a tɛ 'da lɛ nga, nɛ a ba 'dɛ 'da Polo, nɛ a ɛnzɛ do nyanga a do kɔ̃ a wele nɛ, nɛ a tɔ̃ na: “Nɛ zɔ́, Hi Wi Santo tɔ̃a na, Oyudanɔ wa ba sɛ wele 'dɛ gɛ Yeruzalɛmɛ i, nɛ wa ɛnzɛ sɛ a na mɛ gɛ, nɛ wa 'dɔlɔ a hã ogele winɔ.”

Owi Nɛ Tonɔ 21:13

Nɛ a gese hã lɛ na: “Gulu kɛ nɛ he, nɛ nɛ gɛ tɛ mi ni we ge nde? Gɛnɛ kɔ wa ba mi Yeruzalɛmɛ i, kɔ wa ɛnzɛ mi, kɔ wa gbɛ mi we Nwa Yezu, nɛ mi kɔ̃ sɛ iko.”

Owi Nɛ Tonɔ 9:16

Nɛ mi be sɛ tɛlɛ tɛ ngamɛnɔ kɛ a kpa sɛ we duzu mi ni hã a.”

ROMA 5:3

Nɛ gɛnɛ kɔ lɛ kpa ngamɛnɔ, nɛ lɛ dɛ 'bɔ yangga, we duzu kɛ lɛ ĩ na, ngamɛnɔ ni ma hã kpã sila hã lɛ.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

1 KORINTƐ 4:9

Nɛ nde mi zɔ na, Gale ia lɛ, owi nɛ tonɔ 'da Yezu Kristo do ngɔ go'do winɔ vɛ. Lɛ ɔ nɛ owinɔ kɛ wa 'bili we 'da wa na, wa gbɛ wa dɛ wila fala ni. Nɛ lɛ ɔ nɛ mɔ gbɔlɔ mɔmu li winɔ ngɔ nù gɛ, do anzɛnɔ vɛ ni.

EFƐZƐ 3:13

We duzu ki ni, mi aka nɛ na, nɛ tɛ zɔ̀ zɛlɛ tɛnɔ kɛ mi kpa we duzu nɛ ni, kɔ nɛ mbɔkɔ gɔ. Zɛlɛ tɛnɔ ni ma hã dia mɔ hã nɛ, nɛ nɛ dɔnggɔ tɛ nɛ do ma.

FILIPƐ 1:28

Nɛ tɛ dɛ̀ kili owi sɛnɛ nɛ fala kpo gɔ. Nɛ ɔ́ do kpã sila, nɛ ma be sɛ hã wa na, wa kumu sɛ, nɛ nɛ kpasa sɛ. Nɛ wi a Gale hã a dɛa na mɛ ni we nɛ.

KƆLƆSƐ 1:23

Nɛ nde ma wia na, nɛ 'be kɔ̃a we 'da nɛ nɔ, nɛ nɛ yolo nganda nɛ́ tɔa kɛ wa a nyanga nɛ dɛ ngɔ ta ni. Nɛ dɔ wele kpo ɔ́lɔ́ nɛ na, nɛ la fala gbini zã nɛ do Dia Sakoe kɛ wa bia zi ma hã nɛ ni gɔ. Dia Sakoe ni, wa bia ma hã owinɔ ngɔ nù gɛ vɛ̃, nɛ mi Polo mi hɔa wi nɛ to we be ma.

1 TƐSALONIKƐ 5:9

Mba gɔ, Gale sàkà zi lɛ na, nɔ̃lɔ̃ zã 'da a te ngɔ lɛ gɔ, nɛ nde a saka lɛ na, lɛ kpa kpasi do wala 'da Nwa 'da lɛ Yezu Kristo.

2 TƐSALONIKƐ 1:4

Ma kɛ lɛ dɔnggɔ tɛ lɛ do nɛ kɔ eklezianɔ 'da Gale, we duzu kɛ kɔ zɛlɛ tɛnɔ do ngamɛnɔ nɛ kpa ma ni, nɛ nde nɛ 'bana do kpã sila, do kɔ̃a we dɛ 'da Yezu.

2 TIMOTE 1:8

We duzu ma, mɔ tɛ dɛ̀ sape we tɔ̃ we 'da Nwa 'da lɛ hã Owele gɔ. Nɛ sape tɛ bà 'bɔ li mɔ we mi kɛ mi lia bɔlɔkɔ we duzu a ni gɔ. Nɛ nde mɔ mbá do mi kɔ ngamɛ kɛ mi kpa we duzu be Dia Sakoe ni, nɛ mɔ gbini zã mɔ do ngawi kɛ Gale hã ma hã mɔ ni.

1 PETRO 2:21

Mba gɔ, Gale sa mɔ hã nɛ na, nɛ zɔ ngamɔ na mɛ ni, we kɛ Kristo zɔa zi tɛ mɛ 'bɔ ngamɔ we duzu nɛ. Nɛ a bia wala hã nɛ, takɔ nɛ zɔ tɛlɛ tɛ kɛ a dɛa zi ni, nɛ nɛ 'bã do kɔ̃ a.

USU MƐNƆ 2:10

Nɛ tɛ dɛ̀ kili zɛlɛ tɛ nɛ kpa ma ni gɔ. Nɛ zɔ́, Satana kɔ̃a we yamba sila nɛ. A da sɛ ombe sanga nɛ ni kɔ bɔlɔkɔ, nɛ nɛ zɔ sɛ ngamɔ 'do tũ 'bu. Kɔ wa kɔ̃ we gbɛ nɛ, nɛ nɛ tɛ kìfì nu nɛ gɔ. Nɛ mi si sɛ olo zɛlɛ tɛ ni hã nɛ do kpasi kɛ ma é sɛ gɔ ni.

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.